ኢትዮጵያዊነት ከደም አልፎ በልብ ውስጥ የተቀመ ጠ የተከበረ ማንነት ነው- ኢትዮጵያዊነት ሱስ ነው።
ርዕሰ መስተዳድር አቶ ለማ መገርሳ
Via @Addisu AregaKitessa

‹‹ኢትዮጵያዊነት ምን እንደሆነ ዛሬ ባየነው ትዕይንት ትርጉሙ ገብቶኛል፡፡ኢትዮጵያዊነት ልዩ ነው፡፡ አትዮጵያዊነት ሱስ ነው፡፡ከደም አልፎ ልቡ ውስጥ እንዳለ ዛሬ አይተነዋል፡

ማንኛውም ኢትዮጵያዊ የትም ይሁን የት ፣ምን ያህል የኢትዮጵያዊነት ርሀብ እንዳለበት በመላው ዓለም የሚገኙ ሁሉ መምጣታችንን ሲሰሙ ምን ያህል በውስጣቸው እንዳደረ አይተናል፡፡ችግሮቻችንን በጋራ እየፈታን ለእድገታችን የምንሰራበት ጊዜም ነው ብለዋል፡፡

Related stories   የጎንደር ከተማ አስተዳደር ጥብቅ መመሪያ አወጣ - ጥይት መተኮስ ተከለከለ፤ በህግ ያስቀጣል

ለዚች ሀገር ህይወቱን አሳልፎ የሰጠው ይህ ህዝብ ለሀገሩ ፣ለአንድነቱ ነው፡፡ትናንት በተለያዩ አውደ ውጊያዎች ደሙን የገበረው ለኢትዮጵያ ነው፡፡ለሀገራችን አሁንም መስራት ይጠበቅብናል፡፡ወደ ኋላ እያየን ወደፊት ልንጓዝ አንችልም፡፡ያለፈውን እንርሳው ፡፡ለሀገራችን አንድነት በጋራ እንቁም ሲሉ ጥሪያቸውን አቅርበዋል፡፡

ዛሬ አማራ ክልል የተገኘነው እንደምስታፈልጉን ፣እንደምናስፈልጋችሁ ስለምናምን ነው፡፡ለኢትዮጵያችን ሁሉም ብሄሮች ብሄረሰቦች እና ህዝቦች ያስፈልጓታል፡፡ፍቅር ያሸንፋል፡፡ብሄሮች በጋራ ሊቆሙላት ይገባል፡፡ የምስራቅ አፍሪካ ቀጠና ላይ ነው ያለነው፡፡በጎረቤቶቻችን ላይ ያለውን መመልከት ያስፈልጋል፡፡ለምናደርጋቸው ነገሮች ሀላፊነት ሊሰማን ይገባል፡፡

Related stories   በአዲስ አበባ በቡድን በመደራጀት የዘረፋ እና የግድያ ወንጀል ሲፈፅሙ የነበሩ 53 ተጠርጣሪዎች ተያዙ

አቶ ለማ አክለውም የሀገሪቱ ተረካቢ ለሆነው ወጣት ስራ ልንፈጥርለት ይገባል፡፡ትውልዱን ለመቅረጽ ደግሞ ቅድሚያ የሚወስደው ቤተሰብ ነው፡፡በመቀጠልም ማህበረሰብ ፤ስለሆነም ለስነ-ምግባር ጉዳይ ቅድሚያ ልንሰጥ ይገባል፡፡አባቶች ፣አባ ገዳዎች ፣የሀገር ሽማግሌዎችና የሀይማኖት አባቶች ስነ-ምግባርን በተመለከተ ትኩረት ልትሰጡት ይገባል ብለዋል ፡፡

Share and Enjoy !

Shares

Leave a Reply

Your email address will not be published. Required fields are marked *