“Our true nationality is mankind.”H.G.

የቁልቢ ገብርኤል ገዳም አዲሱ አስተዳዳሪ ማን ገደላቸው?

በተመደቡ በአራት ወራት ጊዜ ውስጥ በቤተክርስቲያኒቱ ውስጥ የተንሰራፋውን ሌብነት መቆጣጠራቸውና ዝርፊያው እንዲቆም ከፍተኛ ስራ መስራታቸውን ህዝብ የሚመሰክርላቸው የቅዱስ ቁልቢ ገብርኤል ገዳም በመኖሪያ ክፍላቸው ሞተው ተገኝተዋል። ሕዝብ ቁጣውን ገልጿል። ጥይት ተተኩሶ ሰዎች ቆስለዋል። የስምንት ዓመት ታዳጊ ህይወት አልፏል።

የእኚህን አባት ድንገተኛ ሞት የሰሙ በሰላማዊ መንገድ መንግስት እንዲያጣራ ከያለበት ተጠራርቶ ጥያቄ አቅርቧል። መልዓክኃይል ቆሞስ አባ እንቁስላሴ ከቅዳሴ መልስ በቤታቸው ሞተው መገኘታቸው ያስደነገጠው ህዝብ ጥያቄውን በሰላማዊ መንገድ ካቀረበ በሁዋላ መንገድ በመዝጋት ትራንስፖርት ሊያስተጓጉሉ የሞከሩ በፈጠሩት ግርግር ተኩስ ተከፍቷል።

አቶ ኡመጥ በከሬ ሃራዋጫ የተወለዱና የጨለንቆ ከተማ ነዋሪ ናቸውል። በትራንስፖርት ዘርፍ ተሰማርተው ስለሚሰሩ በወቅቱ ቁልቢ ከተማ ነበሩ። ለዛጎል እንደተናገሩት ህዝብ ቁጣውን ሲገልጽ አይተዋል። የወረዳውን አስተዳደር ግድያው እንዲጣራና ገዳዮች ለፍርድ እንዲቀርቡ ህዝብ የጠየቀው በከፍተኛ ንዴትና ቁጣ ነበር። ይሁን እንጂ ለጥይት፣ ለረብሻና ለግድያ የሚያበቃ አንድም ነገር አላዩም።

Related stories   እስራኤል አልጃዚራ ቴሊቪዥን፣ አሶሲየትድ ፕሬስና ሌሎች ሚዲያዎች የሚጠቀሙበትን ህንጻ አወደመች

ዜናው እንደተሰማ በሚገርም ፍጥነት ከየአቅጣጫው የተሰባሰበው ሕዝብ ጥያቄውን በሰላማዊ መንገድ እያቀረበ ባለበት ሁኔታ መንገድ መዝጋት መጀመሩን የሚናገሩት አቶ ኡመጥ፣ ይህንኑ ተከትሎ መንገድ በሚዘጉትና በጸጥታ ሃይል መካከል ገጭት ተፈጠረ። ጥይተ ተተኮሰ። ዘግይተው እንደሰሙት ከቆሰሉት አምስት ሰዎች መካከል አነኛው ታዳጊ ህይወት ሊያልፍ ችሏል።

ፖሊስ ሊታገስ ይችል እንደነበር ያመለከቱት አቶ ኡመጥ መንገድ መዝጋትና ሰላማዊ ተቃውሞን ወደ ሁከት መቀየሩም አግትባብ መስሎ እንደማይታያቸው ተናግረዋል።

Related stories   “አቡነ ማቲያስ የሰጡት መግለጫ የግላቸው እንጂ የቅዱስ ሲኖዶስ ወይም የቋሚ ሲኖዶስ ውሳኔ አይደለም”

ለቪኦኤ ምስክርነታቸውን የሰጡ የቁልቢ ከተማ ነዋሪ እንዳሉት  መልዓክኃይል ቆሞስ አባ እንቁስላሴ  በአስተዳዳሪነት ተሾመው ከመጡ ገና 4 ወራቸው ሲሆን፣ ከህዝቡ ጋርም ተቀራርበው የሚሰሩና በአጭር ጊዜ መዕመኑ የወደዳቸው አስተዳዳሪ ነበሩ። በአጭር ጊዜ የልማት መርሃ ግብር ዘርግተው መስራት የጀመሩና ቤተክርስቲያኒቱን ተብትቦ የያዛትን ሌብነት የማጽዳት ስራ እየሰሩ ነበር። ምስክሩ አያይዘው በጥይት ስለተጎዱት ሲናገሩ መንገድ መዝጋት የጀመሩ ሰዎች ድርጊተን ተከትሎ በተከፈተ ተኩስ መሆኑንን ጠቁመዋል።

ፖሊስም ሆነ የሚመለከተው አካል ግድያውን አስመልክቶ እስካሁን በይፋ የሰጡት መግለጫ የለም። እናም መልዓክኃይል ቆሞስ አባ እንቁስላሴ ማን ገደላቸው የሚለው ጉዳይ መልስ ይሻል። ጥይት ከፍተው ጉዳት ያደረሱም በህግ ሊጠየቁ ይገባል።

 

Related stories   የኢትዮዽያ የቁርጥ ቀን ልጅ "ስለአባይ እውነቱን እንካችሁ" – መካ አደም አሊ

Share and Enjoy !

Shares
0Shares
0