የአለማችን ቀንደኛ ሃብታም ጄፍ ቤዞስ እና ባለቤቱ ማክኬንዚ ትዳራቸውን ለማፍረስ ተስማሙ። ፍቺው ግን እንዲሁ በባዶ እጅ አጨብጭበው የሚወጡበት አልሆነም። ባለቤቱ የድርሻዋ ነው የተባለውን 35 ቢሊየን ዶላር ታገኛለች።

35 ቢሊዮን ዶላር ድርሻዋን የምትቀበለው ማክኬንዚን ከዓለማችን ሃብታም ሴቶች ዝርዝር ውስጥ ያካትታታል።

ይህ ብቻ ሳይሆን ባለቤቷ ከዛሬ 25 አመት በፊት ከመሰረትውና በአለማችን ቁጥር አንድ ከሆነው የኢንተርኔት የችርቻሮ ግብይት ድርጅት አማዞን የአራት በመቶ ድርሻ ይኖራታል። በምትኩ ዋሽንግተን ፖስት ላይ ያላትን እና የሕዋ ላይ ጎዞ ከሚያደርገው ኩባንያው ላይ ያላትን ድርሻ ትተዋለች።

ከዚህ ቀደም ትዳሩን ለማፍረስ ለአጋሩ ውድ ክፍያ የፈፀመው የኪነጥበብ ስራዎችን በማሻሻጥ የሚታወቀው አሌክ ዋይልደንአንስታይን የነበረ ሲሆን እርሱም የ 3 ቢሊየን ዶላር ክፍያ ፈፅሟል። ጄፍ ቤዞስ ፍቺውን ለህዝብ ይፋ ያደረገው በቲውተር ገፁ ላይ ሲሆን ጉዳዩም በመስማማት መከናወኑን ጠቅሷል።

ከፍቺው በፊት እርሷ በአማዞን ውስጥ የ16.3% ድርሻ የነበራት ሲሆን ጄፍ አሁንም 75 በመቶ ድርሻውን እንደያዘ ነው፤ የቀድሞ ባለቤቱ ድምፅ የመስጠት መብቷንም ጨምራ ሰጥታዋለች።  ጥንዶቹ ትዳራቸውን የመሰረቱት ጄፍ ቤዞስ አማዞንን ከማቋቋሙ በፊት በአንድ ድርጅት ተቀጣሪ ሆኖ እየሰራ ሳለ ሲሆን አራት ልጆችንም አፍርተዋል።

አማዞን በአሁን ሰአት በኢንተርኔት ግብይት ቀዳሚው ሲሆን ባለፈው አመት ብቻ 232.8 ቢሊየን ዶላር ገቢ አስገኝቷል። ይህም እንደ ፎርብስ ዘገባ ከሆነ የትዳር አጋሮቹን 131 ቢሊየን ዶላር ትርፍ እንዲሰበስቡ አድርጓቸው ነበር።ባለቤቱ ማክኬንዚም ብትሆን ስሟ የሚጠቀስ ደራሲ ናት። ሁለት ልብወለዶችን ለገበያ በማብቃት የተሳካ ሽያጭ አከናውናለች።ለትዳራቸው መፍረስ እንደምክንያት የተቀመጠው ጄፍ ከትዳር ውጪ ግንኙነት መስርቷል ተብሎ የተወራው እንደሆነ የወጡ ዘገባዎች ያሳያሉ።

BBc Amharic

 

Share and Enjoy !

0Shares
0

Leave a Reply

Your email address will not be published. Required fields are marked *