በሁለት ወር ውስጥ የአዲስ አበባ ከተማን አገልግሎት አሰጣጥ ለማሻሻል እና ከተማዋን ከፀጥታ ስጋት ነጻ ለማድረግ አቅጣጫ ተቀመጠ
የጽንፈኛ ሃይሎች አዲስ አበባን ደም በደም እናደርጋለን፣ አዲስ አበባ ጀምረን አዲስ አበባ እንጨርሳለን በማለት የሞከሩት ቀውስ ጥፋት ቢያደርስም በቁጥጥር ስር መዋሉን በማመልከት አዲስ የጸጥታና የሰላም እቅድ ለአዲስ አበባ ነዋሪዎች ይፋ መዘጋጀቱን የአዲስ አበባ ብልጽግና ፓርቲ ቅርንጫፍ ጽህፈት ቤት አስታወቀ።
የጽህፈት ቤቱ ሃላፊ አቶ ተስፋዬ ቤልጂጌ እቅዱ ምን እንደሆነ ባያብራሩሩም እቅዱ የህበረተሰቡን የጸጥታ ስጋት ለአንዴና ለመጨረሻ ጊዜ የሚቀርፍ መሆኑንን ነው ያመለከቱት። ህዝቡ በከፍተኛ ደረጃ ሲጠይቀው የነበረው ይኸው የጸጥታ ችግርና ስጋት ቢቆይም መልስ ማግኘቱ በአዎንታዊ ጎኑ ተነስቷል።
https://www.youtube.com/watch?v=GkvaXQCx2dw
በግል ጥቅም የተለከፉ፣ በመሬት ወረራና ሕገወጥ ንግድ ላይ የተሰማሩ ላይ ፓርቲው የፖለቲካ እርምጃ መውሰዱን፣ ከዛም ባለፈ በህግ የተቀጡ እንዳሉ ያመለከቱት አቶ ተስፋዬ አዲስ አበባን ከማንኛውም ሁከትና የጸጥታ ስጋት በሁለት ወር ጊዜ ውስጥ ነጻ ለማድረግ የወጣው ህግ ሰፊ የማህበረሰብ ተሳትፎ እነድሚጠይቅና ሕዝቡ የተለመደውን ድጋፍ ሊያደርግለት እንደሚገባም ነው ያሳሰቡት።
ከለውጡ በሁዋላ ቢሮ መኮፈስና ከህዝብ ተነጥሎ መዋል መቅረቱን፣ መዋቅሩ ከህዝብ ጋር ተቀራርቦ መስራት መጀመሩን እንደ አንድ ስኬት አቶ ተስፋዬ ጠቅሰዋል።
ፓርቲው ሰሞኑን ሲያካሄድ የነበረውን የአዲስ አበባ ከተማ አመራሮች ኮንፍረንስን ማጠናቀቁን ተከትሎ በሰጠው መግለጫ የጽህፈት ቤቱ ሃላፊ አቶ ተስፋዬ ቤልጂጌ በሁሉም ስራዎች የህብረተሰቡን ተሳትፎ ለማሳደግና ለማረጋገጥ እንደሚሰራም አስታውቀዋል።
አጭር በሚባል የፓርቲው እድሜ በአመራሩ በኩል ጠንካራ የሚባሉ የዓላማ አንድነቶችን መፍጠር መቻሉን ያመለከቱት አቶ ተስፋዬ የአገልግሎት አሰጣጥ ውስንነቶች፤ በከተማዋ ውስጥ የሚስተዋለው የፀጥታ ስጋት እና የኑሮ ውድነት በድክመት መታየቱን አመልክተዋል። ይህም አሁን ለተዘጋጀው እቅድ መነሻ መሆንኑን አመልክተዋል።
ህብረተሰቡ ጊዜ እና ገንዘብ በሚበሉ አሰራሮች እየተማረረ በመሆኑ ፤ ከአድሎ የጸዳ አገለግሎት ለመስጠት በአጭር እና በረጀም ጊዜ የሚፈቱ ችግሮች ተለይተዋል ተብሏል።
ህብረተሰቡ ዛሬ ላይ በከተማዋ ውስጥ እየተፈፀሙ ባሉ ህገወጥ ተግባራት ከፍተኛ የጸጥታ ስጋተ ውስጥ መግባቱን የጽህፈት ቤቱ ሀላፊ ገልፀዋል፤
ሁሉም ህገወጥ ተግባራት በህብረተሰቡ ጠንካራ ተሳትፎ የከፋ አደጋ ሳይደርስ መቆጣጠር መቻሉንም ገልጸዋል።
ከዚህ በኋላም ፓርቲው መሰል ስጋቶችን ለመፍጠር የሚደረጉ እንቀስቃሴዎች ፈጽሞ አንደማይታገስ አመልክተዋል።  የተለመደውን የህብረተሰቡ ተሳትፎ እንዲቀጥል ጠቀይቀዋል።
የአረንጓዴ አሻራ ልማትን እና ለታላቁ የኢትዮጵያ ህዳሴ ግድብ የሚደረገው ድጋፍ ተጠናክሮ እንዲቀጥል ማድረግ እንዲሁም የኮሮና ቫይረስ ስርጭትን ለመቀነስ የሚሰሩ ስራዎችም በሁለት ወሩ የአጭር ግዜ ግብ ትኩረት የተሰጣቸው ናቸው።
ፓርቲው የጊዜ ገደብ ባያስቀምጥለትም ትኩረት ከሚሰጣቸው ጉዳዮች መካከል የኑሮ ወድነተን መቀነስ ፤ የስራ እድል ፈጠራ፣ ህገ ወጥ ንግድ እና ያልተገባ የዋጋ ጭማሪን መቆጣጠር መሆኑንንም አስታውቀዋል።
ዜናው ከፋናና ኢቲቪ የተጠናከረ ነው
Related stories   ደኢህዴ ስብሰባውን ቋጨ - የኢትዮጵያን አንድነት አጠናክሮ በማሰቀጠል ረገድ ያለ ልዩነት አቋም ያዘ፣ ህግና ስርዓት ለማስከበር ቁርጥ አቋም ያዘ

Leave a Reply

Your email address will not be published. Required fields are marked *