በኢትዮጵያ ባለፉት 24 ሠዓታት በተደረገ 4 ሺህ 775 የላቦራቶሪ ምርመራ ተጨማሪ 136 ሰዎች የኮሮና ቫይረስ ተገኝቶባቸዋል።

በኢትዮጵያ እስካሁን ቫይረሱ በምርመራ የተገኘባቸው ሰዎች ቁጥር 2 ሺህ 156 መድረሱን የጤና ሚኒስትሯ ዶክተር ሊያ ታደሰ አስታውቀዋል።

ቫይረሱ ከተገኘባቸው ሰዎች መካከል 85ቱ ወንዶች ሲሆኑ፤ 51 ደግሞ ሴቶች ናቸው።

ከእነዚህም 124ቱ ኢትዮጵያዊያን ሲሆኑ፤ 12ቱ ደግሞ የውጭ አገራት ዜጎች ናቸው፤ ዕድሜያቸውም ከ1 እስከ 97 ዓመት ክልል ውስጥ የሚገኝ ነው።

ባለፉት 24 ሠዓታት በምርመራ ቫይረሱ የተገኘባቸው ሰዎች 115ቱ ከአዲስ አበባ፣ 7ቱ ከትግራይ ክልል፣ አንድ ከደቡብ ብሔር ብሔረሰቦችና ሕዝቦች ክልል፣ 9 ከኦሮሚያ፣ 2 ከሐረሪ፣ 2 ሰዎች ደግሞ ከሶማሌ ክልሎች መሆናቸውን ዶክተር ሊያ አስታውቀዋል።

በሌላ በኩል ትናንትና 17 ሰዎች ከበሽታው ያገገሙ ሲሆን፤ በአጠቃላይ ከበሽታው ያገገሙ ሰዎች ቁጥርም 361 ደርሷል።

ሌሎች 32 ሰዎች ደግሞ በጽኑ ሕሙማን ከፍል ውስጥ ይገኛሉ።

በአጠቃላይ እስካሁን በኢትዮጵያ 147 ሺህ 735 የላቦራቶሪ ምርመራ ተካሂዷል፤ በጽኑ ህሙማን ክፍል ያሉትን ጨምሮም በቫይረሱ የተያዙ ሰዎች ቁጥር 1 ሺህ 766 ነው።(ኢዜአ)

Related stories   በድሬዳዋ የጣለው ከባድ ዝናብ በሰውና በንብረት ላይ ጉዳት አደረሰ

Leave a Reply

Your email address will not be published. Required fields are marked *