ሁለት የህወሃት የአዲስ አበባ ድርጅታዊ አመራሮች መያዛቸውን በትግራይ የቤት ለቤት አደረጃጀት ህወሃትን እየተፋለምኩ ነው የሚለው ፈንቅል ይፋ አደረገ። ሁለቱ ከፍተኛ የፖለቲካ አመራሮች አቶ ተስፋ አለም ህደጎና አቶ ተወልደ ገብረጻድቅ መሆናቸውን ድርጅቱ በቪዲዮና በኦዲዮ ባሰራጨው መልዕክት ነው። ከአፍታ በሁዋላ ህወሃት ከፍተኛ አባሎቹ መታሰራቸውን በይፋ አስታውቋል። ሃጫሉን ተኩሶ የገደለውና ተባባሪው ሲያዙ  ተሸሽጎ የቆየው ተጠርጣሪ ማምሻውን መያዙ ታውቋል። ከግድያው ጋር በተያያዘ እስካሁን 14 ሰዎች ተይዘዋል።

ሁለቱ የህወሃት በስም የተጠቀሱት አመራሮች የተያዙት ከሃጫሉ ሁንዴ ግድያ ጋር በተያያዘ መሆኑን ታውቋል። ህወሃትም አባሎቼ የት እንደታሰሩ አላውቅም ሲል አቤቱታ ማሰማቱን ተመክቷል። ይህ ዜና ከመሰማቱ በፊት የሃጫሉ ገዳዮች መያዛቸው ሲነገር ወጀለኞቹ ለፖሊስ በሰጡት የእምነት ቃል ኦነግ ሸኔ እንዳሰማራቸውና መመሪያ ሲቀበሉ እነሱን በኦሮሚኛ እርስ በራሳቸው በትግርኛ የሚነጋገሩ ሰዎች እንደነበሩ መግለጻቸው ይፋ ሆኖ ነበር።

በተመሳሳይ ዜና የሃጫሉ ገዳዮች ሲያዙ ተሰውሮ የነበረው ከበደ ገመቹ  በቁጥጥር ስር ይውል ዘንድ ህዝብ የተለመደ ትብብሩን እንዲያሳይ አቃቤ ህጓ አዳነች አቤቤ ጥያቄ ባቀረቡ ሰዓታት ጊዜ ፖሊስ ተጠርጣሪውን እጁ እንዳስገባው ታውቋል።

ብጥብጥና ግጭቶች የተጠረጠሩ ከ4 ሺህ 700 በላይ ሰዎች በቁጥጥር ስር ውለው ጉዳያቸው እየተጣራ እንደሚገኝ የጠቅላይ ሚኒስቴር ጽህፈት ቤት ፕሬስ ሴክረታሪያት ሃላፊ አቶ ንጉሱ ጥላሁን ገለጹ።
በቁጥጥር ስር ውለው ጉዳያቸው እየተጣራ ያሉት ግለሰቦች በአርቲስት ሃጫሉ ሁንዴሳ ግድያና ተከትለው በተከሰቱ ብጥብጥና ግጭቶች እጃቸው አለበት ተብለው የተጠረጠሩ መሆናቸውንም አስታውቀዋል። እነዚህ አካላት ብጥብጥ ከመፍጠር እቅድ ጀምሮ በተለያየ ደረጃ የተሳተፉ ለበርካታ ህይወት ማለፍና ንብረት ውድመት ተጠያቂ የሆኑ ናቸውም ብለዋል።
ይህንን ጥፋት በማያዳግም መልኩ ለመፍታት መንግስት ቁርጠኛ ሆኖ እየሰራ እንደሚገኝ ነው አቶ ንጉሱ ጥላሁን ያስታወቁት። ለዚህ ሴራ መነሻ የሆነው ቡድን አሁንም በሃሰተኛ መረጃ ሽብር በመንዛት ላይ በመሆኑ ህብረተሰቡም ጥንቃቄ እንዲያደርግም አሳስበዋል። እንዲሁም ህገ ወጦችን ለመከላከል ከመንግስት ጋር የጀመረውን ትብብር አጠናክሮ በመቀጠል ተሳትፎውን እንዲያድግ ጥሪ አቅርበዋል።
Related stories   ፍርድ ቤቱ በአቶ ልደቱ ላይ ክስ እስከሚመሰርት መርማሪ ፖሊስ እንዲሰጠው የጠየቀውን ተጨማሪ ጊዜ ውድቅ አደረገ

Leave a Reply

Your email address will not be published. Required fields are marked *