በመከላከያ ሰራዊቱ የተደረገው ሪፎርም ሰራዊቱ የሚሰጠውን ግዳጅ በአግባቡ እንዲወጣ የሚያደርግ መሆኑን የመከላከያ ሚኒስትር ኢንጂነር አይሻ መሀመድ ተናገሩ። ከሰባት ሺህ በላይ የሰራዊት አባላት ተሰናብተዋል።

የመከላከያ ሚኒስትር ኢንጂነር አይሻ መሀመድ በዛሬው እለከት የሚኒስቴር መስሪያ ቤቱን የ6 ወር አፈፃፀም ሪፖርት ለህዝብ ተወካዮች ምክር ቤት አቅርበዋል።

በሪፖርታቸውም ባለፉት ስድስት ወራት መከላከያ ሰራዊቱን የማዘመን ስራ በስፋት መሰራቱን አስታውቀዋል።

በተለይም ባለፉት ስድስት ወራት ውስጥ ከተሰሩት ስራ ውስጥ የመከላከያ ሰራዊት አዋጅ ማሻሻያው አንዱ መሆኑን በመግለጽ፥ በዚህም 20 አንቀፆች ላይ ማሻሻያ መደረጉን ተናግረዋል።

የመከላከያ ሰራዊቱ በቀጣይም ሀገራዊ ተልእኮውን በአግባቡ እንዲወጣ ለማስቻል እና ጠንካራ ተቋሟዊ አደረጃጀት እንዲኖር የማድረግ እየተሰራ መሆኑንም ጠቅሰዋል።

Related stories   “ዶላር እናወርዳለን” የውጭ አገር ዜጎችን የዝርፊያ ድራማ ፖሊስ አለሳልሶ ይፋ አደረገው

የባህር ሀይልን በአዲስ መልክ ለማደረጃት ባለፉት ስድስት ወራት በተደረገው አንቅስቃሴ ዙሪያም፥ ከፈረንሳይ እና ከኬንያ ባህር ሀይሎች ልምድ መቀሰሙንም አስታውቀዋል።

ሚኒስትሯ አክለምው ከሀምሌ 2010 ዓ.ም ጀምሮ የማእረግ መመልመያ መስፈርትን ለሟሉ የሰራዊት አባላት መንግስት የፈቀደውን ቀጣዩን ማእረግ እንዲለብሱ ተደርጓል ብለዋል።

የአገልግሎት ጊዜያቸውን ያጠናቀቁ፣ ከማእረግ ምልመላ በሳይኮሜትሪክ ፈተና የወደቁ፣ በትምህርት ምክንያት ማደግ የማይችሉ፣ ሁለት ጊዜ ከማዕረድ እድገት የታገዱ በድምሩ 7 ሺህ 17 የሰራዊት አባላት አስፈላጊውን መስፈርት እንዲያሟሉ በማድረግ የማሰናበት ስራ መሰራቱንም አስታውቀዋል።

Related stories   ደመቀ መኮንን በፊንላንድ የውጭ ጉዳይ ሚኒስትር ከሚመራ የአውሮፓ ህብረት ልዑክ ጋር ተወያዩ

የጦርነት አደጋን ለመግታት ወይም የሚያጋጥም አደጋን በአጭር ጊዜ እና በአነስተኛ ኪሳራ መጨረስ ዝግጅትን በተመለከተም በተለይም የኢትዮጵያ አየር ክልል በአስተማማኝ ለመጠበቅ እና ተገቢውን የአየር ድጋፍ ለመስጠት ተዋጊ እና የትራንስፖርት አውሮፕላኖች ፍተሻ፣ እንክብካቤ እና ጥገና ስራ መሰራቱን ተናግረዋል።

የአብራሪዎችን አቅም ለማሳደግም ልምምድ ተደርጓል ያሉት ሚኒስትሯ፥ ለብልሽት ተዳርገው የነበሩ ቀላል እና ከባድ የጦር መሳሪያዎች የጥገና ስራ መሰራቱንም ገልፀዋል።

ሚኒስትሯ ሪፖርቱን ካቀረቡ በኋላ የተለያዩ ጥያቄዎች እና ሀሳቦች ከምክር ቤቱ አባላት ቀርበው ውይይት ተደርጎባቸዋል።

Related stories   Egypt-Sudan alliance shifting in row with Ethiopia over Nile dam

የምክር ቤቱ አባላትም የመከላከያ መሻሻያው ምን ያክል አሳታፊ እና ግልፅ ነው፤ የብሄር ብሄረሰቦች ተዋጽኦስ ምን ይመስላል፤ ተቋሙን ለማዘመን የተሰራው ስራስ የሚሉ ጥያቄዎች ተነስተዋል።

የመከላከያ ሚኒስትር ኢንጂነር አይሻ መሀመድም የመከላከያ ማሻሻያው ህገ መንግስቱን መሰረት አድርጎ የተካሄደ መሆኑን አስታውቀዋል።

ከብሄር ብሄረሰብ ተዋፅኦ ጋር ተያይዞ ለተነሳው ጥያቄም ማሻሻያው ሁሉንም ባሳተፈ መልኩ እየተካሄደ መሆኑን አስታውቀዋል።

ሚኒስትሯ ኢንጂነር አይሻ፥ የሀገር መከላከያ ሰራዊቱን እንቅስቃሴ እና ተጋድሎ ወደ ጎን በመተው የሚደረጉ የስም ማጥፋት ተግባራት ሊቆሙ ይገባልሲሉም አክለው ተናግረዋል።

በአፈወርቅ አለሙ FBC

Share and Enjoy !

Shares

Leave a Reply

Your email address will not be published. Required fields are marked *