ያለበቂ መረጃና ግንዛቤ አዲሱ የትምህርት ፍኖተ ካርታ የፌደራሉን ስርዓት የሚንድ ሆኖ የተዘጋጀ ተደርጎ ለፖለቲካ ፍጆታ የሚሰነዘረውን ነቀፌታ ተከትሎ የትምህርት ሚኒስቴር ማብራሪያ ሰጠ።ፍኖተ ካርታው የፌደራል ስርዓቱን ያከበረና የህዝብ እምነት ሲያገኝ የሚተገበር ምክረ ሃሳብ ያካተተ መሆኑንን አስታወቀ።
በአዲሱ የትምህርት እና ስልጠና ፍኖተ ካርታ የፌደራል የስራ ቋንቋን ማስተማር የሚለው ምክረ ሀሳብ እንጂ አስገዳጅ ህግ አይደለም እንዳልሆነ ያስታወቁት ሚኒስትሩ ዶክተር ጥላዬ ጌቴ ዛሬ በሰጡት መግለጫ ነው።  በአዲሱ የትምህርትና ስልጠና ፍኖተ ካርታ ዙሪያ ተጨማሪ ማብራሪያ በሚጠይቁ ጉዳዮች ሰፊ ማብራሪያ የሰጡት ሚኒስትሩ ፍኖተ ካርታው ኢትዮጵያ የምትመራበትን የፌደራሊዝም ስርአት በምንም መንገድ አያፈርስም፤ ይህንን የማድረግ አቅመም የለውም ብለዋል።
 
መግለጫውን የተከታተለው ፋናሬዲዮ  እንደዘገበው ፍኖተ ካርታው ከ1ኛ ክፍል እስከ 8ኛ ክፍል በአፍ መፍቻ ቋንቋ ትምህርት እንዲሰጥ የሚፈቅድ መሆኑን አስታውቀዋል።
 
የፌደራል የስራ ቋንቋ እንደ አንድ የትምህርት አይነት እንዲሰጥ በፍኖተ ካርታው የተመለከተው ምክረ ሀሳብ መሆኑንም ፣ ይህም በክልሎች ስልጣን የሚወሰን እንጂ ፍኖተ ካርታው ለትግበራዉ አስገዳጅ ድንብ አለማስቀመጡን ሚኒስትሩ ተናግረዋል።
 
በአዲሱ የትምህርት ፍኖተ ካርታ ምክረ ሀሳብ መሰረት ቋንቋንዎችን ይበልጥ የሚያሳድግ እና የዜጎችን ተግባቦት ይበልጥ የሚያሳልጥ መሆኑም ዶክተር ጥላዬ ሳይጠቅሱ አላለፉም። 
 
ዶክተር ጥላዬ አክለውም፥ የትምህርት እና ስልጠና ፍኖተ ካርታው ኢትዮጵያ የምትመራበትን የፌደራሊዝም ስርአት በምንም መንገድ አያፈርስም፤ ይህንን የማድረግ አቅመም የለውም ብለዋል።
 
አዲሱ የትምህርት ፍኖተ ካርታ ከዚህ ቀደም ከነበረው ጋር ተመሳሳይነት አለው በሚል ለተነሳው አስተያየትም ዶክተር ጥላዬ በሰጡት ማብራሪያ፥ በሁሉም ትምህርት ቤቶች ቢያንስ ለ1 ዓመት የቅድመ መደበኛ ትምህርት እንዲሰጥ አስገዳጅ መሆኑ ፍኖተ ካርታውን ከዚህ ቀደሙ ልዩ እንደሚያደርገው ገልፀዋል።
 
በተጨማሪም አዲሱ ፍኖተ ካርታ የተሟላ የትምህርት ስርአትን ይከተላል ያሉት ሚኒስትሩ፥ እንደ ጆኦግራፊ እና ታሪክ ያሉ የትምህርት አይነቶች በሀገር በቀል እውቀት እንዲቃኙ እንደሚደረግም አስታውቀዋል።
 
የትምህርት እና ስልጠና ፍኖተ ካርታው ሊተገበር የሚችለው የኢትዮጵያ ህዝቦች ሲያምኑበት ብቻ እንደሆነም ነው የትምህርት ሚኒስትሩ ያስታወቁት።
ፍኖተ ካርታው ይፋ መሆኑንን ተከትሎ አቶ ጌታቸው ረዳን ጨምሮ በርካታ ተከታዮቻቸው ” የደርግ አሃዳዊ የትምህርት ስርዓት ተመልሶ ተተከለ” የሚል መረጃ አልባ የተቃውሞ ቅስቀሳ ሲያካሂዱ መሰንበታቸው ይታወሳል። አቶ ጃዋር መሐመድም የአገሪቱ ትምህርት የወደቀ መሆኑን አምኖ ፍኖተ ካርታው የክልሎችን ህገ መንግስታዊ ስልጣን የሚጥስ እንደሆነ ለመናገር ቀዳሚ ነበር።
አቶ ጃዋር በሌለው መረጃና መንግስት ባላስቀመጠው አጀንዳ የሰላ ትችት ሲሰነዘር ” ሰዎቹ እብድ ናቸው” ብሎ ነበር። ማስፈራሪያም አክሎ ነበር። የታሪክ ትምህርት ላይ ጥርጣሬ አንዳለውም አክሎ ነበር። ጃዋር የሚኒስትሩን ማብራሪያ አድምጦ በይፋ የተናገረው ነገር ባይኖርም በፌስ ቡክ ገጹ ግን ዜናውን አሰራጭቷል።
በኦሮሚያ አማርኛ እንደ አንድ የትምህርት ዓይነት ከአምስተኛ ክፍል ጀምሮ ሲሰጥ መቆየቱ የሚታወስ ነው።

Related stories   “ለስልጣን ሲባል ኢትዮጵያዊነታችን ተወስዶ ማንነታችን ብሔር እንዲሆን ተደርጓል”ኦባንግ ሜቶ

Leave a Reply

Your email address will not be published. Required fields are marked *