የአዲስ አበባ ከተማ ምክር ቤት በዛሬው እለት ባካሄደው አስቸኳይ ጉባዔ ወ/ሮ አዳነች አቤቤን ከንቲባ አድርጎ መረጠ። አዳነች የአዲስ አበባ 32 ከንቲባ መሆናቸው ነው። አዳነች መሾማቸውን ተከትሎ የመሬት ወረራና የኮንዶሚኒየም ቤቶች ስርጭት ላይ ያለውን ሃሜት የሚገፍ ውሳኔ ያሳልፋሉ ተብሎ ይጠበቃል።

አዲስ አበባ ላይ በማህበራዊ መስኩ ያበረከቱት አስተዋጾ የተወደደላቸው ኢንጂነር ታከለ ኡማ የኢፌዴሪ የማዕድንና ነዳጅ ሚኒስትር ሆነው ተሹመዋል። ሹመቱ የተሰማው ጠቅላይ ሚኒስትር አብይ አስር ሰዎችን የሾሙበት ዝርዝር ዛሬ ማለዳ ከጠቅላይ ሚኒስትር ጽህፈት ቤት ይፋ ከሆነ በሁዋላ ነው።

በተቀመጠው የሹመት ህግ መሰረት ምክትል ከንቲባ ወይዘሮ አዳነች አቤቤም እምክር ቤት ፊት ቆመው ቃለ መሃላ መፈጸማቸውን የመንግስት መገናኛዎች አሳይተዋል።

በኦሮሚያ ክልል በተለያዩ ሃላፊነቶች፣ ከለውጡ ወዲህ የገቢዎች ሚኒስትርነትና የፌደራል ጠቅላይ አቃቤ ህግ ሆነው ያገለገሉት አዳነች አቤቤ ውሳኔ አሰጣጥ ላይ የማይቸገሩ እንደሆኑ በርካቶች ይመስክሩላቸዋል። ከትናንት በስቲያ ብልጽግና ባካሄደው ስብሰባ ወ/ሮ አዳነች ምክትል ከንቲባ ሆነው እንዲመሩ በተመሳሳይ አቋም ድጋፍ ማግነታቸውን ዛጎል አጣርታለች።

ወይዘዋ ከበትረ ሹመቱ በሁዋላ ለምክር ቤቱ አጭር ንግግር አድረገዋል። አዲስ አበባ እንደ ስሟ ዘመናዊ እንድትሆን በርካታ ስራ ሲሰራ መቆየቱን አውስተዋል። ለኢንጂነር ታከለ ኡማ እና ለካቢኔያቸው ምስጋና ይገባል ሲሉም አስፈላጊውን ክብር ሰጥተዋል።

በቀጣይ ጊዜያትም አዲስ አበባን ለማስዋብና ሁሉም ዜጋ እኩል የሚገለገልባት ከተማ ለማድረግ፣ የመሰረተ ልማት ስራዎችን ለማሟላት፣ የተጀመሩ በርካታ የልማት ስራዎችን ለማስቀጠል እና አገልግሎት አሰጣጥን ለማዘመን በትኩረት እንደሚሰራ ገልጸዋል። ድህነትን ቅነሳ ላይና የመኖሪያ ቤት እጥረትን ለመቅረፍ ልዩ ትኩረት ሰጥተው እንደሚሰሩም አስገንዝበዋል።

ምክትል ከንቲባ ወይዘሮ አዳነች አቤቤ በመቀጠልም አቶ ዣንጥራር አባይ በምክትል ከንቲባ ማዕረግ የመንግስት አገልግሎት ሰጪ ተቋማት አስተባባሪ ሆነው እንዲሾሙ ለምክር ቤቱ በእጩነት አቅርበዋል።

ምክር ቤቱም ሹመቱን በመቀበል አቶ ዣንጥራር አባይ በምክትል ከንቲባ ማዕረግ የመንግስት አገልግሎት ሰጪ ተቋማት አስተባባሪ አድርጎ ሾሟል።

Related stories   AUC in winds of change

በአዲስ አበባ ዙሪያ የተካሄዱ የመሬት ወረራና በሃይል የተወሰዱ የአርሶ አደሮች መሬትን በማስመለስ ረገድ የሚወስዱት እርምጃ የአዳነች አቤቤ የመጀመሪያ ስራ እንደሚሆን ይገመታል።

Subscribe to our newsletter!

[newsletter_form type=”minimal” lists=”undefined” button_color=”undefined”]

Leave a Reply

Your email address will not be published. Required fields are marked *