via ዳኒ አልቬስ ፕሪምየር ሊጉን ሊቀላቀል ከጫፍ ደርሷል — ኢትዮአዲስ ስፖርት

የማንችስተር ሲቲው አለቃ ፔፕ ጓርዲዮላ የቀድሞ ተጫዋቹን ዳኒ አልቬስን ወደኢትሃድ ለማምጣት ያደረገው ጥረት ለስኬት መቃረቡን ተከትሎ የሁለቱ ሰዎች ዳግም ጥምረት ከወዲሁ አጓጊ ሆኗል፡፡

ባካሪ ሳኛን ፣ ጋኤል ክሊቺንና ዛባሌታን የሚለቀው ማንችስተር ሲቲ ሁነኛ የመስመር ተከላካይ አሰሳ ላይ የከረመ ሲሆን ለቶተንሐሙ ካይል ዎከር ያቀረበውን ጥያቄ በተጫዋቹ ዋጋ መናር ምክንያት አንስቷል፡፡

ጓርዲዮላም ፊታቸውን ወደብራዚላዊው ምርጥ ያዞሩ ሲሆን ጁቬንቱስ ተጫዋቹን የመሸጥ ፈቃደኝነት ማሳደሩን ተከትሎ ሁለቱ አካላት ለስምምነት መቃረባቸውን ዘ ጋርዲያንን ጨምሮ በርካታ የሚዲያ አካላት ዘግበዋል፡፡

ከአሮጊቷ ጋር አስደናቂ የውድድር አመትን ያሳለፈው አልቬስ ስኩዴቶውንና ኮፓ ኢታልያን ከፍ ማድረግ የቻለ ሲሆን በአውሮፓ ሻምፒዮንስ ሊግም የፍፃሜ ተፋላሚ መሆን ችሏል፡፡

ጁቬ ከተጫዋቹ ዝውውር የሚፈልገውን 5 ሚልዮን ፓውንድ ለመክፈል ሲቲዎች የተስማሙ ሲሆን ከተጫዋቹም ጋር በግላዊ ጉዳዮች ላይ መስማማት መቻላቸው ተጠቅሷል፡፡

Related stories   “ሐሩርም ይሁን በረዶ እኔ ከማሸነፍ የሚገታኝ አንዳች ኃይል የለም” – “Yifter the Shifter”!

Leave a Reply

Your email address will not be published. Required fields are marked *