የወረርሺኙ መጠን የተቀዛቀዘ ነው በሚል በርካቶች ቢዘናጉም አደጋው አዝግሞ ወደ ከፋ ደረጃ ሊወድ እንደሚችል ምልክት እያሳየ ነወ። በኢትዮጵያ መንግስት ባስጠናው መሰረት ሰፊ ዝግጅት በሚያደርግበትና ሕዝብ በማስተባበር አደጋውን ለመቀነሰ በሚንቀሳቀስበት ወቅት ስልጣን ያስቀደሙ ዛሬ ምን እንደሚሉ በጉጉት እየተጠበቀ ነው።

ካለው የከፋ የሞትና የክስረት ደመና ስር ለስልጣን የሚራኮቱ ሰዎች መንግስት ለማፍረስ በሚተጉበት በዚህ ወቅት በሁለት ተከታታይ ቀናት 42 ሰዎች በበሽታው መጠቃታቸው ይፋ ሆኗል።

ፋና እንዳለው ባለፉት 24 ሰዓት ውስጥ በተደረገው 1 ሺህ 847 የላብራቶሪ ምርመራ 25 ሰዎች የኮሮና ቫይረስ ተገኝቶባቸዋል። ይህም ቁጥር ቫይረሱ በኢትዮጵያ ከተከሰተ ወዲህ ከፍተኛው ሆኖ ተመዝግቧል።

ባለፉት 24 ሰዓታት ውስጥ ቫይረሱ ከተገኘባቸው ሰዎች ውስጥ 19 ሰዎች ምንም አይነት የውጭ ሀገር የጉዞ ታሪክ እና ቫይረሱ ከተገኘባቸው ሰዎች ጋር ንክኪ የሌላቸው መሆናቸውን የጤና ሚኒስትሯ ዶክተር ሊያ ታደሰ አስታውቀዋል።

3 ሰዎች ደግሞ ቫይረሱ ከተገኘባቸው ሰዎች ጋር ንክኪ ያላቸው ሲሆን፥ ቀሪዎቹ ሶስቱ ደግሞ የውጭ ሀገር የጉዞ ታሪክ ያላቸው መሆናቸውንም ገልፀዋል። ቫይረሱ የተገኘባቸው ሁሉም ኢትዮጵያውያን ሲሆኑ፥ እነዚህም እድሜያቸው ከ17 እስከ 65 ዓመት የሆኑ 24 ወንዶች እና 1 ሴት ናቸው።

ቫይረሱ የተገኘባቸው ሰዎች መኖሪያም 21 በአዲስ አበባ፣ 2 ደበቡብ ክልል ሃድያ ከንባታ ዞን፣ 2 በኦሮሚያ ክልል (በቦረና ለይቶ ማቆያ እና በፊንፊዜ ዙሪያ ልዩ ዞን) መሆኑንም ሚኒስትሯ ገልፀዋል። በአጠቃላይ በኢትዮጵያ ቫይረሱ በምርመራ የተገኘባቸው ሰዎች ቁጥር 187 ደርሷል።

በአሁኑ ወቅትም በአጠቃላይ ቫይረሱ ከተገኘባቸው ውስጥ 88 ሰዎች በለይቶ ህክንማ ውስጥ ያሉ ሲሆን፥ ከእነዚህም 1 ሰው በጽኑ ህክምና ላይ ይገኛል። እስካሁን 93 ሰዎች ከቫይረሱ ሲያገግሙ፤ 4 ሰዎች ደግሞ በቫይረሱ ህይወታቸው ማለፉ እና 2 ሰዎች ደግሞ ወደ ሀገራቸው መመለሳቸው ይታወሳል።

Related stories   ዓለም እንዲህ ከረመች - ጥርቅምቃሞ

Leave a Reply

Your email address will not be published. Required fields are marked *