የቀድሞው የጦር ሃይሎች ጠቅላይ ኤታማዦር ሹም ጄኔራል ሰዓረ መኮንን ህይወታቸው ከማለፉ ከሰዓታት በፊት ከኢንጅነር ታከለ ኡማ ጋር ችግኝ በተከሉበት የቦሌ ሩዋንዳ አካባቢ የመታሰቢያ ፓርክ ሊሰራላቸው ነው፡፡

በመታሰቢያ ፓርኩ ውስጥ የጀኔራሉን ክብር በሚመጥን መልኩ የማስታወሻ ሀውልት እንደሚሰራላቸው የከንቲባ ፅህፈት ቤት ለፋና ብሮድካስቲንግ ኮርፖሬት ገልጿል።

ችግኙን ከተከሉበት ከቦሌ ሩዋንዳ ጀምሮ እስከ አትላስ ሆቴል ያለው ጎዳናም በስማቸው እንዲሰየም የከተማ አስተዳደሩ ወስኗል፡፡

በከተማው የሚገኙ የስነ ህንጻና የስነ ጥበብ ትምህርት ቤት ባለሙያዎችም የጄኔራል ሰዓረን የማስታወሻ ሀውልት ንድፍ ሰርተው አጠናቀዋል፡፡ የመታሰቢያ ፓርኩን የአዲስ ከተማ አስተዳደር በባለቤትነት የሚያስገነባው ይሆናል፡፡

ፋና ብሮድካስቲንግ ኮርፖሬት

Related stories   በህዳሴ ግድብ ውሃ አሞላልና ተያያዥ ጉዳዮች ዙሪያ ኢትዮጵያ፣ ግብፅና ሱዳን ሊወያዩ ነው

Leave a Reply

Your email address will not be published. Required fields are marked *