“Our true nationality is mankind.”H.G.

በኢሬቻና በመስቀል የደመራ በዓል ታዳሚዎች የይለፍ ባጅ ተዘጋጀ፤

የአዲስ አበባ ፖሊስ ኮሚሽን ኮሚሽነር ጌቱ አርጋው

የፊታችን ቅዳሜና እሁድ የሚከበሩት የደመራና የመስቀል በዓል እንዲሁም መስከረም 23 እና 24 ለሚከበረው የኢሬቻ በዓል የሚታደሙ ሰዎች ባጅ ወይንም የይለፍ ካርድ የያዙ መሆናቸው ተገልጿል፡፡

የአዲስ አበባ ፖሊስ ኮሚሽን በበዓላቱ ዙሪያ ዛሬ መግለጫ ሰጥቷል፡፡ የአዲስ አበባ ፖሊስ ኮሚሽን ኮሚሽነር ጌቱ አርጋው ባጅ ወይንም የይለፍካርድ ያስፈለገበትን ምክንያት ዘርዝረዋል፡፡ በዚህም ከኮሮና ቫይረስ ጋር በተያያዘ የጤና ሚኒስትር በሰጠው አቅጣጫ መሰረት የተወሰደ መሆኑን ነው ያስረዱት፡፡

ከዚህ ቀደም በበዓሉ አዘጋጆች እና በመንግስት ደረጃ በዓላቱን በድምቀት ለማክበር የተወሰነ መሆኑን አንስተው የጸጥታ አካላቱም በዚህ መሰረት ጥሪ የተደረገላቸው የበዓላቱን ታዳሚዎች ያስተናግዳሉ ብለዋል፡፡ ወደ በዓሉ የሚመጡ አካላት ባጅ ከሌላቸው እንደማይስተናገዱ ገልጸዋል፡፡

Related stories   ፋኦ በትግራይ ክልል ለአርሶ አደሮች የእህል ዝርያዎችን ማሰራጨትና እንስሳቶችን መከተብ ጀመረ

በበዓላቱ ላይ ህጋዊ ዕውቅና የሌላቸው አርማዎችን ሰንደቅ አላማዎችን እንዲሁም ብሄርን ከብሄር ሃይማኖትን ከሃይማኖት የሚያጋጩ ጽሑፎችን መያዝ በጥብቅ የተከለከለ መሆኑን አሳስበዋል፡፡ ይህንን በሚተላለፉ ላይ ህጋዊ እርምጃ እንደሚወስድ ኮሚሽነሩ ተናግረዋል፡፡

በተጨማሪም የመዲናዋ ጸጥታን ለማደፍረስ የሚሞክሩ ኃይሎች መኖራቸውን ያነሱት ኮሚሽነሩ የእነዚህ አካላት መጠቀሚያ እንዳይሆን ርችት መከልከሉን ገልጸዋል፡፡ እንዲሁም ከተፈቀደለት አካል ውጪ በዋዜማውም ሆነ በበዓሉ ቀን በጋራም ሆነ በተናጠልም በሚደረጉ የደመራ በዓላት ላይ ርችት መተኮስ መከልከሉን ጠቅሰዋል፡፡

በዓላቱ በሰላም ተጀምረው በሰላም እንዲጠናቀቁ የመዲናዋ ነዋሪዎች ከህግ አስከባሪ አካላት ጋር በመቀናጀት በጋራ ሰላም መጠበቅ እንደሚገባቸው አሳስበዋል፡፡

Related stories   የትግራይ ክልል ባቀረበው ፍላጎት መሠረት የአፈር ማዳበሪያ መቶ በመቶ እንዲቀርብ መደረጉ ተገለጸ

ህብረተሰቡ የሚያጋጥመው ችግር ካለ በነጻ የስልክ መስመር በ991 እና በ011 11 01 11በመደወል ጥቆማ እንዲሰጥ ጠይቀዋል፡፡ ሲል ፖሊስን ጠቅሶ ፋና ዘግቧል።

Share and Enjoy !

Shares
0Shares
0