በሩሲያ በዋና ከተማዋ ሞስኮ  ነፃ ምርጫ እንዲካሄድ ለመጠየቅ ሰላማዊ ሰልፍ የወጡ 1 ሺህ ተቃዋሚዎች መታሰራቸው ተገለፀ፡፡ በሰላማዊ ሰልፉ ምክንያት ለእስር ከተዳረጉት መካከል የተቃዋሚ ፓርቲ አመራሮች እና ለሞስኮ ምክር ቤት ምርጫ በእጩነት የቀረቡ ግለሰቦች እንደሚገኙበት ነው የተነገረው፡፡

በመቶዎች የሚቆጠሩ አድማ በታኞች እና የብሄራዊ ዘብ አባላት  የሞስኮን መሀል መቆጣጠራቸው እና ተቃውሞ በሚደረግበት አካባቢ የሚገኝን መንገድ መዝጋታቸው ነው የተነገረው፡፡

ታዋቂ ፓለቲከኞች ሰልፉ ከመጀመሩ በፊት ለእስር እንደተዳረጉ የተነገረ ሲሆን 3 ሺህ 500 ሰዎች  በሰልፉ ላይ እንደነበሩና  ለእስር የተዳረጉት ሰዎች ቁጥርም ከፍ እያለ መምጣቱ ተጠቁሟል፡፡

የተቃውሞ ሰልፉ በሳምንት ውስጥ ሁለተኛው ጊዜ ሲሆን ባለፈው ቅዳሜ በተካሄደው የተቃውሞ ሰልፍ 20 ሺህ የሚሆኑ ሰዎች ነፃ ምርጫ እንዲካሄድ ጠይቀዋል፡፡

ይህም በ2011- 12 ፕዚዳንት ቭላድሜር ፑቲን በድጋሜ የሀገሪቱ ፕሬዚዳንት መሆናቸውን ተከትሎ ከተካሄደው የተቃውሞ ሰልፍ በኋላ ትልቁ ነው ተብሏል፡፡

ምንጭ፡- አልጀዚራ – (ኤፍ ቢ ሲ)

Related stories   የኳታርና የሳዑዲ ውዝግብ በዚህ ከቀጠለ ለኢትዮዽያ ምን ያተርፍላታል?

Leave a Reply

Your email address will not be published. Required fields are marked *