ZAGGOLE – ዛጎል

“Our true nationality is mankind.”H.G.

84 እሽግ ኮኬን በቀዶ ጥገና ተያዘ

ከአንድ ናይጄሪያዊ ግለሰብ ሆድ ውስጥ ከአንድ ኪሎ ግራም በላይ የሚመዝኑ 84 እሽግ ኮኬይን የተሰኘ አደንዛዥ እፅ በምኒሊክ ሆስፒታል በቀዶ ህክምና እንዲወጣለት ተደርጓል።

ግለሰቡ አዲስ አበባ ቦሌ አውሮፕላን ማረፊያ ሲደርስ ሆዱን በመታመሙ ነው ወደ ሚኒሊክ ሆስፒታል የተወሰደው።

በዚሁ ጊዜም የሆስፒታሉ የህክምና ባለሞያዎች በሆዱ አደንዛዥ እጽ መኖሩን በማረጋጋጣቸው ከ3 ሰአት በላይ በፈጀ ቀዶ ጥገና ህክምና በማድረግ 84 እሽግ እጹን ከሆዱ ማውጣት ችለዋል።

Related stories   የዓለም ጤና ድርጅት ለቻይናው ክትባት ይሁንታውን ሰጠ

ግለሰቡ በአሁኑ ጊዜ የህክምና እርዳታ እየተደረገለት ሲሆን፥ የፌዴራል ፖሊስ የወንጀል ምርመራ ቡድንም የግለሰቡን ማገገም ተከትሎ የምርመራ ስራ እንደሚጀምር አስታውቋል።

ከፌዴራል ፖሊስ ወንጀል ምርመራ ቢሮ የተገኘ መረጃ እንዳመለከተው፥ አደንዛዥ እጹ መነሻው ከብራዚል ሆኖ በቦሌ ኤርፖርት ትራንዚትነት ወደ ተለያዩ አገራት እንደሚሰራጭ ነው።

እጹን የሚቀበል ቡድን በአዲስ አበባ መኖሩም በምርመራ መረጋገጡን መረጃው ያመለክታል። ዜናው የፋና ነው

Related stories   የቻይናው ሮኬት ስብርባሪ በኢትዮጵያ ቢወድቅ ምን ዓይነት የጥንቃቄ እርምጃዎች ሊወስዱ ይገባል?