ኢትዮጵያ ንብረቷ በሆነው የአባይ ወንዝ ላይ የጀመረችውን ግድብ አስመልክቶ መንግስት ላይ ሲወራ የነበረው ሃሜትና ማጠልሸት መምከኑ ተሰማ። ግድቡ የውሃ ሙሌት ለማስጀመር የሚያስፈልገውን ስራ አጠናቆ ውሃ መያዝ መጀመሩ ተረጋገጠ። ይህንኑ አስመልክቶ የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ሙሌት መጀመሩን አስመልክቶ እማኝ ሆነዋል።

ዛሬ ማምሻውን የቪኦኤ ሰለሞን አባተ ” የውሃ ሙሌት መጀመሩን የሚያሳይ የሳተላይት ምስል አይቻለሁ” ሲል ነበር ጥያቄውን ያቀርበው። ዲና ሙፍቲ በቀጥታ አልመለሱም። ይሁን እንጂ ግድብ ለመሙላት የሚያስችለው ቅድመ ግንባታ ከተጠናቀቀ ያለምንም ቅድመ ሁኔታ ውሃ መያዝ እንደሚጀመር ለማንም ግልጽ መሆኑንን አስታውሰው፣ ጠቅላይ ሚኒስትር አብይ ከቀናት በፊት ለፓርላማ ገድቡ ሰላሳ ሜትር ተጨማሪ ከፍታ እንዲኖረው ተደርጎ ግንባታው መጠናቀቁን መናገራቸው የውሃው ሙሌት መጀመሩን የሚያበስር መሆኑንን በገደማዳሜ ጠቁመዋል።

በድጋሚ የሳተላይት ምስሎች ይህንኑ ማሳበቃቸውን ተከትሎ ማረጋገጫ እንዲሰጡ ለተጠየቁት ” ምስሉን አላየሁትም። እንደዛ ብለህ ውሰደው” ሲሉ ምላሽ ሰጥተዋል። አያይዘውም በአፍሪካ ህብረት ታዛቢነት በቴክኒካል ጉዳዮች ላይ ድርድ እየተደረገ መሆኑንን አመልክተው ድርድሩም በመጪዎቹ ሁለት ሳምንታት እንደሚጠናቀቅ ግልጽ አድርገዋል። አስቀድሞ ስለ ድርድሩ ውጤት መተንበይ እንደማይቻልም ገልጸዋል።

“አብይ አህመድ ግድቡን ሸጡት” በሚል ሲያጠለሿቸው የነበሩ ወገኖች እንደሚሉት ሳይሆን፣ በግድቡ ላይ የነበረው መዝረክረክና የግንባታ ስህተት ላይ ሙያዊ ምርመራ በማካሄድ ማስተካከያ መደረጉ ለውጤት እንደሚያበቃ በተደጋጋሚ የተናገሩት ጠቅላይ ሚኒስትር አብይ ባሉበት ወቅት ጫናውን ሁሉ ተሸክመው ግድቡ ውሃ እንዲሞላ ማድሰደረጋቸው አድናቆትን የሚያስቸራቸው ሆኗል።

በቢሊዮን ብር ኪሳራ የደረሰበት፣ ሳይሰራ ተሰርቷል እየተባለ ሲነገድበት የነበረው የህዳሴው ግድብ ከሰባራው አካሄዱ ተቀንቶ ወደ ተግባር ሲሸጋገር ግብጽ ያለ የሌለ ሃይሏን በማስተባበር ዘመቻዋን በአገር ውስጥ ባንዳዎች አማካይነት በከፈተችበት ወቅት ግድቡ ተግባሩን ለማከናወን መብቃቱ ለኢትዮጵያዊያን ታላቅ ድል ነው። መንግስት በይፋ የግድቡን ሙሌት በይፋ መጀመር እንደሚያበስር ይጠበቃል።

ድርድሩ ወደ አፍሪካ ህብረት መመለሱ ለኢትዮጵያ ታላቅ የዲፕሎማሲ ድል መሆኑንን ጠቅሰን መዘገባችን ይታወሳል።

Related stories   የጠቅላይ ሚኒስትሩ የአፍ ወለምታ በቅቤ አይታሽም

Leave a Reply

Your email address will not be published. Required fields are marked *