በፌደራል የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ተረኛ ችሎት አቃቤ ህግ በአቶ እስክንድር ነጋ፣ ስንታየሁ ቸኮልና ቀለብ ስዩም ላይ በአስራ አምስት ቀናት ውስጥ ክስ እንዲመሰርት ብይን ሰጠ። አቃቤ ህግ ሁለት የቅድመ ምርመራ ምስክሮችን አሰምቶ አጠናቋል።

ስልጣን ባለው ፍርድ ቤት ክስ እስከምመሰርት ድረስም ተጠርጣሪዎች በማረፊያ ቤት ይቆዩልኝ ብሎ አቃቤ ህግ ፍርድ ቤቱን ጠይቋል።

ተጠርጣሪዎች በበኩላቸው ክስ እስከሚመሰረትብን ድረስ በዋስ ወጥተን በውጭ እንከታተል ሲሉ ያመለከቱ ሲሆን አቃቤ ህግ ተጠርጣሪዎቹ ስልጣን ባለው ፍርድ ቤት ክስ ሲመሰረት የተጠረጠሩበት ወንጀል ዋስትና የሚያስከለክል በመሆኑ በማረፊያ ቤት እንዲቆዩልኝ ሲል የዋስትና ጥያቄውን ተቃውሟል።

ጉዳዩን የተከታተለው ፍርድ ቤትም ተጠርጣሪዎች ክስ እስከሚመሰረት ድረስ በማረፊያ ቤት እንዲቆዩ እና አቃቤ ህግ በ15 ቀናት ውስጥ ክስ እንዲመሰርት ብይን ሰጥቷል።

ፋና

Related stories   በሀረማያ ከተማ ህገ ወጥ የሞባይል ሲም ካርዶችና መድሃኒቶች ተያዙ

Leave a Reply

Your email address will not be published. Required fields are marked *