“Our true nationality is mankind.”H.G.

በኩዌት የነበሩ 259 ኢትዮጵያዊያን ወደ አገራቸው ተመለሱ

ሕገወጥ በሆነ መልኩ ወደ ኩዌት ገብተው ሕጋዊ መኖሪያ ፍቃድ የሌላቸው 259 ኢትዮጵያዊያን ወደ አገራቸው ተመለሱ።

ኢትዮጵያዊያኑ ዛሬ ቦሌ አየር ማረፊያ ሲደርሱ የሰላም ሚኒስትር ዴኤታ ፍሬሕይወት ሽባባው፣ የመካከለኛው ምሥራቅ ጉዳዮች ዳይሬክተር ጄነራል አምባሳደር ሻሜቦ ፊታሞ እና ሌሎች የመንግሥት ሥራ ኃላፊዎች አቀባበል አድርገውላቸዋል።

የመካከለኛው ምሥራቅ ጉዳዮች ዳይሬክተር ጄኔራል አምባሳደር ሻሜቦ ፊታሞ በእዚህ ወቅት እንዳሉት ዜጎች ወደ አገራቸው እየተመለሱ ያሉት የኩዌት መንግሥት በሕገወጥ መንገድ የገቡና ሕጋዊ መኖሪያ ፍቃድ የሌላቸውን የተለያዩ አገራት ዜጎች ወደ የአገራቸው እንዲመለሱ መመሪያ ማውጣቱን ተከትሎ ነው።

Related stories   የትግራይ ክልል ባቀረበው ፍላጎት መሠረት የአፈር ማዳበሪያ መቶ በመቶ እንዲቀርብ መደረጉ ተገለጸ

በእዚህም የኢትዮጵያ መንግሥት ወደ አገራቸው ለመመለስ ፍቃደኛ የሆኑትን ዜጎች ምዝገባ በማካሄድ ወደ አገራቸው እየመለሰ መሆኑን አስረድተዋል።

የዛሬውን ጨምሮ በኩዌት በአስቸጋሪ ሁኔታ ውስጥ ያሉና ወደ አገራቸው ለመመለስ የተመዘገቡ አንድ ሺህ 150 ወገኖች መኖራቸውንና በተያዘው ሣምንት ወደ አገራቸው ተጠቃለው እንደሚመለሱ አመልክተዋል።

የሰላም ሚኒስትር ዴኤታ ወይዘሮ ፍሬሕይወት ሽባባው በበኩላቸው እንደተናገሩት ወደ አገራቸው እየተመለሱ ያሉ ዜጎች ለ14 ቀናት በለይቶ ማቆያ ከቆዩ በኋላ ከኮሮናቫይረስ ነፃ መሆናቸው ሲረጋገጥ ወደ ቤታሰባቸው እንደሚቀላቀሉ አመልክተዋል።

Related stories   የዘረኝነት ጥግ “እናት ነኝ የሌሎች ህፃናት ወላጆችን ግን ገደልኩ”

መንግሥት ዜጎቹ ወደ አገራቸው እንዲመለሱ ከማድረግ በተጨማሪ ባለቡት አገር እዚያው ድጋፍ የሚያገኙበትን ሁኔታ በመፍጠር በኩል ሰፊ የዲፕሎማሲ ሥራ እየሰራ መሆኑንም አመልክተዋል።

ENA

Share and Enjoy !

Shares
0Shares
0