ZAGGOLE – ዛጎል

“Our true nationality is mankind.”H.G.

በሀረማያ ከተማ ህገ ወጥ የሞባይል ሲም ካርዶችና መድሃኒቶች ተያዙ

NtJDO

በምስራቅ ሀረርጌ ዞን ሐረማያ ከተማ በአንድ ግለሰብ መኖሪያ ቤት ውስጥ ከ5 ሺህ በላይ ህገ ወጥ የሞባይል ሲም ካርድ ፣ መድሃኒትና ሌሎች ቁሳቁሶች መያዙን የዞኑ ፖሊስ መምሪያ ገለፀ ።

የዞኑ ፖሊስ መምሪያ የኮሙኒኬሽን ዲቪዥን ተጠባባቂ ኃላፊ ኢንስፔክተር ቶሎሳ ጎሹ ለኢዜአ እንደገለፁት ህገ ወጥ ቁሳቁሶቹ ሐምሌ 12 ቀን 2012 ዓም የተያዙት በሐረማያ ከተማ 02 ቀበሌ በተለምዶ ፍልስጤም ተብሎ በሚጠራው ሰፈር ነው ።

Related stories   በአቡነ ማቲያስ መልዕክት ሳቢያ - ሲኖዶስ በመቆጣቱ አስቸኳይ ስብሰባ ተደርጎ የተግሳጽና የማስተካከያ መግለጫ ሊሰጥ ነው

ፖሊስ ከህብረተሰቡ በደረሰው ጥቆማ መሰረት ባደረገው የተቀናጀ ብርበራ ከአንድ ተከራይ ግለሰብ መኖሪያ ቤት  ከ5 ሺህ በላይ የተከፈተና ያልተከፈተ የሞባይል ሲም ካርድ ተይዟል ።

እንዲሁም የተለያዩ ህገ ወጥ መድሃኒቶች ፣ ላፕቶፖች ፣ ዲጂታል ካሜራዎች ፣ ቤንዚን የመሳሰሉ ቁሳቁሶች በብርበራው ወቅት ተይዟል ።

ተጠርጣሪው ተከራይና የቤት አከራዮቹ ለጊዜው መሰወራቸውን ኢንስፔክተሩ ገልፀው፤ ፖሊስ በቁጥጥር ስር ለማዋል ክትትል እያደረገ መሆኑን ተናግረዋል።

Related stories   "በፕሮፓጋንዳ እስካሁን የተወናበድኩት ይበቃኛል ብሎ ቆም ብሎ ማሰብም ይገባል ... ወጣቱን ያለ እድሜው ህይወቱን ይቀጩታል"ሌ.ጀ ዮሐንስ

ከአንድ ወር በፊትም ተመሳሳይ ቁጥር ያለው ህገ ወጥ የሞባይል ሲም ካርድ በዞኑ ባቢሌ ከተማ ከአንድ ግለሰብ ቤት መያዙን ገልፀው፤ ግለሰቡ በቁጥጥር ስር ውሎ ጉዳዩ በፍርድ ሒደት ላይ እንደሚገኝ አስረድተዋል ።

በኢትዮ ቴሌኮም የማእከላዊ ምስራቅ ሪጅን ኦፕሬሽናል ዳይሬክተር አቶ መሀመድ ሰይድ እንደገለፁት ድርጊቱ በአገር ፣ በህዝብና በድርጅቱ ላይ ጉዳትና ኪሳራ የሚያስከትል ተግባር በመሆኑ ህገ ወጥ የሲም ካርድ ዝውውር ወንጀልን ለመቆጣጠር ከፖሊስና ከህብረተሰቡ ጋር ተባብረው እየሰሩ መሆናቸውን ተናግረዋል ።

Related stories   ኢትዮጵያና የዓለም ባንክ የ200 ሚሊዮን ዶላር የብድር ስምምነት ተፈራረሙ

በሀረማያ ከተማ የተያዘው ህገ ወጥ ሲም ካርድ ከየትኛው የሽያጭ ማእከል እንደወጣ ማወቅ ስለሚቻል አስፈላጊውን መረጃ በማጣራት ለፖሊስ እንዲደርስ እናደርጋለን ብለዋል ።

(ኢዜአ)