በአብዛኞች ዘንድ መልካም ስብዕና እንዳላቸው የሚነገርላቸው ዶ/ር መረራ ጉዲናን ለመፍታት እቅድ እንዳለ መስማታቸውን አንድ የህግ ባለሙያ ለዛጎል ጠቆሙ። ዛጎል ከዶ/ር መረራ እስር ጋር በተያያዘ ማብራሪያ ለመጠየቅ በስልክ ያገኛቸው ታዋቂ የህግ ባለሙያ ” ለጊዜው ምንም አስተያየት መስጠት አልፈልግም፤ ግን መረራን የመፍታት እቅድ ስለመኖሩ አውቃለሁ” ሲሉ ተናገረዋል።

ዝርዝር ውስጥ ለመግባት የማይፈልጉት ክፍርሃቻ ሳይሆን ” አላስፈላጊ አስተያየት መሰንዘር ዶ/ር መረራንም ሆነ ሌሎች እስረኞችን አይጠቅምም። አጉል እልህ ማጋባት ነው” ሲሉ ምክንያታቸውን ተናግረዋል። የመፈታታቸው ፍንጭ መኖሩ የሰሙት ጉዳዩን ከያዙት የውጪ ዲፕሎማቶች ዘንድ እንደሆነም ጠቁመዋል። ዶ/ር መረራ ከአውሮፓ በተመለሱበት እለት ሌሊት መያዛቸው የሚታወስ ሲሆን፣ የሳቸውን መታሰር ተከትሎ ለምስክርነት የጠራቸው  የአውሮፓ ፓርላማ፣ አሜሪካን፣ የተለያዩ የሰብአዊ መብት ተሟጋች ድርጅቶች፣ ድርጊቱን መቃወማቸውና በአስቸኳይ እንዲፈቱ መጠየቃቸው የሚታወቅ ነው።

በዲሰምበር 7 ቀን 2016 ስርጭቱ ቪኦኤ ዶ/ር መረራ ሲያዙ አብረዋቸው የታሰሩት ታየ ነገራና ኮመራ ደለሳ መፈታታቸውን ዘግቧል። እስረኞቹ የታሰሩበትን ምክንያት እንዳላወቁ በዘገባው ተመልከቷል። የዶ/ር መረራን እስር አስመልክቶ ኮማንድ ፓስቱ ህግ መተላለፋቸውን ከመግለጹ ውጪ ሌላ የተባለ ነገር የለም።

ዛጎል ዜና ዲሰምበር 12 – 2016

Related stories   ለሰሜን አሜሪካ ስፖርት ፌዴሬሽን - "በስታዲዬም ጫጫታ የኢትዮጵያ ችግር አይፈታም" ሀብታሙ አያሌው

Leave a Reply

Your email address will not be published. Required fields are marked *