እናመሰግናለን – ክቡር ተስፋዬ ዲንቃ

“… thank you for serving your beloved country Ethiopia. You will never be forgotten.May God bless your soul ” እናመሰግናለን!ውድ አገርህ ኢትዮጵያን በማገልገልህ እናመሰግናለን። በፍጹም የምትረሳ ሰው አይደለህም፤ እግዚአብሔር ነብስህን ይባርክ” ከክቡር ተስፋዬ ዲንቃ ህልፈት በሁዋላ ከተሰጡ አስተያየቶች የተወሰደ

ተስፋዬ ዲንቃ እጅግ አስተዋይ እንደነበሩ በርካቶች በህይወት እያሉ መስክረውላቸዋል። በቀለም ባገኙት እውቀት ብቻ ሳይሆን በተፈጥሮ የረጉና ውብ ስብዕና እንደነበራቸው የሚያውቋቸው በአደባባይ ይናገሩላቸዋል። አገራቸውን የሚወዱና ለተሰጣቸው ሃላፊነት የተጉ እንደነበሩ በቅርብ የሚያውቋቸው ያስታውሳሉ። በተሟጠጠ ሰዓት ኮሎኔል መንግስቱ ሃይለማርያም ጠቅላይ ሚኒስትር አድርገው ሲሾሙዋቸው፣ ቁጭትን የፈጠረ አስተያየት እንዲሰነዘር ምክንያት የነበሩ ሰው ነበሩ!!

ደርግ ከመውደቁ ሁለት ዓመት ግድም የቅይጥ ኢኮኖሚን ሲያውጅ ተስፋዬ ዲንቃን ወደ ሃላፊነት ቢያመጣና እሳቸውን ቢሰማ ኖሮ ሁኔታዎች ሊቀየሩ እንደሚችሉ በጊዜው ተነግሮ ነበር። የተዋጣላቸው ዲፕሎማትና ባለእውቀት ሰው ስለነበሩ አገሪቱን እንደሚጠቀሙ በበርካቶች ዘንድ እምነት ነበር።

Tesfaye Dinka funeral Services Church Service December 10th at 11:30 AM – 1:00 PM Ethiopian Orthodox Tewahedo Debre Meheret St. Michael Cathedral 3010 Earl Place NE Washington, DC 20018 Burial Service will follow at 2 PM Fair-fax Memorial Park 9900 Braddock Road Fair fax, VA 22032 Family will receive guests and family Friday December 9th at 12 PM – 8 PM Saturday December 10th for Lunch following Burial Service at 4 PM-8 PM Sunday December 11th at 11 AM – 5 PM Dama Ethiopian Restaurant Pastry and Cafe 6669 Little River Turnpike Annandale, VA 22003

Related stories ሕዝብን ማን ይሰራዋል?

ተስፋዬ ዲንቃ ን አስመለከቶ ኢትዮጵያ ዛሬ ስለ እሳቸው የጻፈው ገላጭ ሆኖ ስላገኘነው ከዚህ በታች እንዳለ አትመነዋል።

የቀድሞ ጠቅላይ ሚኒስትር፤ ብሎም ከ1981 እስከ 1983 ዓ.ም. በውጭ ጉዳይ ሚኒስትርነት ኢትዮጵያን ያገለገሉት አቶ ተስፋዬ ዲንቃ ያዴሳ ኅዳር ፪፱ ቀን ፳፻፱ ዓ.ም. በ፸፯ ዓመታቸው አረፉ።

አቶ ተስፋዬ የኢትዮጵያ ሠራተኞች ፓርቲ (ኢሠፓ) ፖሊት ቢሮ አባል የነበሩ ሲሆን፣ በኢንዱስትሪ ሚኒስቴር፣ በኢኮኖሚ ሚኒስቴር እና በተለያዩ የሚኒስቴር መሥሪያ ቤቶች በሚኒስትርነት አገልግለዋል። አቶ ተስፋዬ በደርግ የመጨረሻ ወራት ለአንድ ወር ከዘጠኝ ቀናት (፴፱ ቀናት) ከሚያዝያ ፲፰ እስከ ግንቦት ፱ ቀን ፲፱፻፹፫ ዓ.ም. የአገሪቱ ጠቅላይ ሚኒስትር ነበሩ።

Related stories የተላላኪው ጠበቃዎች

በዓለም አቀፍ መሥሪያ ቤቶች ውስጥም ከማገልገላቸውም በላይ፤ እ.ኤ.አ. 1990 በዓለም ባንክ ውስጥ ሠርተው እንደነበር ይታወሳል። ለረዥም ዓመታት በዩናይትድ ስቴትስ ኦፍ አሜሪካ፣ ቨርጂንያ ነዋሪ የነበሩ ሲሆን፣ በአፍሪካ የኢኮኖሚ ዕድገት ላይ በሚሠራውና ”ግሎባል ኮአሊሽን ፎር አፍሪካ” (ዓለም አቀፉ የአፍሪካ ጥምረት) ለተሰኘው ድርጅት በከፍተኛ አማካሪነት ሲሠሩ ቆይተዋል።

አቶ ተስፋዬ ዲንቃ የተወለዱት አምቦ ከተማ ሲሆን፣ የመጀመሪያ ደረጃ ትምህርታቸውን አምቦ ጨርሰው የሁለተኛ ደረጃ ትምህርታቸውን የተከታተሉት በአዲስ አበባ የጄነራል ዊንጌት ት/ቤት ነበር። የመጀመሪያ ዲግሪያቸውን ቤሩት በሚገኘው የአሜሪካን ዩኒቨርሲቲ አግኝተዋል። የማስትሬት ዲግሪያቸውን ደግሞ በአሜሪካ ኒው ዮርክ በሚገኘው ሲራከስ ዩኒቨርሲቲ በኢንደስትሪያል ኢንጂነሪንግ ለማግኘት ችለዋል።

በደርግ መጨረሻ ሰዓት፣ ኸርማን ኮኽን በአወያይነት በመሩትና በአሜሪካን የውጭ ጉዳይ ሚኒስቴር (State Department) አስተባባሪነት፤ ደርግ በሎንዶን ከወያኔ፣ ሻዕቢያ እና ከኦነግ ጋር ባደረገው ድርድር፤ የደርገን ልዑካን ቡድን መርተው በድርድሩ ላይ ከተገኙት የወቅቱ ከፍተኛ ባለሥልጣናት ውስጥ አቶ ተስፋዬ ዲንቃ አንዱ እንደነበሩ አይዘነጋም።

በድርድሩ ላይ ከደርግ ወገን አቶ ተስፋዬ ዲንቃ፣ ጠቅላይ አቃቤ ሕግ የነበሩት አቶ ቢልልኝ ማንደፍሮ እና ዶክተር ግርማ ወልደሥላሴ የተገኙ ሲሆን፣ በሌላኛው ወገን ለድርድሩ የቀረቡት ሟቹ ጠ/ሚ አቶ መለስ ዜናዊ (ከወያኔ)፣ የአሁኑ ፕ/ት ኢሳያስ አፈወርቂ (ከሻዕቢያ)፣ አቶ ሌንጮ ለታ (ከኦነግ) ነበሩ። በወቅቱ ኸርማን ኮኽን የወያኔ/ኢሕአዲግ ጦር አዲስ አበባን በአስቸኳይ እንዲቆጣጠር ሲሉ፤ አቶ ተስፋዬ ተቃውሞ አሰምተው እንደነበር መረጃዎች ይጠቁማሉ።

አቶ ተስፋዬ ዲንቃ አገር ወዳድ፣ ባለትዳር፣ የአራት ልጀች አባት እና የአራት ልጆች አያት ነበሩ። ኢትዮጵያ ዛሬ (ዓርብ ኅዳር ፴ ቀን ፳፻፱ ዓ.ም. Dec. 9, 2016)፦