ጉባ ወረዳ በንጹኃን ዜጎች ላይ ጥቃት የፈጸሙ ወንጀለኞችን በሕግ ቁጥጥር ሥር የማዋል ሥራ ተጠናክሮ መቀጠሉን የቤኒሻንጉል ጉምዝ ክልል መንግሥት አስታወቀ፡፡
በቤኒሻንጉል ጉሙዝ ክልል በመተከል ዞን ጉባ ወረዳ ጃዲያ ቀበሌ ሐምሌ 20/2012 ዓ.ም በተፈተጸመ ጥቃት የበርካታ ንጹኃን ሕይወት አልፏል፤ የቆሰሉ መኖራቸውን መዘገባችንም ይታወሳል፡፡ ይህንን ተከትሎም በስጋት ቀጣናዎች ፀረ-ሽምቅና መከላከያ ሠራዊት የሚያደርጉት “ኦፕሬሽን” ተጠናክሮ መቀጠሉንም የክልሉ መንግሥት አስታውቋል፡፡
ችግሩ ከተፈጠረ ጊዜ ጀምሮ ከፌዴራል እና ከክልል የምርመራ ቡድን ተቋቁሞ ወንጀሎኞችን ለመያዝ እየተሠራ መሆኑን የክልሉ ሠላም ግንባታ እና ፀጥታ ቢሮ አስታውቋል፡፡ የቢሮው ምክትል ኃላፊ አብዱላዚም መሀመድ እንዳሉት በወንጀሉ የተሳተፉ ሰዎች በቁጥጥር ሥራ እየዋሉ ነው፡፡ እጃቸውን ለፀጥታ ኃይል ለመስጠት ፈቃደኛ ባልሆኑት ላይ ደግሞ የመደምሰስ ርምጃ መወሰዱንም ምክትል ኃላፊው ተናግረዋል፡፡
ያልተያዙ ወንጀለኞች መኖራቸውን ያመላከቱት ምክትል ቢሮ ኃላፊው በቀጥታም ሆነ በተዘዋዋሪ በወንጀሉ የተሳተፉ ወንጀለኞችን በሕግ ቁጥጥር ሥር የማዋል ሥራው ተጠናክሮ እንደሚቀጥል አስታውቀዋል፡፡ ወንጀለኞች በቁጥጥር ሥር ሳይውሉ ወደሌላ ሥራ መሠማራት እንደማይቻል የክልሉ መንግሥት አቋም ወስዶ እየሠራ መሆኑንም ተናግረዋል፡፡ በመሆኑም የወንጀሉ ተሳታፊዎች አሉ በተባለበት ቦታ ስምሪት ተሰጥቶ እየተሠራ መሆኑን አስታውቀዋል፡፡
በክልሉ አንጻራዊ ሠላም ቢኖርም ማኅበረሰቡ ዘንድ የፀጥታ ስጋት መኖሩን አንስተዋል፡፡ መንግሥት በማኅበረሰቡ ዘንድ ያለውን የፀጥታ ስጋት ለማስወገድ እና ተረጋግተው ሥራቸውን እንዲሠሩ በትኩረት እየሠራ መሆኑንም ነው ያስታወቁት፡፡ የሕግ የበላይነትን የማስከበር ሥራው ተጠናክሮ እንደሚቀጥልም ተናግረዋል፡፡
ዘጋቢ፦ ደጀኔ በቀለ
ፎቶ፦ ከቤኔሻንጉል ጉሙዝ ክልል መንግሥት የኮሙዩኒኬሽን ጉዳዮች ጽሕፈት ቤት
Related stories   " መንግስት" አሰረ - ኢህአዴግ ማረ፤ኦሮሚያና አማራ ክልል የሚፈቱ እስረኞችን እየለዩ ነው፤ ሰላማዊ ትግል አሸናፈ!

Leave a Reply

Your email address will not be published. Required fields are marked *