ZAGGOLE – ዛጎል

“Our true nationality is mankind.”H.G.

አልኮልን በሚዲያ ማስተዋወቅ ከዛሬ ጀምሮ አይቻልም፤

 የአልኮል መጠጥን በብሮድካስት አማካኝነት ማስተዋወቅ የሚከለክለው ድንጋጌ ከዛሬ ጀምሮ ተፈጻሚ ይሆናል። የምግብ እና የመድኃኒት አስተዳደር አዋጅ ቁጥር 1112 በፌዴራል ነጋሪት ጋዜጣ የካቲት 21 ቀን 2011 ዓ.ም ታትሞ መውጣቱ ይታወሳል።

በአዋጁ አንቀጽ 74 (4) መሰረት የአልኮል መጠጥ በብሮድካስት (ቴሌቪዥን እና ሬድዮ) አማካኝነት ማስተዋወቅ የሚከለክለው ድንጋጌ ከዛሬ ግንቦት 21 ቀን 2011 ዓ.ም. ጀምሮ ተፈጻሚ እንደሚሆን ነው የጤና ሚኒስትሩ ዶክተር አሚር አማን ያስታወቁት።

በዚሁ መሰረት ከዛሬ ጅምሮ ማንኛውም የብሮድካስት ሚድያ የአልኮል መጠጥ ማስታወቂያ ማስተላለፍ እንደማይችል ሚኒስትሩ አስታውቀዋል።

እንዲሁም በተለያዩ አካባቢዎች የሚገኙ አልኮል መጠጦችን የሚያስተዋውቁ ቢልቦርዶች መነሳት እንዳለባቸውም ተናግረዋል።

የምግብ እና የመድኃኒት አስተዳደር አዋጅ ቁጥር 1112 ባሳለፍነው ጥር 28 ቀን 2011 ዓ.ም በህዝብ ተወካዮች ምክር ቤት መፅደቁ ይታወሳል።

አዋጁ የአልኮል መጠጥ በብሮድካስት (ቴሌቪዥን እና ሬድዮ) አማካኝነት ማስተዋወቅን ሙሉ በሙሉ ክልክል መሆኑን ደንግጓል።

(ኤፍ.ቢ.ሲ)

Share and Enjoy !

Shares
Related stories   በቡድን ተደራጅተው የውንብድና ወንጀል የፈጸሙት ተከሳሾች ከ18 እስከ 20 ዓመት በሚደርስ እስራት ተቀጡ፡፡
0Shares
0
Read previous post:
የዓለም ባንክ የ550 ሚሊየን ዶላር የብድር እና እርዳታ ስምምነት አጸደቀ

በስምምነቱ 200 ሚሊየን ዶላሩ ለታዳሽ ሃይል ማሻሻያ ፕሮግራም የሚውል ሲሆን፥ 350 ሚሊየን ዶላሩ ደግሞ የአርብቶና...

Close