መቀመጫውን ኤርትራ በማድርግ የትጥቅ ትግል ሲያካሂድ የቆየው የጋምቤላ ህዝቦች ነፃነት ንቅናቄ (ጋህነን) ወደ ሀገሩ ገብቷል።

የንቅናቄው አባላትና አመራሮች ጋምቤላ አውሮፕላን ማረፊያ ሲደርሱም የክልሉ ርዕሰ መስተዳድር አቶ ኡሞድ ኡጁሉን ጨምሮ የክልሉ ከፍተኛ አመራሮችና ደጋፊዎቻቸው አቀባበል አድርገውላቸዋል።

የጋምቤላ ህዝቦች ነፃነት ንቅናቄ በሀገር ውስጥ የተፈጠረውን ሰላም በመጠቀም ሰላማዊ ትግል ለመጀመር በመወሰን ወደ ሀገር መግባቱን የንቅናቄው ሊቀመንበር አቶ ኡኬሎ ኡኪዲ ተናግረዋል።

Related stories   ብርሃኑ ነጋ አቋማቸውን ቀየሩ፤ ኢዜማ ደርግ በግፍ የዘረፈውን የግል ሃብት ለተከራይ እንደሚሸጥ ይፋ አደረገ፤ የኢዜማ የ ” ፍትህ” ሩጫ

ከዚህ በፊት ሰላማዊ የፖለቲካ ትግል ለማካሄድ ምቹ ሁኔታ ባለመኖሩ ንቅናቄው የትጥቅ ትግልን አማራጭ በማድረግ ሲንቀሳቀስ መቆየቱንም አንስተዋል።

ይሁን እንጂ ንቅናቄው በቅርቡ የቀረበለትን የሰላም ጥሪ በመቀበል በኤርትራ ሲያካሂድ የነበረውን የትጥቅ ትግል አቁሞ በሰላማዊ መንገድ ለመታገል በመወሰን ከኤርትራ ወደ ጋምቤላ ገብቷል ብለዋል።

የጋምቤላ ክልል ህዝቦች እንደሌሎቹ የህዝብ ድርጅቶች ጠንካራ ድርጅት ባለመኖሩ ባለፉት ዓመታት ህዝቡ የሚፈለገውን ያህል ተጠቃሚ ሳይሆን መቆየቱን አስታውሰዋል።

Related stories   መከላከያ በዘመናዊ ቴክኖሎጂ “ጁንታውን” ሙሉ በሙሉ መደምሰሱን አስታወቀ! በርካታ በቁጥጥር ስር ውለዋል

የንቅናቄው አመራርና አባላት ወደ ጋምቤላ ሲገቡ የክልሉ ከፍተኛ አመራሮች ላደረጉላቸው አቀባበል ምስጋናቸውን አቅርበዋል፡፡

በአቀባበል ስነ-ስረዓቱ ላይ የተገኙት የክልሉ ርዕሰ መስተዳድር አቶ ኡሞድ ኡጁሉ በበኩላቸው፥ የጋምቤላ ህዝቦች ነፃነት ንቅናቄ የትጥቅ ትግሉን በመተው በሰላማዊ መንገድ ለመታገል መወሰኑ የሚበረታታ እንደሆነ ገልፀዋል።

የክልሉ መሪ ድርጅት ጋህአዴንም ሆነ ጋህነን እና ሌሎች ተፎካካሪ ፓርቲዎች የሃሳብ ልዩነቶች ቢኖሩም እንኳን ልዩነታቸውን በማጥበብ ለክልሉ ሁለንተናዊ ልማት መስራት ይገባል ነው ያሉት።

Related stories   Ethiopia’s transition misrepresented. Reply to Obang Metho

ለዚህም የክልሉ መሪ ድርጅትና መንግስት ከህዝቡ ጋር በመሆን ወደ ክልሉ ለገቡ የፖለቲካ ፓርቲዎች አንድ በሚያደርጉ ጉዳዮች በጋራ ለመስራትና ለውጡን ለማስቀጠል ዝግጁ እንደሆነ ማስታወቃቸውን ከጋምቤላ ክልል ፅህፈት ቤት ያገኘነው መረጃ ያመላክታል።

አዲስ አበባ፣ ሚያዚያ 14፣ 2011 (ኤፍ.ቢ.ሲ)

Share and Enjoy !

Shares

Leave a Reply

Your email address will not be published. Required fields are marked *