የኢትዮጵያ ጠቅላይ ሚኒስትር አብይ አህመድ የመከላከያ ጠቅላይ ኤታማዦር ሹም ጄኔራል ሰዓረ መኮንን ይዘው አክሱም መግባታቸው ተሰማ። ዜናው አብዛኞችን እያነጋገረ ሲሆን ለጠቅላይ ሚኒስትሩ የሰጉም አልጠፉም። የመንግስት መገናኛዎች ግን አብይ ሕዝብ እያወያዩ መሆኑንን ነው የዘገቡት።

ጠቅላይ ሚኒስትር አብይ ዛሬ ማለዳ አክሱም ከተማ ሲገቡ የትግራይ ክልል ምክትል ርዕሰ መስተዳድር ዶክተር ደብረፅዮን ገብረሚካኤል አቀባበል እንዳደረጉላቸው ፋና አመልክቷል። አዲስ አበባ ሲሆኑና መቀሌ ሲሆኑ ንግግራቸው የሚቀያየረው የትግራይ ሊቀመንበር በተገኙበት የተጀመረው ውይይት መቀጠሉን ነው ዜናው የገለጸው።

እንደ ፋና ጠቅላይ ሚኒስትሩ የአክሱም ሀውልትን የጎበኙ ሲሆን፥ በአክሱም ሃውልቶች ላይ የተጋረጠውን አደጋ በአካል መመልከት ችለዋል። ከጉብኝታቸው በኋላም ከአክሱም ከተማ ከተውጣጡ የሃይማኖት መሪዎች፣ የሃገር ሽማግሌዎች፣ የተለያዩ የህብረተሰብ ክፍሎችና ወጣቶች ጋር እየተወያዩ ይገኛል።

በውይይቱ ወቅትም ነዋሪዎቹ በአክሱም ሃውልቶች ላይ ለተጋረጠው አደጋ መንግስት መፍትሄ እንዲሰጥ ጠይቀዋል።የአክሱም ሃውልቶች የሃገር ብቻ ሳይሆን ዓለም አቀፍ ቅርሶች በመሆናቸው መንግስት ትኩረት ሊሰጣቸው ይገባልም ነው ያሉት። ከዚህ ባለፈም በከተማዋ ያለውን ስር የሰደደ የውሃ ችግር ለመቅረፍ መንግስት ድጋፍ እንዲያደርግም ነው የጠየቁት።

በውይይቱ የተለያዩ ጥያቄዎች እየተነሱ ሲሆን፥ ጠቅላይ ሚኒስትሩም ማብራሪያና ምላሽ እንደሚሰጡ ይጠበቃል። የጣሊያን መንግስት በቅርቡ ለአክሱም ሃውልቶች ጥገና እና እድሳት ለማድረግ ቃል መግባቱ ይታወሳል። ጠቅላይ ሚኒስትሩ ከህዝባዊ ውይይቱ በኋላ በአክሱም ዩኒቨርሲቲ በተፈጠረው ችግር ዙሪያ ምክክር እንደሚያደርጉ ይጠበቃል።

 

Related stories   ሕገ ወጥና ሐሰተኛ ገንዘቦችን በሚሰበስቡ ባንኮች ላይ ኅልውናን የሚያሳጣ እርምጃ ይወሰዳል፤ ህገ ወጥ ተግባር ላይ የተሰማሩ ተለይተዋል

Leave a Reply

Your email address will not be published. Required fields are marked *