የአቶ ሽመልስ ንግግር በብልጽግና ስራ አስፈሳሚ በጥለቀት እንዲገመገምና እርምት እንዲወሰድበት ከስምምነት ተደረሰ። ይህ የተገለጸው የአማራ ክልል ብልጽግና ፓርቲ ለሁለት ተከታታይ ቀናት ያደረገውን ስብሰባ ሲያጠናቅቅ ነው። ጠቅላይ ሚኒስትር አብይ በስብሰባው መጨረሻ ላይ የተገኙት ችግር ተፈጥሮ ሳይሆን አስቀድሞ በተያዘ እቅድ መሰረት ነው ተብሏል።
የአማራን ሕዝብ ከሌሎች ሕዝቦች ጋር ለማጋጨትና ለመነጠል የሚደረገውን ጥረት ከሕዝቡ ጋር በመሆን ለማክሸፍ የሚያደርገውን ጥረት አጠናክሮ እንደሚቀጥል የአማራ ብልጽግና ፓርቲ አስታውቋል።
ፓርቲው ለሁለት ቀናት ሲያካሂድ የነበረውን ውይይት በማስመልከት ዛሬ ማምሻውን መግለጫ ሰጥቷል። የአማራ ብልጽግና ፓርቲ ጽሕፈት ቤት ኃላፊው አቶ አገኘሁ ተሻገር እንዳሉት ፓርቲው ያለፈውን የሁለት ዓመት ተኩል የለውጥ ጉዞና ፈተናዎችን በዝርዝር ገምግሟል። በትልቅ ተወያይቷል።
በክልሉና በሐገሪቱ የህግ የበላይነትን ለማስከበር የተከናወነው ተግባር፣ ወቅታዊ የኮሮና ቫይረስ ወረርሽኝን ለመከላከልና ለመቆጣጠር የተደረገው ጥረት፣ የብልጽግና ፓርቲ ድርጅታዊና ፖለቲካዊ ስራዎች፣ የክረምት የግብርና ሥራዎች፣ ባለፈው ሰኔ 22 ቀን በአርቲስት ሐጫሉ ሁንዴሳ ላይ የተፈጸመውን ግድያ ተከትሎ በኦሮሚያ ክልል በብሔርና ሐይማኖት ላይ ያነጣጠረውን ጥቃትና ማፈናቀልን በጥልቀት በመገምገም የማስተካከያ እርምጃዎች እንዲወሰዱ አቅጣጫ መቀመጡን አቶ አገኘሁ ተናግረዋል።
ክልሉን ከግጭት ስጋት ለማስወጣት በሕዝብና በመንግስት የተከናወነው ተግባር አበረታች እንደሆነና አጠናክሮ ማስቀጠል እንደሚገባ አቅጣጫ መቀመጡን አንስተዋል።
ከአርቲስት ሐጫሉ ግድያ ማግስት በኦሮሚያ ክልል የተቀሰቀሰው አመጽና በብሔርና በሐይማኖት ላይ ያነጣጠረ ጥቃት ብዙዎችን ለህልፈት ዳርጓል፤ ንብረት አውድሟል፤ በርካቶችን አፈናቅሏል ያሉት አቶ አገኘሁ ድርጊቱ የሚወገዝ እንደሆነ በመድረኩ ተገምግሟል ብለዋል። ለእኩይ ተግባሩም ትህነግና ኦነግ ሸኔ በመናበብ ድጋፍ እንዳደረጉ መገምገሙን ገልጸዋል።
የኦሮሚያ ክልል መንግስት ህገ ወጥ ድርጊቱ ያስከተለው ጉዳት እንዳይባባስ ከፌደራል መንግስት ጋር በመሆን ያደረገው ጥረት እውቅና እንደተሰጠው በመግለጽም በቀጣይም አጥፊዎች ወደ ህግ እንዲቀርቡና አስፈላጊው እርምጃ እንዲወሰድባቸው በቁርጠኝነት መስራት እንዳለብን ተግባብተናል ነው ያሉት በመግለጫቸው።
የኦሮሚያ ክልል ምክትል ርእሰ መስተዳድር አቶ ሽመልስ አብዲሳ ስለ ብልጽግና ፓርቲ የተናገሩትና ከሰሞኑ በማኅበራዊ ሚዲያ የተለቀቀው ሐሳብ የተሳሳተና የፓርቲውን አቋም የማይገልጽ የግለሰብ አቋም ስለመሆኑ በመድረኩ መገምገሙንም አስታውቀዋል። ያነሱት ሐሳብም የብልጽግና ፓርቲ ሥራ አስፈጻሚ ኮሚቴ በጥልቀት ተገምግሞ የእርምት እርምጃ እንዲወሰድ አቅጣጫ ተቀምጧል ነው ያሉት አቶ አገኘሁ በመግለጫቸው።
የአማራን ሕዝብ ከሌሎች ሕዝቦች ጋር ለማጋጨትና ለመነጠል የሚሰሩ ትህነግና ኦነግ ሸኔን የመሳሰሉ ኃይሎችን ከሌሎች ወንድም ሕዝቦች ጋር በመተባበር መታገል እንደሚገባም ተግባብተናል ብለዋል። የክልሉ አመራር ያዳበረውን ውስጣዊ አንድነት በማጠናከር በሀገሪቱ ብልጽግናን ለማረጋገጥ የሚደረገውን ጥረትም በመሪነት እንዲንቀሳቀስ መግባባት ላይ መደረሱንም በመግለጫቸው አረጋግጠዋል።
ዘጋቢ፦ስማቸው እሸቴ
ዜናው  (አብመድ) ነው ከመግቢያውና ርዕሱ ተቀይሯል
Related stories   “አማራ ጨቋኝ ነው” ከስታሊን የተቀዳ የግራ ፖለቲከኞች ትርክት

Leave a Reply

Your email address will not be published. Required fields are marked *