በካናዳ ቶሮንቶ ዩኒቨርሲቲ የግዕዝ ትምህርት ክፍልን ለማጠናከር የአበበ ቢቂላ የባዶ እግር ሩጫ ውድድር (ቢቂላ አዋርድ) ሊካሄድ ነው።

የባዶ እግር ሩጫው የተዘጋጀው በካናዳ ቶሮንቶ ዩኒቨርሲቲ የሚሰጠውን የግዕዝ ትምህርት ክፍል ለማጠናከር የገቢ ማሰባሰቢያ ለማድረግ መሆኑን “ቢቂላ አዋርድ” የተሰኘው የዝግጅት ክፍል ለኢዜአ በላከው መግለጫ አስታውቋል።

የባዶ እግር ሩጫ ውድድሩ ዛሬ በቶሮንቶ ዩኒቨርሲቲ ስታዲየም ታዋቂዋ አትሌት ደራርቱ ቱሉን ጨምሮ ሌሎች ታዋቂ አትሌቶች በተገኙበት እንደሚሆንም ተገልጿል።

እንዲሁም የካናዳ መንግስት ከፍተኛ ባለስልጣናት፣ በካናዳ የሚገኙ የኢትዮጵያ ኮሚኒቲ አበላት እና መሪዎች የቶሮንቶ ዩኒቨርሲቲ ተማሪዎችን ጨምሮ ሌሎች እንግዶች በዝግጅቱ ላይ ይሳተፋሉ።

እንደ አውሮጳውያን አቆጣጠር በ2015 በተደረገው መሰል የገቢ ማሰባሰቢያ ዝግጅት የቶሮንቶ ዩኒቨርሲቲ ፕሮፌሰሩ ሚካኤል ገርቨር 50 ሺህ ዶላር የለገሱ ሲሆን፥ የኢትዮጵያ የዘር ሐረግ ያለው ካናዳዊው ታዋቂው ሙዚቀኛ ዘዊኬንድ ወይም አቤል ተስፋዬ 50 ሺህ ዶላር ለግሷል።

እስከ አሁን ድረስ 300 ሺህ ዶላር ተሰብስቦ ለግዕዝ ትምህርት ክፍል ማጠናከሪያነት ድጋፍ መደረጉም መግለጫው አመልክቷል።

በቶሮንቶ ዩኒቨርሲቲ የግዕዝ ቋንቋ ትምህርት ክፍል መጠናከር በኢትዮጵያ ጥንታዊ ስልጣኔዎች፣ የበለጸገ ባህልና ታሪክ በማውጣትም ሆነ ተጠብቆ እንዲቆይ ለማድረግ ታሪካዊ አጋጣሚ መሆኑን የቢቂላ አዋርድ ድርጅት ፕሬዝዳንት አቶ ተሰማ ሙሉጌታ ተናግረዋል።

እንዲሁም የትምህርት ክፍሉ መጠናከር ለኢትዮ-ካናዳ ማህበረሰብ ብቻ ሳይሆን ለዓለም አቀፍ ማህበረሰብ ትልቅ አስተዋጽኦ ያለው መሆኑን የገለጹት አቶ ተሰማ፥ አሁን ላለው የዘመናዊ ስልጣኔ እና ማንነት ቅድም አያቶች ካበረከቱት አስተዋጽኦ ብዙ መማር ይገባልም ብለዋል።

ምንጭ ፦ኢዜአ

Related stories   አቶ የሺ ዋስ አሰፋ " አስፈላጊ ከሆነ እንገልሃለን" ተብያለሁ አሉ፤ አቃቤ ህግ ክሱን እንዲያሻሽል ታዘዘ

Leave a Reply

Your email address will not be published. Required fields are marked *