ZAGGOLE – ዛጎል

“Our true nationality is mankind.”H.G.

በአፍሪካ የኮሮና ቫይረስ ምርመራ ተቋማት ትስስር ይፋ ተደረገ።

የዓለም ጤና ድርጅት እና የአፍሪካ በሽታዎች መቆጣጠሪያ ማዕከል (ሲዲሲ) የኮሮና ቫይረስን የመከላከል ተግባር ማጠናከር የሚያስችል አዲስ የላቦራቶሪ ትሥሥር ስምምነት ፈጽመዋል፡፡

እንቅስቃሴው የተጀመረው በአፍሪካ የበሽታው ተጽዕኖ አናሳ ነው የሚለ እምነት መኖሩን ተከትሎ ነው፡፡ አዲሱ ስምምነት የወረርሽኙን ሥርጭት እና ባሕሪ በሚገባ በማጥናት ውጤታማ ምላሽ መስጠት እንደሚያስችል ታምኖበታል፡፡

የአፍሪካ በሽታዎች መቆጣጠር ማዕከል (ሲዲሲ) የወረርሽኙ የስርጭት መጠንም ሆነ በወረርሽኙ ሕይወታቸውን የሚያጡ ሰዎች ቁጥር ከሌሎች አሕጉራት ጋር ሲነጻጸር አናሳ መሆኑን ገልጿል፡፡

Related stories   በምናለሽ ተራ ገበያ – ከሰኞ እስከ እሁድ

የዓለም ጤና ድርጅት ደግሞ የአፍሪካ ሀገራት የመመርመር አቅማቸው ዝቅተኛ መሆኑን በማንሳት መረጃው ትክክል እንዳልሆነ ሞገቷል፡፡ በመሆኑም የበሽታው ሥርጭት እና በዚህ ምክንያት የሚሞቱ ሰዎች ቁጥር ዝቅተኛ እንደሆነ በማሰብ መኩራራት አንደማይገባ አስጠንቅቋል፡፡

አዲስ የተጀመረው እንቅስቃሴ የአፍሪካ ሀገራት የሳርስ-ኮሮና ቫይረስ ዝርያዎችን በሚገባ እንዲያውቁ፣ ለበሽታው የሚሰጡትን ምላሽና የሕሙማን እንክብካቤ እንዲያሻሽሉ እንዲሁም ለአህጉሪቱ ሕዝብ የሚያስፈልጉ መድሃኒቶችን መሟላት እንደሚያስችላቸው የዓለም ጤና ድርጅት እና የአፍሪካ በሽታ መቆጣጠር ማዕከል ባለሙያዎች እምነት አላቸው፡፡ ለዚህም 12 ስፔሻላይዝድ ላቦራቶሪዎች ትስስሩን እንደሚቀላቀሉና 10 የሚሆኑት ቀደም ብለው መለየታቸው ተመላክቷል፡፡

Related stories   የዓለም ጤና ድርጅት ለቻይናው ክትባት ይሁንታውን ሰጠ

ምንጭ፡- ቢቢሲ አማራ ማስ ሚዲያ