የፌዴሬሽን ምክር ቤት አፈ ጉባኤ ወ/ሮ ኬሪያ ኢብራሂም በገዛ ራሳቸውን ከሃላፊነት ማንሳታቸው ተሰማ። ውሳኔው ፖለቲካዊ እንደሆነ ምርጫን አስመክቶ የክልሉ ምክትል መሪ ለተናገሩት ማሳያ ነው ተብሏል።
የትግራይ ክልል ኮሮናን እየታገለ ጎን ለጎን ምርጫ እንደሚያከናውን ይፋ ሲያደርጉ ዶከተር ደብረጽዮን ይህ ውሳኔ ፖለቲካዊ እርምጃ መሆኑንን አጽኖ ሰጥተው መናገራቸው ይታወሳል።
ወ/ሮ ኬሪያ ህወሃትን ወክለው በፌዴሬሽን ምክር ቤት ሰብሳቢነት ስልጣን የተቀመጡ ሲሆን ፓሪያቸው ለወሰደው ፖለቲካዊ ውሳኔ እንዲገዙ ጫና ሳይደረግባቸው እንዳልቀረ ተገምቷል።
የትግራይ ክልል ኮሙንኬሽን ጽህፈት ቤት በማህበራዊ ድረገጹ ዛሬ እንዳስታወቀው የፌዴሬሽን ምክር ቤት አፈ ጉባዔ የሆኑት ወ/ሮ ኬሪያ ኢብራሂም በገዛ ፍቃዳቸው ኃላፊነታውን ለቀዋል ብሏል።
የተወካዮች ምክር ቤት እስካሁን በጉዳዩ ላይ ይፋዊ መግለጫ አልሰጠም። ወ/ሮ ኬሪያ ኢብራሂምም ቢሆኑ በግልጽ ያሉት ነገር የለም። ይልቁኑ እሳቸው የሚመሩት ምክር ቤት የህገ መንግስት ተርጓሚ ኮሚሻን ያዘጋጀውን ሰነድ ለመርመርና ውሳኔ ለማሰጠት ለሚቀጥለው ሳምንት ቀተሮ ይዞ ነበር። ይህንኑ የህገመንግስት ትርጓሜ አግባብ ህወሃት በግንባር ቀደም በመቃወም ከፊት ዘርፍ የተሰለፈ ድርጅት በመሆኑና እሳቸውን የዚሁ ድርጅት አባል በመሆናቸው ድርጅታቸው ” አገር ይፈርሳል” ሲል እያስጠነቀቀበት ካለው ጉዳይ ሽሽት መምረጣቸው ዜናውን ብዙም አስገራሚ አላደረገውም። ይልቁኑም የሚጠበቅ ነበር። ምክንያቱም የፈለገው አቋም ቢኖራቸው በድምጽ ብልጫ ስለሚሸነፉ!!
ይህ ዜና ከታተመ በሁዋላ ወ/ሮ ኬሪያ ሕገ መንግሥት ከሚፈቅደው ውጪ አምባገነናዊ መንግሥት ሲመሰረት ተባባሪ ላለመሆን በገዛ ፈቃዳቸው ከኃላፊነታቸው መልቀቃቸውን በትግራይ ቲቪ ተናግርዋል።

የሳቸውን መግለጫ ተከትሎ የፌደሬሽን ምክር ቤት ባወጣው መግለጫ ወ/ሮ ኬሪያ የህገመንግስት ትርጉም ጉዳይ ላይ ለመነጋገር ራሳቸው ደብዳቤ በትነው ሳለ፣ አንድም ቀን በአጀንዳና ህገመንግስቱን ለመተርጎም በተነሱ ጉዳዮች በድምጽ ልዩነት ወጥተው አንደማያውቁ ተቅሶ አካሄዳቸው ስርዓትን ያልጠበቀ ብሎታል። መግለጫው አክሎም እሳቸው ባይኖሩም ስራው ይቀጥላል ብሏል።

Related stories   ከአገር ሊሸሽ የነበረው ወርቅና ገንዘብ ወደ ብሔራዊ ባንክ ገብቷል

Leave a Reply

Your email address will not be published. Required fields are marked *