ጠቅላይ ሚኒስትር ኃይለማሪያም ከአሜሪካ ሴኔትና ኮንግረስ አባላት ጋር ተወያዩ

ጠቅላይ ሚኒስትር ኃይለማሪያም ደሳለኝ ከአሜሪካ ሴኔትና ኮንግረስ አባላት ጋር በሠላምና ጸጥታ ማስከበር ጉዳዮች ላይ ተወያዩ።

Related stories   Ethiopia’s transition misrepresented. Reply to Obang Metho

የኢትዮጵያና የአሜሪካን ግንኙነት ይበልጥ ለማሳደግ ከኮንግረሱም ሆነ ከሴኔቱ ምክር ቤቶች ጋር ያለው ግንኙነት እንደሚጠናከር ተገልጿል።

በውይይቱ ምክትል ጠቅላይ ሚኒስትር ደመቀ መኮንን፣ የክልል ፕሬዚዳንቶችና ከፍተኛ የመንግስት የስራ ኃላፊዎች ተሳትፈዋል።

ውይይቱን የተከታተሉት የውጭ ጉዳይ ሚኒስትር ዶክተር ወርቅነህ ገበየሁ እንደገለጹት ኢትዮጵያና አሜሪካ በውጭ ግንኙነት መርህ መሠረት በርካታ ስራዎችን በጋራ እየሰሩ ይገኛሉ።

ከጸጥታ ጋር ተያይዞ በአፍሪካ ቀንድ የሚስተዋለውን ዓለም ዓቀፍ ሽብርተኝነት ለመዋጋት በጋራ መስራታቸውን መጥቀስ ይቻላል ብለዋል።

Related stories   ሰበር ዜና – ትህነግ በዲፕሎማሲ ዘመቻ ቀውስ ገጠመው፤ “ በሃሰት መረጃ አሳፈራችሁን ” የቅርብ አጋሮቻቸው

ለሴኔቱ አባላትም እነዚህ ስራዎች ወደፊትም ይበልጥ ተጠናከረው እንዲቀጥሉ ኢትዮጵያ አሁን እያበረከተች ያለውን አስተዋጽኦ አጠናክራ እንደምትቀጥል ተገልጾላቸዋል ነው ያሉት።

በተጨማሪም ሴናተሮቹ ኢትዮጵያን በደንብ የሚያውቁ፣ የሚወዱና የኢትዮጵያ ህዝቦችን ሁኔታ ጠንቅቀው የተረዱ በመሆናቸው ከአሜሪካ ጋር ያለውን ግንኙነት የበለጠ ያጠናክረዋል ብለዋል።

የሴኔቱ አባላት ተወካይ ሴናተር ጀምስ ኢንሆፍ በበኩላቸው ላለፉት 23 ዓመታት የኢትዮጵ­ያን አጠቃላይ ሁኔታ ሲከታተሉ መቆየታቸውንና የአገሪቷ ወዳጅ መሆናቸውን ተናግረዋል።

Related stories   ብርሃኑ ነጋ አቋማቸውን ቀየሩ፤ ኢዜማ ደርግ በግፍ የዘረፈውን የግል ሃብት ለተከራይ እንደሚሸጥ ይፋ አደረገ፤ የኢዜማ የ ” ፍትህ” ሩጫ

ሴናተር ጀምስ ኢትዮጵያ ውስጥ አስደናቂ ለውጦች መምጣታቸውን መታዛባቸውን ተናግረው አሜሪካም ጥሩ አጋሯ ናት ብለዋል።

ኢትዮጵያ ከሌሎች የአፍሪካ አገራት ጋር ሲነጻጸር በተሻለ መልኩ የኢኮኖሚ  እድገት እያስመዘገበች መምጣቷን መገንዘባቸውንም አክለዋል።

ኢትዮጵያና አሜሪካ ከሁለትዮሽ ኢኮኖሚያዊ ግንኙነት ባሻገር በቀጣናዊ ሰላምና መረጋጋት እንዲሁም ሽብርተኝነትን በመዋጋት ትብብራቸው ይታወቃሉ።

ምንጭ፦ (ኤፍ.ቢ.ሲ.)

መነሻ ፎቶ – ፋይል ሲሆን ከርዕሱ መግቢያ ላይ የቀረበው ጎልጉልከጻፈው የተወሰደ ነው

 

 

Share and Enjoy !

Shares

Leave a Reply

Your email address will not be published. Required fields are marked *