ጆርጅ ፍሎይድ በፖሊስ መገደሉን ተከትሎ ታቃውሞ የበረታባት አሜሪካ ወታደሮቿን በተጠንቀቅ አንዲሆኑ አዘዘች፡፡የጆርጅ ፍሎድን ሞት ተከትሎ በአሜሪካ ሁሉም ግዛቶች የተቃውሞ ሰልፎች እየተካሄደ ነው፡፡

በዚህም በሁሉም የአሜሪካ ግዛቶች ተቃውሞ መከሰቱን ተከትሎ ሁሉም ግዛቶች ወታደሮቻቸውን በተጠንቀቅ እንዲሆኑ አዘዋል፡፡ባሳለፍነው ሰኞ አንድ ነጭ ፖሊስ ጥቁር አሜሪካዊን ጆርጅ ፍሎድን በጉልበቱ አንገቱ ላይ ቆሞ ሲያሰቃየው ከቆየ በኋላ ሕይወቱ ማለፉን ተከትሎ በአሜሪካ በሁሉም ግዛቶች ከፍተኛ ተቃውሞ እየተደረገ ነው የሚገኝው፡፡ሰልፈኞቹ በትላንትናው እለት ሚኒያፖሊስ ውስጥ የሚገኝ ፖሊስ ጣቢያን ያቃጠሉ ሲሆን በኒዮርክም የፖሊስ ተሸከርካሪዎችን አውድመዋል ሲል ነው አልጀዚራ ያስነበበው፡፡አሜሪካ ውስጥ በ2019 ብቻ ከ1 ሺ በላይ ጥቁሮች በፖሊስ ተተኩሶባቸው ሕይታቸው ማለፉ ተገልጿል።

ዋሽንግተን ፖስት ጋዜጣ ይዞት በወጣው መረጃ መሰረት በ2019 1014 ሰዎች በፖሊስ ተተኩሶባቸው የሞቱ ሲሆን ከነዚህ መካከል ሁሉም ለማለት በሚያስደፍር መልኩ ጥቁር አሜሪካውያን ናቸው።አንድ ግብረ ሰናይ ድርጅት በሰራው ጥናት መሰረት ደግሞ ጥቁር አሜሪካውያን ከነጭ አሜሪካውያን ጋር ሲነጻጸር በፖሊስ የመገደል እድላቸው በሶስት እጥፍ ከፍ ያለ ነው።የጆርጅ ፍሎይድ ሞት በአሜሪካ ላለው አስፈሪ የፖሊስ ጭካኔ ማሳያ ነው ተብሏል።አሁን በመላው አገሪቱ የተቀሰቀሰውን ተቃውሞ በመፍራት ጆርጂያ እና አትላንታ የአስቸኳይ ጊዜ አዋጅ አውጀዋል፡፡

በትላንትናው እለት ሰልፈኞቹ በዋይት ሀውስ አካባቢ ተቃውሞ አድርገው የነበረ ሲሆን ባለስልጣናት ግን ቦታው ከእንቅስቃሴ ውጭ እንዲሆን አዘዋል።

ኢትዮ ኤፍ ኤም – ሔኖክ ወ/ገብርኤል

Related stories   Demolition derby: the human cost of Addis Ababa's rapid growth

Leave a Reply

Your email address will not be published. Required fields are marked *