ከፍርድና ከህግ በመሸሽ ለአንድ ዓመት ራሱን ሸሽጎ የነበረው የቀድሞው የሃዋሳ ከተማ ከንቲባ በፖሊስ ቁጥጥር ሰር መዋሉን የመንግስት ሃላፊዎች አስታወቁ።

ራሱን ሸሽጎ የነበረው ከንቲባ ቴዎድሮስ ገቢባ ከሰኔ 05 እስከ ሰኔ 12 ቀን 2010 ዓ.ም በሀዋሳ ከተማ የወላይታና ሲዳማ ብሔሮችን በማጋጨት ለሰው ሕይወት መጠፋት እና ንብረት መውደም ምክንያት በመሆኑ፣ የዕርስ በርስ ግጭት በማነሳሳትና በመጠንሰስ በዋና ወንጀል አቀነባባሪነት ተከሶ በተገኘበት በህግ ጥላ ስር እንዲውል የፍርድ ቤት ማዘዣ የተቆረጠበት ተጠርጣሪ ነበር።

33 ሰዎች በተከሰሱበት የክስ መዝገብ ለአንድ ዓመት በፖሊስ ሲፈለግ የነበረው የቀድሞ የሀዋሳ ከተማ ከንቲባ ቴድሮስ ገቢባ በትናንት እለት በቁጥጥር እንደዋለ ከመገለጹ ውጪ እንዴትና የት እንደተያዘ የመንግስት ሃላፊዎች አላብራሩም።

የፌዴራል ፖሊስ ባደረገው ክትትል ከዓመት በሁዋላ ነሃሴ 15 ቀን 2011 ዓ.ም ለህግ የተንበረከከው ቴዎድሮስ በፌዴራል ከፍተኛ ፍርድ ቤት 13ኛ የወንጀል ችሎት ሆሳዕና ተዘዋዋሪ ችሎት መቅረቡን የመንግስት ሚዲያዎች አስታወቀዋል።

Related stories   ሃይለማሪያም - በአል አሙዲ ጉዳይ " ሳዑዲ አንድ ሉዓላዊ አገር ናት፤ የምናደርገው ነገር የለም አሉ

Leave a Reply

Your email address will not be published. Required fields are marked *