Mengistu D. Assefa

አገራችን ኢትዮጵያ የሠለጠነ ፖለቲካ አካሂዳ አታውቅም። የጥላቻ እና የውጊያ አዙሪት መንግሥታትን የሚጥሉበት እና የሚመሠርቱበት መሠረታቸው ያው ጥላቻ ስለሆነ ወደ ሠለጠነ የጋራ ተጠቃሚነትን የሚያረጋግጥ ፖለቲካ መሸጋገሪያው በታሪክ አጋጣሚ ቢቀርብልንም እየተጠቀምንበት አይመስለኝም።

በተለያዩ ጊዜያት በኦሮሚያ እና በአማራ ክልሎች የሚታዩ የጽጥታ ችግሮች አስጊነታቸው ከፍ ያሉ ናቸው። እነዚህን ክልሎች ጨምሮ በደቡብና ቤኒሻንጉል ክልሎች የሚከሰቱ የጸጥታ መደፍረሶች ቶሎ ቁጥጥር ሥር የማይውሉት አልያም በነዚህ ክልሎች የሚገኘው የጸጥታ መዋቅር እጅጉን ላልቷል፣ የክልል ልዩ ኃይሎች ተሳታፊ ናቸው ወይም ደግሞ እነዚህ ክልሎች ፌዴራል ሥርዓቱን ላለመታዘዝ እና ለማድከም ጡንቻቸውን flex እያረጉ ነው። መከላከያ ያለ ጥያቄ አይገባም በሚል ሽፋን ንጹሓን ያልቃሉ፣ ይሰደዳሉ፣ ንብረት ይወድማል።

በወሎ እና ሰሜን ሸዋ (አማራ ክልል) ሰሞኑን የተነሣው ግጭት ከዚህ የተለየ አይደለም። ምናልባትም አዲስ አበባ እና ሌሎች ቦታዎች (ምሥራቅ ሸዋ ኦሮሚያ እና ሰሜን ሸዋ አማራም ባለፈው ሳምንት ግጭት መኖሩ፣ ሰው መሞቱ አይዘነጋም) ተሞክሮ ያልተሳካው እነዚህን ሁለት ብሔረሰቦች ለማጋጨት እጅግ የተመቻቸው ቦታ ውሎ አንዱ እና ትልቁ ነው።

Related stories   ነገረ ኢንዶውመንት… ! ?

ያልተገራ ብሔርተኝነት እና ግጭት ነጋዴነት ደግሞ የሰሞኑን የወሎ እና የሰሜን ሸዋ አማራ ጉዳይ በደንብ የሚገልጽ ይመስለኛል። በሕዝቦች ግጭት የሚገኝ ግዜያዊ ርካሽ የፖለቲ ጥቅም ምንም ዓይነት ዘላቂ ሠላም እና መረጋጋት ሊያመጣ አይችልም። ይልቁንም በዚህ አካሄድ እነዚህን ሕዝቦች ደም ለማቃባት እና ወደፊትም ለአገሪቷ ሥጋት ሊሆን የሚችል ግጭት ለመቀስቀስ ካልሆነ በስተቀር የሚመጣ ጥሩ ነገር የለም።

Related stories   ከኬርያ ኢብራሂም እስከ ተቀዳ ተባባል !

በየክልሎች የሚገኙ ልዩ ኀይሎች ግጭት ከአቅማቸው በላይ እስኪሆን ድረስ ምን እንደሚጠብቁ አይገባኝም። ምናልባት ለብዙዎቻችን ያልታየን የሚመሥለኝ ነገር ቢኖር በየመንደሩ በየሣምንቱ የሚነሡ ግጭቶች አገር መከላከያ መግባቱ የነገ ነገሩ አያምርም። የመንደር እና የወረዳ ፖለቲካ የሚለምድ ወታደር ጥሩ ፍሬ የለውም። ዋና ተግባሩም ይኽ ስላልሆነ መሠለኝ ፖሊስ ያስፈለገበት ምክንያት። እዚህ ላይ ብዙ መናገር አልፈልግም፤ ግን ጥንቃቄ ይደረግ።

የዚህችን አገር አስተዳደር ሥርዓት ካስፈለገ መቀየር የምንችለው በሠለጠነ ውይይት ብቻ ነው መሆን ያለበት። ለዚህ በተረፈ ግን በግጭት እና በብጥብጥ የምንሠራው ነገር ነገ ነገሩ መሠረቱ “አሸዋ” ነው የሚሆነው።

Related stories   ከጁንታው ጎን ተሰልፈው ኢትዮጵያችንን ለሚያተራምሱ የነጭ ጁንታዎች – ፈቃዱ በቀለ(ዶ/ር)

ማንነትን የፖለቲካ አጀንዳ ማድረግ ትተን ወደ ሐሳብ ፖለቲካ የምንሻገረው እንዲህ ዓይነት ሕዝቦች ማንነትን መሠረት ያደረገ ጥቃት እና ግጭት እንዲሁም እሱን ተከትሎ በመንግሥት አካል ጭምር ሳይቀር ኀላፊነት የጎደለው መረጃ የማይገኝለት ውንጀላ እና መጠቋቀሚያ ማድረግ ስናቆም ብቻ ነው።

ትላንትም፣ ዛሬም ሆነ እስከመጨረሻው ለኢትዮጵያዉያን ያለን አማራጭ ተከባብረን አብረን መኖር ብቻ እና ብቻ ነው።

Image – SMNE

Share and Enjoy !

Shares

Leave a Reply

Your email address will not be published. Required fields are marked *