ተዳፍኖ የቆየው የኦነግ የውስጥ ለውስጥ ፍትጊያ ወደ መቋጫው ያመራ ይመስላል። አቶ ቀጀላ መርዳሳ ዛሬ ማለዳ ሸገር ላይ ቀርበው አቶ ዳውድ ኢብሳ መታገዳቸውን ይፋ አድርገዋል። በዛው አንድበታቸው የህግና ቁጥጥር ኮሚቴው ውሳኔው ይፋ እስከሚሆን ነው እግዱ ሲሉም ጠቅሰዋል። እሳቸው በዚህ መልኩ ቢያቀርቡትም ዜናው የኦነግ የውስጥ ለውስጥ ትርምስ ወደ መጨረሻው ምዕራፍ ማምራቱን አመላካች እንደሆነ ነው።

ለሁለት አስርት ዓመታት ኦነግን በመምራት የኖሩት አንጋፋው ዳውድ የድርጅቱን ደንብ ጥሰዋል በሚል ነው የታገዱት። በማህበራዊ ገጾችና ሚዲያዎች የባልደረቦቻቸውን ስም እንዳጠፉ፣ እሳቸው እያወቁት የተካሂደውን ስብሰባ ” ከእኔ እውቅና ውጭ ነው” በማለት መካዳቸው በድርጅቱ ደንብ መሰረት ከፍተኛ የዲሲፒሊን ግድፈት መሆኑንን አቶ ቀጀላ አስታውቀዋል።

Subscribe to our newsletter!

[newsletter_form type=”minimal” lists=”undefined” button_color=”undefined”]

በድርጅቱ የዲሲፒሊን ግድፈት ሲከሰት አጣርቶ ውሳኔ የሚሰጠው የዲሲፒሊንና ቁጥጥር ኮሚቴ ጉዳዩን እንደያዘው አቶ ዳውድም ቀደም ባሉት ጊዚያት መግለጻቸው የሚታወሰ ነው። ዜናውን አስገራሚያ ያደረገው አቶ ዳውድ በደኮሚቴው እንዲቀርቡ የወሰኑት ምክትል ሊቀመንበሩ መሆናቸው ነው።

ቀደም ባሉት ቀናት ቢልተን ሆቴል በተሰጠ መግለጫ ቀደም ሲል ያልተለመዱ አዳዲስ ሃሳቦች መነሳታቸው፣ ከዛም ቀናት በሁዋላ የዳውድ መታገድ ከተድበሰበት መውጣቱ ኦነግ በአንድ የሽግግር ሂደት ላይ መሆኑንን አመላካች እንደሆነ አመላካች መሆኑንን ስለ ድርጅቱ የሚያውቁ እየገለጹ ነው።

አምስት ቦታ የተበጣጠሰው ኦነግ በ1982 ወደ አንድ እንዲመለስ አስፈላጊው ሂደት ካለቀና ፊርማ ከሰፈረ በሁዋላ አቶ ዳውድ እንዳከሸፉት የሚያውቁ እንደሚሉት የሂልተኑ መግለጫ በኦነግ ቤት ውስጥ ለውጥ እየተካሄደ መሆኑንን የሚያረጋግጥ ነው።

ከድርጅቱ ያለ አግባብ የተገፉ ልምድ ያላቸውን የቀድሞ አመራሮች እያማከረ እንደሆነ የሚታማው ኦነግ ጊዜው ወደ አንድ የሚመጣበት መሆኑንን በሂልተኑ መግለጫ ማንሳቱ፣ ከሰላማዊ ትግል ውጪ ያሉትን መንገድ ማውገዙ፣ ኦነግ ሸኔ ከ600 በላይ አባሎቹን እንዳሰረበት ማስታወቁና ድርጅቱ ለማናቸውም ዜጎች ክፍት እንዲሆን ጥሪ መቅረቡ አቶ ዳውድ የማያውቁት ወይም ሊያስቆሙት የማይችሉት ለውጥ እየተቀጣጠለ መሆኑንን አመላካች ነው።

Related stories   የጅማ ዩኒቨርስቲ ምግብ ባለመብላት ቅሬታቸውን ገለጹ

ኦነግን በአካባቢ ልጆች ከበው ሆሮ ወለጋ አንድ ወረዳ ቀርቅረውታል በሚል የሚተቹት ዳውድ እሳቸውን ያገደው ቡድን ከቀድሞ የድርጅቱ ከፍተኛ አመራሮች ጋር ግንኙነት መጀመሩና በኦሮሞ ጉዳይ ተመሳሳይ አቋም ካላቸው ድርጅቶች ጋር አብሮ ለመስራት የሚያስችል ስምምነት ለማድረግ ፈቃደኛ መሆኑ የዳውድን የድርጅቱ ቆይታ ጥያቄ ውስጥ የከተተ ሆኗል።

ለድርጅቱ ቅርብ የሆኑ እንዳሉት ኦነግ ውስጥ የተፈጠረው አለመግባባት የቆየ ነው። ድርጅቱ ውስጥ በሰላማዊ መንገድ ብቻ እንታገል የሚሉና ከኦነግ ሸኔ ጋር በሽርክና እንቀጥል የምሉ ሃይሎች ሲሳሳቡ ቆይተዋል። በተለይም ዜግነት መቀየር ያልፈለጉና ወደ መኖሪያ አገራቸው የተመለሱ የድርጅቱ አባላት በጠመንጃ ትግል ማመናቸውና ሸኔን በይፋ በፋይናንስ ለመርዳት መንቀሳቀሳቸው ያላስደሰታቸው ይህንኑ ሲወቅሱ ቆይተዋል።

አሁን ዳውድን ያገደው ቡድን ለዚህ የመስላል ” ኦነግ በውጭ አገር አመራር የለውም” ሲል በይፋ ያስታወቀው። ውጪ ባሉ ወገኖችና በተወሰኑ የኦነግ አመራሮች የሚደገፈው ሸኔ አባላቱን እንዳገተበት፣ እንደማይደግፉት ትኩረት ሰጥቶ የተናገረው። የኦነግ የውጭ ምዕራፍም ቢሆን በተመሳሳይ በሁለት ሃሳብ ተከፍሎ እንደሚገኝ የሚናገሩት ክፍሎች ” ኦነግ ወደ መጨረሻው የለውጥ ጎዳና እያመራ ነው” ሲሉ እየተደመጡ ነው።

ኦነግ ቅርፊቱን ልጦ ወደ ለውጥ እያመራ መሆኑ ይፋ የሚታይ ቢሆንም አቶ ዳውድ አሁን ድረስ እየሆነ ላለው ጉዳይ እውቀና አይሰጡም። ቢቢሲ አማርኛ ከስር ስር እየተከተለ የሚያነጋግራቸው አቶ ዳውድ መታገዳቸው ይፋ መሆኑንን ተከትሎ ምን እንደሚሉና ምን እርምጃ እንደሚወስዱ እስካሁን የታወቀ ነገር የለም። ኦነግ ግን በምክትል ሊቀመንበሩ እየተመራ መሆኑንን ድርጅቱ አስታውቋል።

በምክትል ሊቀመነበሩ የሚመራው ኦነግ ከተከፋፈለው ኦነግ አመራሮች፣ ከቀድሞው መስራች አመራሮች ጋር የጎንዮሽ ንግግር ማድረግ የጀመሩ ሲሆን ጠቅላላ ጉቤል ለማካሄድ እየሰራ መሆኑ ታውቋል።

Related stories   በስሌት ደረጃ “ህወሓትን ማዳከም ስርዓቱን ለማፍረስ መሰረት ነው”

Leave a Reply

Your email address will not be published. Required fields are marked *