የቀድሞው ጠቅላይ ኤታማዦር ሹም ሳሞራ የኑስ የሕዝብ ዓመጽ መተቀጣጠለበት ወቅት ሰራዊቱ ኩዴታ እንዲያካሂድ በተደጋጋሚ ጥያቄ ቀርቦለት እንደነበር ይፋ አደረጉ። አገሬን እስከጠቀመ ድርስ በሙያዬ የምጠቀመውን አደርጋለሁ ሲሉም ተናግረዋል።

ጀነራሉ ይህንን ያሉት ሰሞኑንን ወደ ስራቸው ተመለሱ የሚል ወሬ መናፈሱን ተከትሎ በትግራይ ከሚገኝ አዋሎ ከተሰኘው የዩቲዩብ አምድ ጋር ባደረጉት ቃለ ምልልስ ነው።

ጠያቂው እነማን እንደሆኑ እንዲብራራለት ሲጠይቅ ዝርዝር ውስጥ ያልገቡት ጀነራሉ ” በተደጋጋሚ መፈንቅለ መንግስት አድርጉ” ሲባሉና ሲጠየቁ እንደነበር ሳይሸሽጉ ተናግረዋል። የብልጽግና ፓርቲን ስለመቀላቀላቸው ሲጠየቁ ” መስፈርቱን አላውቀውም። ባውቀውም አላሟላም። የጠየቀኝም አካል የለም” ብለዋል።

” ደርግን ወያኔ ብቻ አልጣለውም ይህ ስህተት ነው” በማለት ማብራሪያቸውን ያሰሙት የቀድሞ መኮንን፣ ደርግ ከሕዝብ መነጠሉና በጦርነት መመታቱ እንደጣለው ሲገልጹ ወያኔ እጁ ሰፊ ቢሆንም እህት ድርጅቶችና ህዝብ በህብረት ጥለውታል ነው ያሉት። ዋናው ግን የኢትዮጵያ ሕዝብ መሆኑንን አስመረውበት አልፈዋል።

Related stories   በሱዳን የሚኖሩ ኢትዮጵያዊያን ከሃሰተኛ መረጃ ራሳቸውን እንዲጠብቁ ጥሪ ቀረበ፣ የተጭበረበረ መረጃ ተሰራጭቶ ነበር

” መሪና ፖለቲከኛ በተቀያየረ ቁጥር መታኮስ አያስፈልግም” በማለት የምክር ሃሳብ መጠየቃቸውን፣ የቀረበላቸው ጥያቄ ለኢትዮጵያም ሕዝብ ሆነ ለትግራይ ሕዝብ ስለሚጠቅም ልምዳቸውን ማካፈላቸውን ተለሳልሰው ያቀረቡት ጀነራሉ፣ የጠያቂውን ሃሳብ ሲከተሉ አልታዩም። ጠያቂው ደጋግሞ እሳቸው ምክር ሲሉ ያለሳለሱት ሃሳብ የተመቸው አይመስልም። ለዚሁም ይመስላል ጀነራሉ ” ችግሩ ምንድን ነው” ሲሉ ጥያቄውን በጥያቄ መልሰዋል።

የሳሞራ ወደ ሃላፊነት መጠራት ወሬ ” የጠቅላይ ሚኒስትር አብይ መንግስት አልቻለም። የቀድሞው የህወሃት ሰዎች እየተጠሩ ነው” የሚለውን ዜና ያካተተ ቢሆንም ጀነራሉ ያሉት ግን ” ስወጣ ለመመለስ አይደለም። ይህንን ጠቅላይ ሚኒስትሩም ማንም ያውቃል። ምክር ተጠይቄ ሰጥቻለሁ። ወደፊትም ከተጠየኩ አደርገዋለሁ። 42 ዓመታት በሙያው አሳልፌያለሁ” በማለት አልፈውታል።

ኩዴታን አስመክቶ በኦገስት 2016 ጎልጉል የተሰኘው የድረገጽ ጋዜጣ

Related stories   ስብሃት ነጋ የትህነግን የውጪ አገር ሃብትና ንብረት "ለትግራይ ሕዝብ ጥቅም ሲባል" ይፋ እያደረጉ ነው

በኢትዮጵያ የስርዓት ለውጥ እንዲካሄድ የማይፈልጉት የአሜሪካ ባለስልጣናት ህወሃት አገር መምራት የማይችልበት ደረጃ ደርሷል የሚል ድምዳሜ ላይ ደርሰዋል። የሚያደርጉትን ቢያውቁም ለመፍትሄ በተናጠል ተቀናቃኝ ፓርቲዎችንና የሲቪክ ማህበራትን “ምክር” እየጠየቁ ነው። አሁን ያለው ህዝባዊ ተቃውሞ በዚህ ከቀጠለ ኢትዮጵያን ላለማጣት ድንገተኛ የሚመስል ግን የታቀደ ወታደራዊ መፈንቅለ መንግስት ሊደረግ እንደሚችልም ፍንጭ እየተሰጠ ነው።

የጎልጉል ታማኝ መረጃ ሰዎች እንዳሉት የትግራይ ሕዝብ ነጻ አውጪ ግምባር (ህወሃት) እንዳበቃለት የገመገሙት የአሜሪካ ባለስልጣናት “ከወዲሁ አንድ ነገር ማድረግ አለብን” የሚል አቋም ከያዙ ሰነባብተዋል። ለዚሁም መነሻቸው ህወሃት መልሶ እንዲያገግም ሊረዱት አለመቻላቸውና ለራሳቸው ጥቅም ሲሉ የኢትዮጵያን መክሰር አለመፈለጋቸው ነው።

“ህወሃት አገር መምራት ካቃተው፣ ኢትዮጵያን ላለማጣት ምን ማድረግ አለብን” ከሚለው መሰረታዊ የውጭ ጉዳይ ፖሊሲ ዝንባሌያቸው በመነሳት አሜሪካኖቹ በየእርከኑ አገር ውስጥ የሚንቀሳቀሱ የተቀናቃኝ ፓርቲ መሪዎችን፣ ነፍጥ አንስተው ከሚታገሉ፣ በውጭ አገር ከሚገኙ የፖለቲካ ድርጅቶች፣ እንዲሁም ከሲቪክ ተቋማት ጋር ውይይት እያካሄዱ ነው። ጎን ለጎን ድንገተኛ የሚመስል፣ ነገር ግን የታቀደ መፈንቅለ መንግስት እንዲደረግ ፍላጎት አሳይተው እንደነበር ነው ጎልጉል የገለጸው። ጎልጉል በተመሳሳይ ጀነራል ሳሞራን ጨምሮ የተለያዩ ከፍተኛ የህወሃት ሃላፊዎች በተደጋጋሚ ተጠርተውና በራሳቸው ፍላጎት አሜሪካ መመላለሳቸውን የዲፕሎማቲክ ምንጮቹን ጠቅሶ መዘገቡ ይታወሳል።

Related stories   በዓድዋ ከተማ የመብራት አገልግሎት ዛሬ ጀመረ

ዛሬ ከለውጡ በሁዋላ ሳሞራ የኑስ ያነሱትና ያረጋገጡት መፈንቅለ መንግስት በእነማን አስገዳጅነት ታስቦ እንደነበር ይፋ ባያደርጉም ጉዳዩ ከዚህ ጋር ሊገናኝ እንደሚችል ይታመናል። የጎልጉልን ዘገባ እዚህ ላይ ያንብቡ።

 

 

Share and Enjoy !

Shares

Leave a Reply

Your email address will not be published. Required fields are marked *