በዛሬው እለት አስቸኳይ ስብሰባ ያደረገው የተወካዮች ምክር ቤት በምኛቸውም መንገድ ህግን የተላለፉ ላይ አፋጣኝ እርምጃ እንዲወሰድ ተዕዛዝ ሰጠ። እስካሁን ከተያዙት ሌላ ክልሎች ተጠርጣሪ ወንጀለኞችን አሳልፈው ለመስጠት ፈቃደኛ እንደማይሆኑንና ከለላ እንደሚያደርጉ የአገሪቱ መሪዎች አስታወቁ። በዜናው እንደተመለከተው የክልሎቹ ስም አልተዘረዘረም። የትግራይ ክልል ግን ቀደም ሲል ጀመሮ የእስር ማዘዣ የወጣባቸውን ተጠርጣሪዎች አሳልፎ ለመስጠት ፈቃደኛ አለመሆኑ ሲገለጽ ነበር።

ስብሰባውን የተከታተሉ የመንግስት ሚዲያዎች ይህንን ዘግበዋል።

የዜጎችን ህይወት ያጠፉ አካል ያጎደሉና ንብረት ያወደሙ ግለሰቦችና ቡድኖች ላይ የሚወሰደው እርምጃ አፋጣንኝ ሊሆን እንደሚገባ የህዝብ ተወካዮች ምክር ቤት አሳሳበ፡፡

በሀገሪቱ የተለያዩ አካባቢዎች በተከሰቱ ግጭቶች የተፈናቀሉ ዜጎች ድምጽ ያካተተ ሚዛናዊ የመስክ ምልከታ ሪፖርት በዛሬው ዕለት ለህዝብ ተወካዮች ምክር ቤት ቀርቦ ውይይት ተደርጎበታል፡፡

680 ያህል ተጠርጣሪዎች በቁጥጥር ስር ውለዋል ብለዋል፡፡ የ400 ተጠርጣሪዎች ጉዳይ በፍርድ ሂደት ላይ እንደሚገኝ ጠቅሰው፥ ተጠርጣሪዎቹ እንዳይያዙ ከለላ የሚያደርጉ ክልሎች መኖራቸውን አንስተዋል

የግብረ ሃይሉ አስተባባሪ ምክትል ጠቅላይ ሚኒስትር አቶ ደመቀ መኮንን በሪፖርቱ ሚዛናዊና ተገቢ መረጃዎች መካተታቸውን አረጋግጠዋል፡፡ የመስክ ምልከታ ጥናቱ ለተፈናቃዮቹ በቂ ምላሽ ለመስጠትና ድምፃቸው እንዲሰማ ለማድረግ ከፍተኛ ሚና እንደሚኖረውም ተናግረዋል፡፡ ከዚህ ባለፈም ተጠርጣሪዎችን ለህግ የማቅረብ ስራ ተጠናክሮ እንደሚቀጥልም ምክትል ጠቅላይ ሚኒስትሩ ገልፀዋል፡፡

የሰላም ሚኒስትሯ ወይዘሮ ሙፈሪያት ካሚል በበኩላቸው የፊታችን ማክሰኞ በተመሳሳይ መልኩ የህግ የበላይነትን በማስከበር ረገድ የተከናዎኑ ተግባራት ለህዝብ ተወካዮች ምክር ቤት እንደሚቀርብ በመግለጽ እስካሁን 680 ያህል ተጠርጣሪዎች በቁጥጥር ስር ውለዋል ብለዋል፡፡ የ400 ተጠርጣሪዎች ጉዳይ በፍርድ ሂደት ላይ እንደሚገኝ ጠቅሰው፥ ተጠርጣሪዎቹ እንዳይያዙ ከለላ የሚያደርጉ ክልሎች መኖራቸውን አንስተዋል፡፡

760 ሺህ ዜጎችን ባለፉት ሁለት ወራት ወደ ቀያቸው ለመመለስ የተደረገው ጥረትም ስኬታማ መሆኑን የብሄራዊ አደጋ ስጋት አመራር ኮሚሽን ኮሚሸነር አቶ ምትኩ ካሳ ገልጸዋል፡፡

በሶስት ምዕራፍ ተፈናቃዮችን መልሶ ለማቋቋም የሚደረገው ጥረት ጠናክሮ እንደሚቀጥልም ኮሚሽነሩ ተናግረዋል፡፡ በሁሉም ክልሎች መንግስት አጥፊዎችን ለይቶ ለህግ የማቅረብ ስራ ላይ ሊያተኩር እንደሚገባ ቡድኑ የመፍትሄ ሀሳብ አስቀምጧል፡፡

Related stories   እነለማ መገርሳ በፍፁም የማይሸነፉበት ምክንያት

የችግሮችን መንስኤ በማጥናት፣ የአካባቢውን ሰላምና ደህነት የማስጠበቅ ችግሮችን በዘላቂነት የመፍታት ጉዳይ ወደፊት ከመንግስት ጋር በትኩረት መሰራት ያለበት ስራ መሆኑም ተገልጿል።

አሁን ላይ በተለያዩ አካባቢዎች የተጀመረው የህዝብ ለህዝብ ኮንፈረንስም ተጠናክሮ መቀጠል እንዳለበት ቡድኑ ገልጿል። የመስክ ምልከታው በትግራይ፣ ደቡብ፣ ኦሮሚያና በአማራ ክልል በሚገኙ 13 ዞኖች ውስጥ ወካይ የሆኑ 12 ወረዳዎች ውስጥ በተጠለሉ 27 የገጠርና የከተማ መጠለያዎች ላይ የተካሄደ ነው ተብሏል።

በሃይለኢየሱስ መኮንን

Leave a Reply

Your email address will not be published. Required fields are marked *