በኢትዮጵያ ኮቪድ 19 የፖለቲካ መጠቀሚያ ነው እያሉ ሲያቃልሉ የነበሩ ዛሬ ምን ሊሉ ነው? በያዝነው ሳምንትና ባለፈው ሳምንት የተጠቂዎች ቁጥር እያሻቀበ ነው። ሁሉንም ክልሎች አዳርሶ ግዛቱን ማስፋቱ እስካሁን ያላሳሰባቸው ወገኖች አሉ። ዛሬም ድረስ ፖለቲካ እያደረጉት ያሉ አሉ። የጤና ሚንስትሯ ዶክተር ሊያ ግን ህዝብ በተቻለው ሁሉ የአቅሙን ጥንቃቄ እንዲያደርግ እየተማጸኑ ነው።
የዘወትር ምሳሌ የምትሆነው ጣሊያን ኮቪድ ቸልተኛ ዜጎቿን እያሳሰቀ ነው እንዳይነሱ አድርጎ በሃዘን የመታቸው። በጣሊያን የኮቪድ 19 ተጠቂዎች ቁጥር ማሻቀብ ከጀመረ በሁዋላ ላይመለስ እዛው ተሰቅሎ ጨፈጨፋቸው። ብራዚል እየሆነ ያለው የሚያሳዝንና ለማመን የሚያስቸግር ነው። ዛሬ ብራዚል ክፍት የስራ ቦታ መቃብር መቆፈር ብቻ ነው ማለት ይቻላል።
አቅም ያላቸውን አገሮች ያንደፋደፈው የኮቪድ 19 ወረርሽን የዛሬ ሪፖርት እንደሚያሳየው
በሃያ አራት ሰዓት ውስጥ 805 ሰዎች የኮሮና ቫይረስ ሲገኝባቸው፤ የ10 ሰዎች ሕይወት ማለፉን ነው። በአጠቃላይ በኢትዮጵያ ቫይረሱ በምርመራ የተገኘባቸው ሰዎች ቁጥር 16 ሺህ 615 መድረሱንም የጤና ሚኒስትር ዶክተር ሊያ ታደሰ ባወጡት መረጃ አመላክተዋል።
ከዚህ ባለፈ የ10 ሰዎች ህይወት በቫይረሱ ምክንያት ያለፈ ሲሆን፥ በአጠቃላይ በኢትዮጵያ በቫይረሱ ምክንያት ህይወታቸው ያለፈ ሰዎች ቁጥር 263 መድረሱንም አመላክተዋል።
በሌላ መልኩ በትናንትናው እለት 78 ሰዎች ከኮሮና ቫይረስ ያገገሙ ሲሆን፥ በአጠቃላይ ከበሽታው ያገገሙ ሰዎች ቁጥር 6 ሺህ 673 መድረሱም ተገልጿል።
ከቫይረሱ ጋር በተያያዘ እስካሁን 413 ሺህ 397 ሰዎች ምርመራ የተደረገ ሲሆን፥ በአጠቃላይ በኢትዮጵያ ቫይረሱ በምርመራ የተገኘባቸው ሰዎች ቁጥር 16 ሺህ 615 ደርሷል።
አሁን ላይ ቫይረሱ ያለባቸው ሰዎች ቁጥር 9 ሺህ 587 ሲሆን፥ ከእነዚህም ውስጥ 134 ሰዎች በጽኑ የታመሙ መሆናቸውንም የጤና ሚኒስቴር መረጃ ያመለክታል።
እስካሁን በኢትዮጵያ 6 ሺህ 763 ሰዎች ከቫይረሱ ሲያገገሙ፤ የ263 ሰዎች ህይወት አልፏል፤ 2 ሰዎች ወደ ሀገራቸው መመለሳቸው ይታወሳል።

በዓለም የተረጋገጠ የተጠቂዎች ቁጥር 17,039,160; የሞቱ: 667,218; አተቃላይ ያገገሙ  9,964,678 መሆናቸውን መረጃዎች ያሳያሉ። ቁጥሩ በየደቂቃው ልዩነት እንደሚያሳይ የሚታወቅ ነው።

Related stories   ማህበራዊ መገናኛዎች ስለቡራዩ እና አካባቢው ጥቃት

በከፋ ሁኔታ የተጠቃችው የአሜሪካ አጠቃላይ  4,339,997    አዲስ የተጠቁ 59, 862 መሆናቸውን መረጃዎች ያሳያሉ። የሟቾች ቁጥር በአጠቃላይ 148,866  የደረሰ ሲሆን አዲስ የተመዘገቡ ሟቾች ደግሞ 1,194 ያህል ናቸው።

የትናንት የጁላይ 29 ሪፖርት

Leave a Reply

Your email address will not be published. Required fields are marked *