ZAGGOLE – ዛጎል

“Our true nationality is mankind.”H.G.

በህዳሴው ግድብ ድርድር ቲክኒካል ጉዳዮች ላይ መግባባት፣ የህግ ጉዳዮች ላይ አለመግባባት እየታየ ነው

በታላቁ ህዳሴ ግድብ ላይ የተጀመረው የሶሰትዮሽ ውይይት በቴክኒካዊ ጉዳዮች ላይ መግባባት እየተፈጠረ ቢሆንም በሕግ ጉዳዮች ላይ ግን አሁንም ችግር መኖሩን ሱዳን አስታወቀች።

ሱዳን የመጀመርያ ዙር ውሀ ሙሌት ላይ ብቻ ሳይሆን ባጠቃላይ የታላቁ ህዳሴ ግድብ ድርድር ቴክኒካዊ ጉዳዪች መሻሻሎች እያታዩበት ቢሆንም ህጋዊ ጉዳዮች ገና ይቀሩታል ብላለች፡፡

በታላቁ ህዳሴ ግድብ ዙርያ የሚደረገው ድርድር በቴክኒክ ረገድ መሻሻሎች አሳይቷል ህግ ነክ ጉዳዮች ግን ገና ይቀሩታል ያሉት የሱዳን የውሀ እና መስኖ ሚኒስትር ያሰር አባስ ናቸው፡፡

Related stories   ከአዲስ አበባ ከተማ አስተዳደር የተሰጠ መግለጫ

የግድቡ ደህንነት፣ስለመጀመርያው ዙር የውሀ ሙሌት፣የረጅም ጊዜ አጠቃቀሙ፣ የመረጃ ልውውጥ ፣አካባቢያዊ ጥናት እና የቴክኒክ ትብብር ኮሚቴ ላይ የተደረገው ድርድር በጉልህ የሚታይ መሻሻል አሳይቷል፣ህግ ነክ ጉዳዮች ግን ገና ይቀራሉ ሲሉ ተናግረዋል፡፡

ለሚፈረመው ስምምነት ሀገራቱ የሚገቡት የህግ ግዴታ፣ የሚፈረመው ስምምነት አተገባበር፣ ስምምነቱ መሻሻል ካለበት የሚሻሻልበት መንገድ እየተነሱ ካሉ የህግ ጉዳዮች መካከል ናቸው፡፡

የሱዳን የውሀ እና መስኖ ሚኒስትርያሰር አባስ መግለጫ ሳምንት ከፈጀው በቪዲዮ ኮንፈረንስ ከተደረገው ስብሰባ በኋላ የተሰጠ ነው፡፡

Related stories   አውሮፓ ህብረት - ላለፉት 28 ዓመታት በኢትዮያ ተላላኪ መንግስት እንደነበር ለኢትዮጵያ ህዝብ አመነ

ዛሬ በሚኒስትሮች ደረጃ የሚደረገው ስብሰባ የሚቀጥል ሲሆን ሁሉም ሀገራት የህግ ጉዳዮችን የሚያይ የየራሳቸው ቡድን ይዘው ይገኛሉ።

በአሜሪካ፣ በተመድ እና በአለም ባንክ ታዛቢነት በሶስቱ ሀገራት መካከል በዋሽንግተን ሲደረግ የነበረው ድርድር የካቲት ከተቋረጠ በኋላ በዚህ ወር ነው በድጋሚ የተጀመረው፡፡

ኢትዮጵያ ከሱዳን ከሚያዋስናት ድንበር 25 ኪ/ሜ ርቀት ላይ የምትሰራው የታላቁ ህዳሴ ግድብ በመጪው ሀምሌና ነሐሴ ከሚዘንበው ዝናብ በመጀመርያ ዙር ሙሌት 4.9 ቢሊዮን ከዩቢክ ሜትር ውሀ አገኛለሁ ብላ አቅዳለች፡፡

Related stories   ሀገሪቷን ከጥፋት ለመከላከል ፣ ህግን ለማስከበር ፌዴራል ፖሊስ ተግባሩን ያጠናክራል

ይሄ የውሀ መጠን ደግሞ በ ፈረንጆቹ 2021 አጋማሽ ሁለት ተርባይኖችን ለመሞከር በቂ እንደሆነ አናዶሉ ዘግቧል፡፡

ኢትዮ ኤፍ ኤም እንደዘገበው