Image result for hailemariam desalegnሃይለማርያም ደሳለኝ የተመድ የሰብአዊ መብት ጽህፈት ቤት ” አበረታቶናል፣ ደግፎናልና፣ ይፋ ያደረግነውን ሪፖርት ተቀብሎናል” ሲሉ የተናገሩት ፈጠራ መሆኑን ተጠቆመ። የተመድ ሃላፊዎች ሪፖርቱ የደረሳቸው መቼ እንደሆነ ከመግለጽ ተቆጥበው ይፋ እንዳደረጉት የሰጡት ማበረታቻም ሆነ አዎንታዊ መልስ የለም።

በቅርቡ ይፋ የሆነውንና የኢትዮጵያ ሰብአዊ መብት ኮሚሽን ሪፖርት አስመልክቶ የተመድ የሰብዓዊ መብት ጽህፈት ቤት ይህንን ያስታወቀው አቶ ሃይለማርያም ለተናገሩት ምላሽ እንዲሰጡ የጀርመን ሬዲዮ አማርኛው ክፍል ባቀረበው ጥያቄ መሰረት ነው። የኢትዮጵያ ሰብዓዊ መብት ኮሚሽን በኦሮሚያ እና አማራ ክልል ተቀስቅሰው በነበሩ ህዝባዊ ተቃውሞዎች  የ698 ሰዎች ሕይወት መጥፋቱን ባለፈው ሳምንት ባቀረበው የምርመራ ዘገባ ይፋ ማድረጉ ይታወሳል።

ተቃውሞዎቹን በተመለከተ የማጣራቱ ተግባር በአንድ ገለልተኛ አካል እንዲደረግ የተመድ እና የአውሮጳ ህብረት ጥያቄ ማቅረባቸው እና ጥያቄአቸው ከኢትዮጵያ መንግሥት በኩል ተቀባይነት አለማግኘቱም አይዘነጋም።  ለዚህም የኢትዮጵያ መንግሥት ዠኔቭ የሚገኘው የተመድ የሰብዓዊ መብት ጽህፈት ቤት የሰብዓዊ መብት ኮሚሽን ያቀረበለትንየመጀመሪያ ዘገባ “ተቀባይነት ያለው ነው” ማለቱን እንደምክንያት መግለጹን ያመለከተው የዶቼቬሌ ዜና  በዚሁ መነሻ የተመድን ሃላፊዎች ማነጋገሩን አመልክቷል።

የተመድ የሰብአዊ መብት ህዝብ ግንኙነት ሃላፊ  ሚ/ር ሎናርዶ ጎሜዝ ” ይህንን አስመልክተን ያበረታታነው ነገር የለም”    የተመድ የሰባዊ መብት ጽህፋት ቤት የህዝብ ግንኙነት  ወይዘሮ  ኤልሳቤት ሮንሰለን ” የሰጠንው መልስ የለም። ዝርዝሩን አልነግርህም” ሲሉ ምላሽ ሰጥተዋል።

የሰብአዊ መብት ኮሚሽን ባቀረበው  ሪፖርት 669 ሰዎች ብቻ መሞታቸውን ይፋ ቢያደርግም የሟቾች ቁጥር ከ1000 በላይ እንደሆነ የተለያዩ ገለልተኛ ወገኖች መግለጻቸው አይዘነጋም። ኢህአዴግ ገለልተኛ ወገኖች፣ የተባበሩት መንግስታት የሰብአዊ መብት ኮሚሽን የደረሰውን ሰብአዊ ውድመት ለማጣራት ያቀረቡትን ጥያቄ ውድቅ ያደረገውና ራሱ ባቋቋመው አካል እንዲመረመር ያደረገው የደረሰው በፍርሃቻ መሆኑ ተጠቁሟል።

ራሱ መንግስት እንዳመነው እናትን የልጇ አስከሬን ላይ አስቀምጦ ከማሰቃየት ጀምሮ በአገሪቱ  የተፈጸሙትን የተልያዩ የሰብአዊ መብት ጥሰቶች ኢህአዴግ በሩን ለገለልተኛ አካላት እንዳይከፍት እንዳስገደደው በርካቶች ይናገራሉ። በዚሁ መነሻ የኮሚሽኑን ሪፖርት ተቀባይነት የሌለው መሆኑም ተመልክቷል። የዶቼቬሌን ዘገባ ያድምጡ

Related stories   ኢጣልያ የአፍሪካ ፍልሠተኞች ከባሕር እንዳይደርሱ ልታደርግ ነው

 

Leave a Reply

Your email address will not be published. Required fields are marked *