በኮሮና ቫይረስ መያዙ ሳይታወቅ ሕይወቱ ያለፈ ሰው የቀብር ሥነ ሥርዓት የፈጸሙና ንክኪ ያላቸው 45 ግሰዎች ወደለይቶ ማቆያ መግባታቸውን የእንሳሮ ወረዳ ጤና ጽሕፈት ቤት ማስታወቁን የክልሉ መገናኛ አስታወቀ።

ነዋሪነቱ በአዲስ አበባ የሆነ አንድ ግለሰብ በኮሮና ቫይረስ ተጠርጥሮ ወደ ማቆያ ሳይገባ ናሙና ሰጥቶ ነበር፡፡ ናሙና እንደሰጠ በድንገት ውጤቱ ሳይታወቅ ሕይወቱ አልፏል፡፡ የግለሰቡ ሕይወት እንዳለፈም አስከሬኑ ወደ ትውልድ ቀየዉ ሰሜን ሸዋ ዞን እንሳሮ ወረዳ ተልኳል፡፡

Related stories   ትውልደ ኢትዮጵያዊቷ ሳይቲስት - ችግር የመፍታት አቅም እንዳለህ ከተሰማህ ፣ያንን ፍጥነት መቀነስ በእውነቱ መልካም አይደለም

ይህ የሆነው ባለፍነው ቅዳሜ ግንቦት 29/2012 ዓ.ም ነበር፡፡ እስከዚው ቀን ድረስ ውጤቱ ስላልታወቀ ዘመድ አዝማድ ተሰብስቦ አስከሬኑን በመያዝ ወደ እንሳሮ ወረዳ አቅንቶ የቀብር ሥነ ሥርዓቱ እሑድ ግንቦት 30/2012 ዓ.ም ተከውኗል፡፡ በዚሁ ዕለት የኢፌዴሪ ጤና ሚኒስቴር ይፋ ባደረገዉ መረጃ መሠረት ግለሰቡ የኮሮና ቫይረስ እንደነበረበት አረጋግጧል፡፡

የሰሜን ሸዋ ዞን ጤና መምሪያ መረጃው እንደደረሰዉ ከወረዳው ጤና ጥበቃ ጽሕፈት ቤት ሰዎች ጋር በመሆን የቀብር ሥርዓቱ በተፈጸመበት እንሳሮ ወረዳ አቅንቶ ከግለሰቡ ጋር ቀጥታ ንክኪ የነበራቸውን ግለሰቦች እየለየ መሆኑን የመምሪያው ምክትል ኃላፊ ወይዘሮ ጸዳሉ ሰሙ ንጉሥ ተናግረዋል፡፡

Related stories   የኮቪድ ጽኑ ታማሚዎች ቁጥር መብዛቱ በዲላ ሆስፒታል አገልግሎት አሰጣጥ ላይ ጫና አስከትሏል

የእንሳሮ ወረዳ ጤና ጽሕፈት ቤት ኃላፊ ሲስተር በቀለች ሞገስ ደግሞ የቀጥታ ንክኪ ይኖራቸዋል በሚል ጥርጣሬ 45 ሰዎች በለይቶ ማቆያ እንዲቆዩ መደረጉን አስታውቀዋል ሲል አብመድ ዘግቧል።

Share and Enjoy !

Shares

Leave a Reply

Your email address will not be published. Required fields are marked *