ወይዘሮ ሙፈርያት ከሚል በክልሉ የተፈጠረውን ቀውስ ተከትሎ እያካሄዱ ባሉት የማይታጠፍ አቋምና እየወሰዱ ባሉት ጥብቅ እርምጃ የተበሳጩ አካላት የሚያዟቸው የግድያ ሙከራ ተደረገባቸው  በሚል ያሰራጩት ዜና የሃሰት መሆኑንን የሰላም ሚኒስትር አስታወቀ።

“በሰላም ሚኒስትር እና የደህዴን ሊቀመንበሯ ሙፈርያት ካሚል ላይ የግድያ ሙከራ ተደረገ” ተብሎ እየተሰራጨ የሚገኘው መረጃ እውነትነት የራቀ መሆኑ የሚኒስቴር መስሪያ ቤቱ የኮሚኒኬሽን ዳይሬክተር ሄርሜላ ሰለሞን ናቸው ያስታወቁት። ዘወትር የሃሰተኛ ዜናዎችን በመከታተል የሚያመክነው ጋዜጠኛ ኤልያስ መሰረት እንደዘገበው ዳይሬክተሯ ወሬውን ለማጣራት ወ/ሮ ሙፈርያት ዘንድ ደውለው ነበር። 

“ሚኒስትሯ ቀኑን ሙሉ ሀዋሳ ስብሰባ ላይ ነው የዋሉት። እንኳን የግድያ ሙከራ ሊደረግ ለመሞከር እድል የሚኖርበት ሁኔታ አልነበረም። ለማንኛውም የተባለው ሙሉ ለሙሉ ውሸት ነው” ብለው እንደነገሯቸው ሄርሜላ ተናግረዋል። “ሚኒስትሯ ራሳቸው አሁን በስልክ ነግረውኛል ። ምንም የተለየ ነገር አልተፈጠረም።” ሲሉም አክለውል።

ጋዜጠኛ ኤሊያስ በተደጋጋሚ ህዝብን ለማመስና አገሪቱን ለማወክ ግዳጅ ወስደው የሚሰሩ የማህበራዊ ገጽ ሽፍቶች የሚያሰራጩትን የሃሰት ዜና በማምከን ረገድ በፈቃዳቸው ደግ ስራ ከሚያበረክቱ ሃላፊነት የሚሰማቸው ዜጎች መካከል አንዱ መሆኑንን በዚህ አጋጣሚ ለመጥቀስ እንወዳለን።

Related stories   "... ኢህአዴግ ኅብረተሰቡ አልገዛም ማለቱን ሊረዳ ይገባል!!" ሜ/ጄ አበበ

Leave a Reply

Your email address will not be published. Required fields are marked *