በማዕከላዊና ምዕራብ ጎንደር ዞኖች የሚገኙ ተፈናቃዮች መንግስት በቂ የሆነ የምግብ እና ቁሳቁስ ድጋፍ እያቀረበላቸው አለመሆኑን ገለጹ። በሁለቱ ዞኖቹ በተከሰተው የፀጥታ ችግር ምክንያት ከቀያቸው የተፈናቀሉ 39 ሺህ በላይ ዜጎች መንግስት በቂ የሆነ የምግብ ፣ውሃ ፣ጤና እና ቁሳቁስ ድጋፍ እያቀረበላቸው አለመሆኑን ተናግረዋል ። በተለይም በሳንጃ፣አይምባ ፣ትክል ድንጋይና ጭልጋ የሚገኙ ተፈናቃዮች መንግስት እየተደረገ ነው የሚለው ድግፍ እየደረሳቸው አለመሆኑን ተናግረዋል።

Related stories   ብርሃኑ ነጋ አቋማቸውን ቀየሩ፤ ኢዜማ ደርግ በግፍ የዘረፈውን የግል ሃብት ለተከራይ እንደሚሸጥ ይፋ አደረገ፤ የኢዜማ የ ” ፍትህ” ሩጫ

የአማራ ክልል የአደጋ መከላከል ምግብና ዋስትና ማስተባበሪያ ፅህፈት ቤት የህዝብ ግንኙነት ዋና የስራ ሂደት አቶ እያሱ መስፍን ተፈናቃዮች የሚያነሷቸውን ጥያቄዎች ለመፍታት እየተሰራ መሆኑን ተናግረዋል።

በዚህ መሰረትም በማዕከላዊ ጎንደር ዞን ተከማችቶ የነበረን 600 ኩንታል የምግብ እህል ለተጎጂዎች ለማዳረስ እየተጓጓዘ ነው ብለዋል ። ከዚህ በፊት በአካባቢው ተከስቶ በነበረው የፀጥታ ችግር ምክንያት አቅርቦቱን ለተጎጂዎች በተፈለገው ጊዜ እና ስዓት ማድረስ አለመቻሉንም አንስተዋል ።

Related stories   መከላከያ በዘመናዊ ቴክኖሎጂ “ጁንታውን” ሙሉ በሙሉ መደምሰሱን አስታወቀ! በርካታ በቁጥጥር ስር ውለዋል

የመጠጥ ውሃንና የጤና አገልግሎትን በተመለከተም ክልሉ በሰጠው አቅጣጫ መሰረት የውሃና የጤና ተቋማት ሃላፊት ተሰጥቷቸው እየሰሩ መሆኑን ነው የገለጹት። በቀጣይም ችግሩ እንዳይፈጠር የክልሉና የፌዴራል መንግስት በጋራ እና በቅንጅት እየሰሩ መሆኑን ተናግረዋል ።

በዚህም የፌዴራል መንግስት በክልሉ ለሚገኙ ሁሉም ተፈናቃዮች 13 ሺህ ኩንታል የምግብ እህል ድጋፍ ማድረጉን ገልፀዋል ። በሌላ በኩል የክልሉ መንግስት ደግሞ 5 ሺህ ኩንታል የምግብ እህል ገዝቶ በማከፋፈል ላይ መሆኑን አቶ እያሱ መስፍን ተናግረዋል።

Related stories   ሰበር ዜና – ትህነግ በዲፕሎማሲ ዘመቻ ቀውስ ገጠመው፤ “ በሃሰት መረጃ አሳፈራችሁን ” የቅርብ አጋሮቻቸው

በናትናኤል ጥጋቡ – FBC

Share and Enjoy !

Shares

Leave a Reply

Your email address will not be published. Required fields are marked *