በኮቪድ-19 ምክንያት በአሜሪካ በኢትዮጵያውያንና ኤርትራውያን ላይ የተባባሰው ጾታዊ ጥቃት

ዱንያ መኮንን ኑሮዋን በአሜሪካ ያደረገች የሕግ ባለሙያ ናት። በሕግ የመጀመሪያ ዲግሪዋን ያገኘችው ኢትዮጵያ ሲሆን በተባበሩት መንግሥታትና መንግሥታዊ ባልሆኑም ድርጅቶች ውስጥ በሰብዓዊ መብት ባለሙያነቷ አገልግላለች። በሥራ ዓለም ከተሠማራችበት ጊዜ አንስቶ ትኩረቷን በሴቶችና በሕፃናት መብት ጥሰት ዙሪያ ላይ በማድረግ ሠርታለች።

በሴቶች ላይ በሚደረጉ የመብት ጥሰቶች ላይ በኢትዮጵያም ትሠራ እንደነበር የምትናገረው ዱንያ፣ የኢትዮጵያ የሕግ ባለሙያ ሴቶች ማህበር ውስጥ የነፃ ሕግ አገልግሎት ትሰጥ ነበር።

በወቅቱ በአገሪቱ ለሴቶች መብት ጥሰት እምብዛም ትኩረት ስላልነበረና ጥቃቶቹም በብዛትና በተደጋጋሚ ያጋጥሙ ስለነበር በይመለከተኛል ስሜትና የሕግን ሚና በማስተዋል ሥራውን ለመቀላቀል መገፋፋቷን ታስረዳለች።

ዱንያ በተባበሩት መንግሥታት የሴቶች ክፍል ውስጥ በሴቶች ጥቃት ላይ አተኩራ ትሠራ በነበረበት ወቅት በደረሰችባቸው ግኝቶች ምክንያት ሥራው በይበልጥ ትኩረት እንደሚያስፈልገው ተረዳች። read the full story on BBC 

የጀርመኑ ሉፍታንዛ አየር መንገድ 22 ሺህ ሠራተኞችን ሊቀንስ መሆኑን አስታወቀ።
አየር መንገዱ በኮርና ቫይረስ ባጋጠመው ኪሳራ ምክንያት 22 ሺህ የሚሆኑ ሠራተኞችን ለመቀነስ ማሰቡ ተሰምቷል፡፡
የኮሮና ቫይረስ በአቬሽን ኢንዱስትሪ ላይ ከፍተኛ ኪሳራ እያደረሰ እንደሚገኝ የሚታወቅ ሲሆን ከወረርሽኙ ማግስት የሉፍታንዛ አየር መንገድ አንድ መቶ አውሮኘላኖችን ሊያጣ እንደሚችል ዘገባው አስታውቋል፡፡
ግማሽ የሚሆነው የሠራተኞች ቅነሳ በጀርመን እንደሇነ የገለፀው አየር መንገዱ ለዚህም ከአጋር ድርጅቶች እና ህብረት ሥራ ማህበራት ጋር ስምምነት ላይ ደርሻለሁ ብሏል፡፡
የሉፍታንዛ አየር መንገድ 135 ሺህ ሠራተኞች ያሉት ሲሆን ግማሽ የሚሆኑት ደግሞ በጀርመን የሚገኙ ናቸው፡፡
የአየር መንገዱ የሠራተኞች ዳይሬክተር ሚሼል ኒግማን የአብዛኞቹን ሠራተኞች የሥራ ቅጥር ሳናቋርጥ ሥራውን ለማስቀጠል እንሠራለን ማለታቸውን ብሉምበርግ ዘግቧል፡፡

በብራዚል በኮሮና ቫይረስ ሳቢያ ለህልፈት የተዳረጉ ሰዎች ቁጥር ከ41 ሺህ አልፏል

በብራዚል በኮሮና ቫይረስ ሳቢያ ለህልፈት የተዳረጉ ሰዎች ቁጥር በከፍተኛ ሁኔታ ጨምሯል። አሁን ላይ በሀገሪቱ በቫይረሱ ሳቢያ ለህልፈት የተዳረጉ ሰዎች ቁጥር ከብሪታንያ በመብለጥ ከ41 ሺህ አልፏል። አሃዙ ከአሜሪካ ቀጥሎ ዓለም ላይ ሁለተኛው ሆኗል።

Related stories   የአዲስ አበባ ትልቁ “የጉርሻ” ምግብ መሸጫ ተዘጋ

አሁን ላይ በሃገሪቱ በቫይረሱ ሳቢያ 828 ሺህ 810 ሰዎች ቫይረሱ ሲገኝባቸው፥ ወደ 42 ሺህ የሚጠጉ ሰዎች ደግሞ ለህልፈት ተዳርገዋል ነው የተባለው።

ይሁን እንጅ በሃገሪቱ ካለው የመመርመር አቅም ውስንነት አንጻር ቫይረሱ በሰው ህይወት ላይ ያደረሰው ጉዳት ከተነገረው ይልቅ ከፍተኛ መሆኑንም ነው ከስፍራው የሚወጡ መረጃዎች የሚያመላክቱት።

ከዚህ ባለፈም የቫይረሱ ስርጭት በቀጣዮቹ ሳምንታት “ከፍተኛ” የሚባል ደረጃ ላይ ሊደርስ ይችላል ከመባሉ ጋር ተያይዞ ቀጣዮቹ ሳምንታት ለሃገሪቱ ፈታኝ ናቸው እየተባሉ ነው።

የሃገሪቱ ፕሬዚዳንት ጃዬር ቦልሶናሮ ከቫይረሱ ይልቅ በተጣለው የእንቅስቃሴ ገደብ ምክንያት በተጎዳው ኢኮኖሚ ላይ ትኩረት ማድረጋቸው እየተነገረ ነው።

ይህ መሆኑ ደግሞ ለቫይረሱ ስርጭት “ግድ የላቸውም” በሚል ወቀሳው እና ትችቱ በርትቶባቸዋል።

—————————————————————————————————————–

በቤጂንግ ሁለተኛው ዙር የኮሮና ቫይረስ ወረርሽኝ ሊከሰት ይችላል የሚል ስጋት ነግሷል
በቻይና ዋና ከተማ ቤጂንግ ሁለተኛው ዙር የኮሮና ቫይረስ ወረርሽኝ ሊከሰት ይችላል የሚል ስጋት መንገሱ ተነገረ።  ቤጂንግ በሚገኝ የጀምላ ማከፋፈያ የገበያ ስፋራ ላይ የኮሮና ቫይረስ መገኘቱን ተከትሎ ነው ስጋቱ የነገሰው።
 
ሺንፋዲ በተሰኘው በዚህ የጀምላ ማከፋፈያ ውስጥ በስራ ላይ ለሚገኘው ከ10 ሺህ በላይ ሰዎችም የቫይረሱ ምርመራ እየተደረጋለቸው እንደሚገኝ ቢቢሲ ዘግቧል። ለቤጂንግ የሚስፈልገውን የአትክልና የስጋ ውጤት 80 በመቶው የሚያቀርበው ይህ ግዙፍ ገበያ ከቫይረሱ ጋር ስሙ ሊነሳ የቻለው በገበያ ስፍራው የሚሰሩ በደርዘን የሚቆጠሩ ሰዎች ቫይረሱ ከተገኘባቸው በኋላ ነው።
 
ባለስልጣናት በገበያው ስፍራ ለውጭ ገበያ የሚቀርብን ሳልሞን የተሰኘው የአሳ አይነት ለመቆራረጥ በሚያገለግለው ስፋራ ላይ የኮሮና ቫይረሱ መገኘቱን አስታውቀዋል። ይህንንም ተከትሎ በ100 የሚቆጠሩ የቻይና ፓሊሶች ሺንፋዲ ወደ ተባለው የገበያ ስፋር ሲያቀኑ ታይተዋል።
 በገበያው በቅርብ ርቀት የሚገኙ ትምህርት ቤቶች እና ውትራንስፖርት አገልግሎቶች መዘጋታቸው ነው የተነገረው።

Leave a Reply

Your email address will not be published. Required fields are marked *