ዛሬ በኦሮሚያ ከፍተኛ ፍርድ ቤት የቀረቡት አቶ ልደቱ አያሌው አቃቤ ህግ ላቀረበባቸው የዋስትና ክልከላ ውሳኔ ለመስጠት ለመስከረም 26 ቀን 2013 ዓ.ም ቀጠሮ ሰጥቷል፡፡ ድህንነት ያስታጠቃቸው መሳሪያ ዋስትና እንደማያስከለክላቸው ገልጸዋል።

አቶ ልደቱ የተቃዋሚ ፖለቲካ አመራር ሆነው ከትህነግ ጋር በሚስጢር ይሰራሉ በሚል ይቅርብባቸው ስለነበር በድንገት ታስረው መንግስት እንዳስታጠቃቸው በራሳቸው አንደበት መናገራቸው ከእስሩ በላይ ከፍተኛ መነጋገሪያ መሆኑ ይታወሳል። 

በ1997 ቅንጅት ያገኘው ድምጽ ተወስዶ፣ ፓርቲው እንዲበተን ታላቁን ሚና ተጫውተዋል በሚል ጥርስ ውስጥ የገቡት አቶ ልደቱ፣ በዛው ወቅት ለድህንነታቸው መጠበቂያ የሚቃወሙት ድርጅት እንዴትና በምን ሂሳብ ሊያስታጥቃቸው እንደቻለ ከእስር ሲወጡ ምናልባትም ወደ ፖለቲካው መድረክ የሚመለሱ ከሆነ አስቀድመው የሚያስተባብሉት ጉዳይ እንደሚሆን ይጠበቃል። አብዛኞች እንደሚሉት ከሆነ ግን አቶ ልደቱ ትንሽም ቢሆን አንሰራርቶ የነበረው ተሳትፏቸው ዳግም ሊያንሰራራ እንደማይችል በተደጋጋሚ አስተያየት ሲሰጡ ተሰምቷል። የዛሪውን የፍርድ ቤት ውሎ ኢትዮ ኤፍ ኤም እንደሚከተለው ዘግቦታል።

የምስራቅ ሸዋ ከፍተኛ ፍርድ ቤት አቶ ልደቱ አያሌው በመቶ ሺ ብር ዋስ ከእስር እዲፈቱ ውሳኔ ከሰጠ በኋላ ታግዶ ለዛሬ ፍርድ ቤት እንዲቀርቡ ትዕዛዝ መስጠቱ የሚታወስ ነው፡፡

ዛሬ የኦሮሚያ ከፍተኛ ፍርድ ቤት የቀረቡት አቶ ልደቱ አያሌው አቃቢ ህግ የተሰጣቸው ዋስትና ሊከለከል ይገባል ያለበትን አራት ምክንያቶች አቅርቧል፡፡

ቀዳሚው አቶ ልደቱ ቢለቀቁ ምስክሮችን ያስፈራሩብኛል የሚል ሲሆን ሁለተኛው የተገኘባቸው መሳሪያ ህገወጥ ስለሆነ
ዋስትና ሊሰጣቸው አይገባም ፡፡

በሶስተኝነት ደግሞ አቶ ልደቱ የህክምና ቀጠሮ ያላቸው በአሜሪካ ስለሆነ ውጪ ቢሄዱ በዛው ይቀሩብኛል የሚል ነው፡፡

አራተኛው የአቶ ልደቱ ፓርቲ ደጋፊዎች በምስክሮቼ ላይ ተጽዕኖ ያሳርፉብኛል የሚል መሆናቸውን የኢትዮጵያውያን ዴሞክራሲያዊ ፓርቲ ሊቀመንበር አቶ አዳነ ታደሰ ለኢትዮ ኤፍ ኤም አስረድተዋል፡፡

ለዚህ አቃቤ ህግ ላቀረበው አቤቱታም አቶ ልደቱ እስካሁን ከአስር ጊዜ በላይ ፍር ቤት ቀርቤያለሁ፤ በቀረብኩባቸው ጊዜያት ሁሉ በነጻ ብለቀቅም ዋስትና ቢሰጠኝም ፖሊስ እኔን ለመልቀቅ ፈቃደኛ አይደለም፡፡ በዚሁ መንገድ ከሁለት ወር በላይ ሆኖኛል፡፡

ይሄ የሚያሳየው አቃቤ ህግ በእኔ ላይ ወንጀል አግኝቶ ሳይሆን እየከሰሰኝ ያለው የተለያዩ ቀጠሮዎችን በማራዘም ፣ ይግባኝ በመጠየቅ እና በማስከልከል እስር ቤት እንድቆይና በእስር ቤት ውስጥ ህይወቴ እንዲያልፍ ነው የሚፈልገው፡፡

ከዚህ አንጻር የሚያነሳቸው መከራከሪያዎችም ተገቢነት የላቸውም ሲሉ ተከራክረዋል፡፡
የመጀመሪያው ምስክሮች ቤቴ ሲፈተሸ በአካል ቀርበው የነበሩ ሰዎች ናቸው፡፡

የተገኘውን መሳሪያ በእኔ እጅ እንዳለ አልካድኩም፡፡ ለፍርድ ቤቱም ማረጋገጫ የሰጠሁት እኔ ራሴ ነኝ፡፡ ከመንግስት የተቀበልኩት መሳሪያ መሆኑን አስረድቼያለሁ፡፡

በሁለተኛ ደረጃም ውጪ ሄጄ መታከም እንዳለብኝ ለፍርድ ቤቱ የተናገርኩት እኔ ነኝ፡፡ ይህንን አቃቤ ህግ እንደ አዲስ ያገኘው አይደለም፡፡ እኔ ራሴ ነኝ የተናገርኩት ሲሉ ውድቅ አድርገውታል፡፡

ሶስተኛው በፓርቲ ደጋፊዎች ማስፈራሪያ ያደርሳል የሚለው ህጋዊ ፓርቲ በመሆኑ ደጋፊዎቹም ሰላማዊ ናቸው፡፡ እንዲህ ዓይነት ህገ ወጥ ስራን አንሰራም፡፡

በመጨረሻም ህገወጥ መሳሪያ በቤቱ ተገኘ የሚባለው ፈጽሞ ተገቢ አይደለም ሲሉ አቶ ልደቱ ተከራክረዋል፡፡ አሁን እየተደረገ ያለው መንግስት ራሱ ባስታጠቀኝ መሳሪያ ራሱ እየከሰሰኝ ነው፡፡ ይህ በማስረጃ የተረጋገጠ ነው፡፡ ከመንግስት እደተቀበልኩኝ ማስረጃ አቅርቤ ውድቅ ተደርጎብኛል፡፡ ህገወጥነው የሚያስብል ምንም ነገር የለም ብለዋል፡፡

በመጨረሻም የሁለቱን ወገን ክርክር ያደመጠው ፍርድ ቤት ለመስከረም 26 ከጠዋቱ ሶስት ሰዓት ላይ ውሳኔ ለመስጠት ቀጠሮ ሰጥቷል፡

  • “ዶክተር ነኝ” በማለት ሲያጭበረብር የተገኘ ግለሰብ በእስራትና በገንዘብ ተቀጣ
    የጎባ ወረዳ ፍርድ ቤት በጎባ ሪፈራል ሆስፒታል “የህክምና ዶክተር ነኝ” በማለት በተደጋጋሚ ህብረተሰቡ ላይ የማጭበርበር ወንጀል ፈጽሟል ያለውን ግለሰብ በ6 ዓመት ከ6 ወር እስራትና በገንዘብ ቀጣ። ፍርድ ቤቱ ዛሬ በዋለው ችሎት የቅጣት ውሳኔውን ያሳለፈው በጎባ ከተማ ኦዳ በሃ ቀበሌ ነዋሪ በሆነው አብዱልጀዋድ አማን ላይ ነው። ግለሰቡ በተደጋጋሚ በጎባ ሪፈራል ሆስፒታልContinue Reading
  • የፍትህ ያለህ የሚሉት የ87 ዓመት አረጋዊቷ እሮሮ
    <<ጉልበቴ እንደዛሬው ሳይደክም በ1976 ዓ.ም የሰራሁትን መጸዳጃ ቤት በተንሻፈፈ ፍርድ አፍርሽ ተብዬ ተወስኖብኝ የፍትህ ያለህ! ፍትህ ተዛብቶብኛል የሚሉት ገርበ ጉራቻ ከተማ ነዋሪ የ87 ዓመት አዛውንቷ ወይዘሮ እናኑ ክብረት ናቸው፡፡ ሰሚ አጥቼ እያለቀስሁ እገኛለሁና ህዝብና መንግስት ይፍረደኝ>> ሲሉ ለዝግጅት ክፍላችን አቤቱታቸው አቅርበዋል። በገርበ ጉራቻ ከተማ ተወልደው እንዳደጉ የሚናገሩት ወይዘሮ እናኑ ክብረት፤Continue Reading
  • ሕወሃት 7 ቢሊዮን የሚጠጋ ገንዘብ ለወንጀል መፈጸሚያነት ማዋል እንዳይችልና እንዳያሸሽ ተደረገ
    ህገ ወጥ ቡድኑ ብር 6,762,942,319 (ስድስት ቢሊየን ሰባት መቶ ስልሳ ሁለት ሚሊዬን ዘጠኝ መቶ አራባ ሁለት ሺ ሦስት መቶ አስራ ዘጠኝ ብር) የሆነን ገንዘብ ለወንጀል መፈጸሚያነት ማዋል እንዳይችልና በሕገ-ወጥ መንገድ እንዳያሸሽ (እንዳይሰዉር) መከላከል መቻሉ ተገለጸ የፌዴራል ጠቅላይ ዐቃቤ ሕግ የሕወሃት ሕገ-ወጥ ቡድን ታሳስ 24 ቀን 2013 ዓ.ም በሰሜን ዕዝ ላይContinue Reading
  • የወንጀል ተካፋይ የሆነን ሰው ምስክር አድርጎ ከክስ ነፃ ስለማድረግ
    1. ከክስ ነፃ የማድረግ ምንነትና አይነት ከክስ ነፃ ማድረግ ማለት ከቃሉ መረዳት እንደሚቻለው በህግ ከሚጣል ግዴታ፣ ከመከሰስ ወይም ከቅጣት ነፃ ለማድረግ የሚወሰን ውሳኔ ነው፡፡ ከክስ ነፃ ማድረግ የተለያየ አይነት ያለው ሲሆን ምስክርን ከክስ ነፃ ማድረግ፣ ለህዝብ ጥቅም ሲባል የመንግስት ሀላፊዎችን ከክስ ነፃ ማድረግ፣ የሉዓላዊነት ነፃነት እና የዲፕሎማሲ ነፃነት ሊሆን ይችላል፡፡Continue Reading

Share and Enjoy !

0Shares
0

Leave a Reply

Your email address will not be published. Required fields are marked *