የኢትዮጵያ ንግድ ባንክ ፌንፊኔ ቅርንጫፍ የብድር ክፍል ኃላፊ በነበሩበት ወቅት ከ16 ዓመታት በፊት ከተሰጠ ብድር ጋር በተገናኘ፣ ሥልጣናቸውን ያላግባብ ተጠቅመዋል በመባል በሙስና ወንጀል ተጠርጥረው ታሰረው የነበሩት የኦሮሚያ ኅብረት ሥራ ባንክ ፕሬዚዳንት በዋስ ተፈቱ፡፡

ፕሬዚዳንቱ አቶ ደርቤ አስፋው ሁሪሳ ከእስር የተፈቱት በ20,000 ብር የዋስትና ገንዘብ ነው፡፡ ግንቦት 23 ቀን 2009 ዓ.ም. ፍርድ ቤት ቀርበው ዋስትና ተከልክለው ትዕዛዝ በተሰጠ በማግሥቱ ግንቦት 24 ቀን 2009 ዓ.ም. ተፈቅዶላቸዋል፡፡ የፌዴራል ፖሊስ ወንጀል ምርመራ ቢሮ መርማሪ ቡድን ግንቦት 23 ቀን 2009 ዓ.ም. አቶ ደርቤን በፌዴራል ከፍተኛ ፍርድ ቤት ልደታ ምድብ አቅርቦ፣ ተጨማሪ የምርመራ ጊዜ ሲጠይቅ ስድስት ቀናት ተፈቅደውለት ለግንቦት 29 ቀን 2009 ዓ.ም. ቀጠሮ መስጠቱን መዘገባችን ይታወሳል፡፡

Related stories   በአርቲስት ሃጫሉ ሁንዴሳ ግድያ በተጠርጠሩ አራት ተከሳሾች ብይን ሰጠ

ነገር ግን አቶ ደርቤ የዋስትና መብት ተነፍጓቸው በፖሊስ ጣቢያ እንዲቆዩ የተሰጠው ትዕዛዝ ተነስቶ፣ በማግሥቱ ግንቦት 24 ቀን 2009 ዓ.ም. በ20,000 ብር ዋስ መለቀቃቸውን ሪፖርተር አረጋግጧል፡፡

ዋስትና በተነፈጋቸው በማግሥቱ የዋስትና መብት ሊፈቀድላቸው የቻለው ፖሊስ በመጀመርያው ቀን ዋስትና ያስከለከላቸው የምርመራ ሒደቱ ረዥም ጊዜ ይፈጅብኛል በማለቱ ቢሆንም፣ በአጭር ሰዓታት ውስጥ በማጠናቀቅና በማግሥቱ እንዲቀርቡ በማድረግ ለፍርድ ቤቱ አስረድቶ ዋስትና ቢፈቀድላቸው እንደማይቃወም በማስረዳቱ፣ እንደተለቀቁ ምንጮች ለሪፖርተር ተናግረዋል፡፡

Related stories   በአርቲስት ሃጫሉ ሁንዴሳ ግድያ በተጠርጠሩ አራት ተከሳሾች ብይን ሰጠ

ከአቶ ደርቤ ጋር ተጠርጥረው ታስረው የነበሩት አቶ አበበ አጥናፉም በ20,000 ብር፣ አቶ ገብረ ፃድቅ ገብረ መድኅን በ12,000 ብር፣ አቶ ደረጀ ባዩ ደግሞ በ6,000 ብር ዋስትና መለቀቃቸው ታውቋል፡፡

አቶ ደርቤ በኢትዮጵያ ንግድ ባንክ ከታች ተነስተው በጂማ ዲስትሪክት በኃላፊነት ሁለት ዓመታት ከስድስት ወራት፣ እንዲሁም በኦፕሬሽን ምክትል ፕሬዚዳንትነት ለአምስት ዓመታት አገልግለዋል፡፡

ሪፖርተር

Share and Enjoy !

Shares

Leave a Reply

Your email address will not be published. Required fields are marked *