የክልሉን ሰላም ለማስጠበቅ እየሰራ ባለው የልዩ ፖሊስ ላይ የሚካሄድ ማጠልሸት ይቁም!!
የኦሮሚያ ፖሊስ ኮሚሽን ጃዋር መሀመድ የክልልሉን ሰላም እና መረጋጋት ለማደፍረስ በተለያዩ የማህበራዊ ድህረ-ገፆች ከሚለጥፋቸው የተዛቡ መረጃዎች እንዲታቀብ በማስጠንቀቅ እስከአሁንም በለቀቃቸው ከእውነታ የራቁ መረጃዎች በህግ የሚጠየቅ መሆኑን አስታውቋል፡፡
ፖሊስ ኮሚሽኑ በትናንትናው እለት ሰኔ2/2012 ዓ.ም ባወጣው መግለጫ የኦሮሚያ ፖሊስ ወንጀልን ከመከላከል፣ የክልልሉን ሰላም እና ፀጥታ ከማስከበር እንዲሁም ህግ እና ስርዓትን ከማስከበር የዘለለ ተግባር የለውም ብሏል፡፡
በዚህም መሠረት ከመቼውም ጊዜ በላቀ ሁኔታ ልዩ ኃይሉን በማደራጀት የሕዝቡን ሰላም እና የክልልሉን ፀጥታ በማስጠበቅ ላይ ይገኛል ብሏል፡፡
ይሁን እንጂ ይህንን የክልልሉን ሰላም እና መረጋጋት የማይሹ አንዳንድ ግለሰቦች እና ቡድኖች የህዝብ መከታ የሆነውን ኃይክ ሥም በማጠልሸት የፖለቲካ መጠቀሚያ በማድለግ ላይ እንደሚገኙ ለማረጋገጥ መቻሉንም ኮሚሽኑ ጠቁሟል፡፡
በዚህም መሰረት ከአሁን በኋላ ማንኛውም ግለሰብ ወይንም ቡድን የኦርሚያ ልዩ ኃይልን መልካም ስም እና ዝና ዝና እንዲያጎድፍ እንዲሁም ለፖለቲካ ትርፍ እንዲጠቀምበት አንፈቅድም ብሏል ኮሚሽኑ፡፡
ከዲንሾ ጋር ተያይዞ የሚሰራጨው ተራ አሉባልታም ሊገታ ይገባዋል ያለው ኮሚሽኑ መነሻው የግለሰቦች ፀብ ሲሆን ጉዳዩ በህግ ተይዞ በመጣራት ላይ ይገኛል ብሏል፡፡
ቢሆንም ግን እውነታው ይህ ሆኖ ሳለ አንዳንድ ግለሰቦች በተለይም ጃዋር መሀመድ በፌስ ቡክ ገፁ ላይ የተዛባ መረጃን በመለጠፍ ብዙዎችን የማሳሳት ተግባሩን የቀጠለ ሲሆን በእንግሊዘኛ የለጠፈውን እንዲሁም ሌሎች ተጨባጭ መረጃዎችን በማያያዝ በህግ አግባብ የምንጠይቅ መሆኑን እንገልፃለን ማለቱን ከፖሊስ ኮሚሽኑ ያገኘነው መረጃ መነሻ አድርጎ የዘገበው አዲስ ማለዳ ጋዜጣ ነው፡፡
Related stories   ይህ ሁሉ የተደረገው አሁን ጎንደር ባሉ ሰዎችትእዛዝ ነው! -ሙሉቀን ተስፋው

Leave a Reply

Your email address will not be published. Required fields are marked *