ZAGGOLE – ዛጎል

“Our true nationality is mankind.”H.G.

ሰበር ዜና – ኢትዮ – 360 መሰንጠቁ ይፋ ሊሆን ነው!! ዘወትር ጥላቻ መስበክ አያስኬድም የሚሉ እየለቀቁ ነው

ኢትዮ 360 የሚሰኘው የዩቲዩብ ቻናል በውስጡ በየተነሱ የሃሳብ ልዩነቶች ሳቢያ በመሰንጠቅ ማግስት ላይ መሆኑን ተሰማ። ልዩነቱ ” ጥላቻን እየሰበክን መጓዙ አያዋጣም” በሚል የተነሳው የሃሳብ ልዩነት ተካሮ አደባባይ ሊወጣ መሆኑም ታውቋል።

ከኢትዮ 360 ባልደረቦች መካከል አንዱ የሆነው ለኢትዮ ጎልጉል እንዳስታወቀው ልዩነቱ ከለት እለት ተካሯል። ” አንድ ሰው ላይ የሚያጠነጥን ጥላቻ እየሰበክን መቀጠል አንችልም፤ ዘወትር ሁሉንም ጉዳይ በመቃወም የትም መድረስ አንችልም” የሚሉ ወገኖች ሚዲያው አሰራሩንና መልኩን እንዲቀይር በግልም በህብርትም ጠይቀዋል።

Related stories   ኢትዮጵያና የዓለም ባንክ የ200 ሚሊዮን ዶላር የብድር ስምምነት ተፈራረሙ

ለጊዜው ማን ምን አለ የሚለውን ጉዳይ ማንሳት ያልፈለገው የመረጃው ምንጭ ከቦርድና ከቴክኒክ ሰራተኞች በድምሩ ስድስት ሰዎች  360ን እንደተለዩ አስታውቋል።

ቀደም ሲል የቀድሞው የአቶ በረከት ስሞኦን ምክትል የነበረው ኤርሚያስ ለገሰ የመሰንጠቁ አካሄድ ስለገባው ምንአላቸው ስማቸውን  በመያዝ ንግድ ላይ ያተኮረ መረብ ለመጀመር ሃሳብ ማቅረቡ ሌሎች ዘንድ መሰማቱ ጉዳዩን ይባስ እንዳጋለው ታውቋል። አሁን ላይ ልዩነቱ ሲባባስ አቶ ኤርሚያስ ከቀድሞው የኢህአዴግ የወጣቶች ሊግ ሰብሳቢ ሃብታሙ አያሌው ጋር ሚዲያውን ለማስቀጠል እየተጋ መሆኑን ምንጩ ይፋ አድርጓል።

Related stories   “አቡነ ማቲያስ የሰጡት መግለጫ የግላቸው እንጂ የቅዱስ ሲኖዶስ ወይም የቋሚ ሲኖዶስ ውሳኔ አይደለም”

360 በማንና ለምን እንደሚደጎምና አጠቃላይ የሃይል አሰላለፉ ምን እንደሚመስል የኸው ምንጭ በጽሁፍ ለሕዝብ ይፋ እንደሚያደርግና በአገር ውስጥም ሆነ በውጪ አገር ሚዲያዎች ይፋ እንደሚያደርግ አስታውቋል።

የአሜሪካ የኢትዮ ጎልጉል ዝግጅት ተባባሪ  360ን ለማነጋገር ሞክሮ እንዳልተሳካለት መጨረሻ ላይ አስታውቋል። እንደተሳካ እናካትታለን