ዋዜማ ራዲዮ– ከሶማሌ ክልል የተፈናቀሉ የኦሮሞ ተወላጆችን በአዲስ አበባና ዙሪያዋ በቋሚነት ለማስፈር በየከተማው ቦታዎች እንቅስቃሴ እየተደረገ ነው።

በ2009 አ.ም መጨረሻና በ2010 አ.ም መጀመርያ በኦሮምያና በሶማሌ ክልል አዋሳኝ አካባቢዎች በተነሳ ግጭት ሳብያ ከሁለቱም ወገኖች በርካቶች መሞታቸው ይታወቃል። በተለይ ከኦሮምያ በኩል ከአንድ ሚሊየን በላይ ሰዎች መፈናቀላቸው የሚታወስ ነው። በሁለቱ ክልል አስተዳደሮች በኩል እርቅን በማውረድ ተፈናቃዮችን ወደ ቀዬያቸው ስለመመለስ ስምምነት መደረጉም ይታወሳል።ነገር ግን የኦሮሞ ተፈናቃዮችን ወደየአካባቢያቸው ከመመለስ ይልቅ በአማራጭነት የተወሰደው በአዲስ አበባና በከተማዋ ዙሪያ ጊዜያዊ መጠለያዎችን ሰርቶ ማስፈር ነው።

Related stories   ልዩ ዜና – በትግራይ ሰላም አስከባሪ ለማስገባት የተያዘው ዕቅድ ሳይሳካ ቀረ፤ ስዬ ጦርነቱ አላለቀም አሉ

በአቃቂ ፣ በለገጣፎና የተለያዩ አካባቢዎች የቆርቆሮ ማረፍያዎችን ሰርቶ በርካታ ተፈናቃዮችን የማስፈሩ ስራ የክልሉ ርእሰ መስተዳድር አቶ ለማ መገርሳ በተገኙበት ስነ ስርአት ባለፈው ዓመት ተከናውኖ ነበር።

ዋዜማ ራዲዮ እንዳረጋገጠችው የኦሮሞ ተወላጅ ተፈናቃዮችን ለጊዜያዊ በሚል በአዲስ አበባ በሰፈሩባቸው አካባቢዎች ቋሚ መኖርያ የመገንባት ስራዎች እየተከናወኑ ነው።በአዲስ አበባ አቃቂ አካባቢ ባለው ኮየ ፈጬ ኮንዶሚኒየም አቅራቢያ ወይንም ዋልያ አደባባይ ከፍ ብሎ ባለው ቦታ ላይ ለተፈናቃዮች በሚል ቋሚ መኖርያዎች እየተሰሩ ነው። ዋዜማ ራዲዮ በዚህ አካባቢ የተለያዩ ተቋራጮች በ48/48 ካሬ ሜትር ላይ መኖርያ እንዲሰሩ ውል እንደተሰጣቸው ተረድታለች። ከ 50 እስከ 200 ቤቶችን እንዲገነቡ ኮንትራት ያገኙ ተቋራጮችም መኖራቸውን አረጋግጠናል። በኮዬ ፈጬ ብቻ ሳይሆን በንፋስ ስልክ ክፍለ ከተማም ተመሳሳይ ዕቅድ እንዳለ ሰምተናል።

Related stories   ሰበር ዜና - ቀዳማዊት እመቤት 12ኛውን ትምህርት ቤት አስረከቡ

ከመጪው ምርጫ ጋር በተያያዘ በአዲስ አበባ የህዝብ አሰፋፈር ለውጥ ይደረጋል ተብሎ በስፋት አስተዳደሩ ላይ ጥርጣሬዎች በሚነሱበት በዚህ ጊዜ እንዲህ አይነት ውሳኔ ላይ ደርሶ ድርጊቶች መፈጸማቸው አነጋጋሪ ሆኗል።

“እርምጃውን ከስብዓዊነት ጋር ብቻ ማየት ይገባል፣ ከአጠቃላይ ተፈናቃዮቹ በአዲስ አበባና አካባቢው ቤት የማግኘት ዕድል ያላቸው በቁጥር ትንሽ ስለሆኑ ለነገሩ ፖለቲካዊ ገፅታ ማላበስ ተገቢ አይደለም” ብለውናል ስሜ አይነገር ያሉ የኦሮምያ ክልል የካቢኔ ሹም።

Related stories   የትግራይ ረሃብ ድሮም ተደብቆ የኖረ ወይስ አዲስ በሁለት ወር የተፈጠረ? ገለልተኛ ፈራጅ ያጣው አወዛጋቢው አጀንዳ! – ሪፖርት

ከሶማሌ ክልል የተፈናቀሉ በርካታ የኦሮሞ ተወላጆችን አዲስ አበባ ቤት ለመገንባት ሲታሰብ በከተማው ያሉ በርካታ የኦሮሞ ዴሞክራሲያዊ ፓርቲ (ኦዲፒ ) ካድሬዎች መሬት ለኛም ይገባናል የሚል ጠበቅ ያለ ጥያቄ ለአስተዳደሩ አንስተው እንደነበር አውቀናል። ሆኖም የተሰጣቸው ምላሽ ለእናንተ ቅድሚያ አይሰጥም የሚል ነው። [ዋዜማ ራዲዮ]

Share and Enjoy !

Shares

Leave a Reply

Your email address will not be published. Required fields are marked *