ZAGGOLE – ዛጎል

“Our true nationality is mankind.”H.G.

ኢትዮ ቴሌኮም 318 ነጥብ 4 ሚሊየን ዶላር እዳ ከፈለ፤ 47.7 ቢሊዮን

ኢትዮ ቴሌኮም በ2012 በጀት ዓመት 47 ነጥብ 7 ቢሊዮን ብር ገቢ ማግኘቱን አስታወቀ። የድርጅቱ ዋና ስራ አስፈጻሚ ወይዘሪት ፍሬህይወት ታምሩ ዛሬ በተቋሙ የ2012 በጀት ዓመት አፈጻጸም ዙሪያ በሰጡት መግለጫ ድርጅቱ 47 ነጥብ 7 ቢሊዮን ብር አጠቃላይ ገቢ አግኝተናል ብለዋል።

ከትርፉ ላይም 11 ነጥብ 3 ቢሊየን ብር ግብር ከፍያለሁ ያለው ኢትዮ ቴሌኮም 318 ነጥብ 4 ሚሊየን ዶላር እዳንም ከፍያለሁ ብሏል። የውጪ ምንዛሬ ከሚያስገኙ አገልግሎቶች ደግሞ 147 ነጥብ 7 ሚሊየን ዶላር ገቢም መገኘቱ ተገልጿል።

Related stories   ኢትዮጵያና የዓለም ባንክ የ200 ሚሊዮን ዶላር የብድር ስምምነት ተፈራረሙ

እንደ ወ/ት ፍሬህይወት የተገኘው ትርፍ ከአምናው ተመሳሳይ ወቅት ጋር ሲነጻጸር የ31 ነጥብ 4 መቶ ብልጫ አለው ። በአጠቃላይ የኢትዮ ቴሌኮም ደንበኞች ቁጥር 46.2 ሚሊዮን ደርሷልም ብለዋል።

የሞባይል ድምፅ ደንበኞች ብዛት 44.5 ሚሊዮን፣ የዳታ እና የኢንተርኔት ተጠቃሚ 23.8 ሚሊዮን፣ የብሮድባንድ ደንበኞች ብዛት 212.2 ሺ እንዲሁም የመደበኛ ስልክ 980 ሺ ደንበኞች አሉትም ተብሏል።

Related stories   ምርጫውን ለማደናቀፍ ያሴሩ አካላት ህልማቸው አይሳካም – አቶ ገዱ አንዳርጋቸው

ለማህበራዊ ሀላፊነት 1 ነጥብ 15 ቢሊየን ብር ወጪ ያደረገው ኢትዮ ቴሌኮም ከዚህ ውስጥ 792 ሚሊየን ይህሉን ብር ለኮቪድ19 ወረርሽኝ መከላከያ በዓይነት እንዲሁም በገንዘብ የተደረግ ድጋፍ ነው።

ኢትዮ ቴሌኮም 36 ሺ ቋሚ እና ጊዜአዊ ሰራተኞች ያሉት ሲሆን ምርትና አገልግሎት ለደንበኞች የሚያደርሱ ደግሞ 249 ሺህ አከፋፋዮች እና 624 አጋሮችም አሉኝ ብሏል።

ፎቶ ካፒታል ጋዜጣ

Related stories   በህገ ወጥ መንገድ ሲዘዋወር የነበረ 110 ሺህ ዶላር ተያዘ