የአብዮታዊ ዴሞክራሲ አካሄድ በቃን ያለው አዴፓ እንዳለው አዲሱን መንገድ ለመከተል የወሰነና ወደ ተግባር የገባ ይመስላል። በድርጅትና በክልሉ መንግስት ስር የሚተዳደሩትን የንግድ ኩባንያዎች ሙሉ በሙሉ ወደ ግል በማዞር ሌበራሊዝምን እያወጀ ነው።

በዚህ መሰረት የጥረት ኮርፖሬት ኩባንያዎች በአክሲዮንና በሽያጭ ወደ ግል እንደሚዛወሩ ተሰምቷል ። በአማራ ክልል በጥረት ኮርፖሬት ስር የሚተዳደሩ ከአስር በላይ ኩባንያዎች በአክሲዮንና በሽያጭ ወደ ግል እንዲዛወሩ መወሰኑንን ዛሬ የኮርፖሬሽኑ ምክትል ስራ አስፈፈጻሚ መናገራቸውን ኢዜአ ይፋ አድርጓል።

ምክትል ስራ አስፈጻሚው አቶ አባተ ስጦታው ኩባንያዎቹን በአክሲዮንና ሙሉ በሙሉ ሽያጭ ወደ ግል ለማስተላለፍ መወሰኑን ለኢዜአ ገልጸዋል።

የክልሉ ህዝብ በአሰራር ግልፀኝነት መጓደል ምክንያት በጥረት ኮርፖሬት ኩባንያዎች ላይ ጥርጣሬ እንደነበረው ምክትል ስራ አስፈጻሚው ጠቅሰዋል።

ኩባንያዎቹ ለህዝቡ የተሟላ ጠቀሜታ ይሰጡ ዘንድም በአክሲዮንና በሽያጭ ወደ ግል እንዲተላለፉ መወሰኑን አስታውቀዋል። በጥረት ኮርፖሬት ስር ከሚተዳደሩት ኩባንያዎች መካከል አምባሰል ንግድ ስራዎች፣ ጥቁር አባይ ትራንስፖርት፣ የባህር ዳርና ኮምቦልቻ ጨርቃጨርቅ ኩባንያዎች እና ሌሎችም የግብርና ምርት ማቀነባበሪያ ፋብሪካዎች ይገኙበታል።

ከ20 ዓመታት በፊት በ20 ሚሊየን ብር ካፒታል የተቋቋሙት የጥረት ኮርፖሬት ኩባንያዎች በንግድና ትራንስፖርት፣ በማምረቻው ዘርፍና በግብርና ምርቶች ማቀነባበር ላይ የተሰማሩ ናቸው።

በአሁኑ ወቅት ለ12 ሺህ ሰዎች ቋሚና ጊዜያዊ የስራ እድል የፈጠሩት እነዚህ ተቋማት በአክሲዮንም ሆነ ሙሉ በሙሉ ለመግዛት ፍላጎት ያላቸው የክልሉ ባለሀብቶች በንቃት በመሳተፍ ራሳቸውንም ሆነ ህዝባቸውን እንዲጠቅሙ ምክትል ስራ አስፈፃሚው ጥሪ አቅርበዋል።

የአማራ ክልል ምክር ቤት ምክትል አፈ ጉባኤ ወይዘሮ ትልቅ ሰው ይታያል በበኩላቸው የጥረት ኮርፖሬት ኩባንያዎች በክልሉ ህዝብ ላይ አመኔታ አጥተው መቆየታቸውን ጠቅሰው፥ አሁን ላይ ለህዝብ ጥቅም እንዲሰጡ እየተሰራ ነው ብለዋል። ከሽያጩ በፊት ኦዲት ማድርግ ግድ ቢሆንም በዜናው አልተመለከተም።

በተመሳሳይ ሶስት የንግድ ድርጅቶቹን በአክሲዮን ለመሸጥ ሰሞኑንን ለትግራይ ክልል ተወላጅ የዲያስፖራ አካላት ጥሪ ያቀረበው ህወሃት፣ የኤፈርትን ኩባንያዎች ሙሉ በሙሉ ወደ ግል የማዞር እቅድ እንዳለው አላስታወቀም። ሶስቱን ኩባንያዎች በአክሲዮን ለመሸጥ ሲስይስብ
ሞት ካልሆነ ከአብዮታዊ ዴሞክራሲ አስተሳሰብ የሚለየኝ የለም” በሚል የያዘውን አቋም ስለመለወጡም ይፋ አላደረገም።

Related stories   የጋምቤላው አዲሱ አምባ ገነን ኦሞት የሚቃወሙዋቸውን " በሊገሉኝ ነው" ስም ማሰራቸው ሃሰት መሆኑ ተገለጸ፤ ፓርቲያቸው ሊገመግማቸው ነው

Leave a Reply

Your email address will not be published. Required fields are marked *